2 थिस्सलुनीकियों 3:14 - लाहौली बाइबिल

¹⁴ दंङ अरिया हेंदु दि डाको हुकुम माह मनेक्च़ा दंङ दुह मीहू पाहठी भत्तेतिंङ कंड्रुंई दंङ दोरंङ साते संगति थालंही, ताकि दोबि शर्मिन्दगी महसूस शुहबी जूंस।

2 थिस्सलुनीकियों 3:14 Iomraidhean Croise

मत्ती 18:17

अगर दोई दोतु लाह मरेड्रीरी ताह कलीसियाओ मीहतु हखा कुड़ु अगर दोई कलीसियाओ लाह मरेड्रीरी ता दोरंङ साते ध्वांए व्यावार लांई छना केहच़ी ऊई जाति ए चुंगी लेहपच़ा दोतंङ साते लोहन।

रोमियो 16:17

हेंतेग हे विशवासी न्वारे, गेह केतंङ साते बिनती लहज़ातग, कि केरे दुह मीहतंङ साते खबरदार ए शत्‌ह बंङज़ेंई, दंङ दू शिक्षा ओ खिलाप तोह, अंऊ केतिंङ खोकसी तोह, दंङ अंऊ ऊई मीहतु विशवास रिंङ कमज़ोर शुहबी ए झगड़ो वहज़ा शुहबी।

1 कुरिन्थियों 4:14

गेह केतिंङ षेपिमी थल्जी दि गप्पा माह चेहच़ातग, पर गिऊ मकसद केतिंङ शिक्षा रंड्री तोह, छना कुचे केरे गिऊ कटुतु ठ्रोह शुई। अतंङ गेह हेले दाह लहज़ातग केतिंङ गेह चेतावनी रंड्रातग।

1 कुरिन्थियों 5:11

गिऊ कुट्री दि तोह कि अगर अरिया एनाबि विशवासी कुट्रा, कुकम, लालची, या मुर्ति पूजा लहज़ा, या गाड़ी रंड्रा, तुंङज़ाड़ (पियक्कड़), या ऊईतिंङ धोखा रंड्रा शोतो, ता दोरंङ साते संगति थालंही; पर झांह ठ्रोह मीहतंङ साते बगत ला थाज़ंई।

1 कुरिन्थियों 5:9

गेह घेंङौ मुण्डो डाकरिंङ केतिंङ दि च़ेहसी तातेग, कि कुकम लहज़ा तंङ साते मेल-जोल था तंही।

2 कुरिन्थियों 10:6

दंङ तेयार बंङज़ातंई कि अपेहल केरे भत्ते पाहठी मसीहू आज्ञाकारी शुहचे योंई, दंङ तोग हर इच्च़ा पाहठी आज्ञा माह मनेक्च़िमी दू मीहबी सज़ा रांई।

2 कुरिन्थियों 2:9

छना कुचे गेह केतिंङ दिऊ थल्जी ला चेआतग, कि केतिंङ परखेकी च़रपोग, कि केरे गिऊ हुकुमो भाषे लहज़िमी थल्जी तेयार तोतोंई या माह तोंईया।

2 कुरिन्थियों 7:15

तीतुसे अपेहल दि हिद लहज़ा कि छना केहच़ी दोऊ हुकुमो भाषे लहज़ातंई, अपेहल केहच़ी बेह्द चेहके ए मोह्ड़े आदरा रंङ साते दोऊ स्वागत लाहतंई, दंङ दू केतंङ साते ऊई ला महसे दाह लहज़ा।

फिलिपियों 2:12

हे गिऊ प्यारे साथी विशवासी रे, अपेहल गेह केतंङ साते तोईग दोहपल केहच़ी हमेशा परमेश्वरो हुकुमो भाषे लहरिन। एंतेग अपेहल गेह ऊईतार शुहचे इलजी तोतोग, दंङ केतिंङ ऊई ला गप्पा मनेक्च़ी जूंशी तोह। बेह्द रंङ साते केहतु बिचंङ भत्ते तिंङ दुह चीज़ लेह जूंशी तोह अंऊ दुह मीहतु थल्जी सही तोह अंऊ दोतिंङ परमेश्वरे बचाएसी ततो।

कुलुस्सियों 4:16

दंङ अपेहल दि डाक केहतु दोर्तिंङ पड़ेगी केओनि, दंङ झांह लंहि कि लौदीकिया शहरो कलीसिया रिंङ ला पढेक्पी जूंस, दंङ दुह डाक अंऊ लौदीकिया ओ कलीसियाओ दोरच़ी अपतो दुह केई ला पढ़ेक्तु।

1 थिस्सलुनीकियों 4:8

झांह लेह अंऊ ला दि कानूनो भाषे माह लहज़ा, दोई मीहतिंङ मशत पर परमेश्वरो कानून माह ञेंहच़ा, अच़ि एनोह पवित्र आत्मा केतिंङ रांहषी ततो।

2 थिस्सलुनीकियों 3:6

हे गिऊ प्यारे साथी विशवासी रे, ञेंहच़ी केतिंङ दुह अधिकारे हुकुम रंड्रातंई अंऊ हेंदिंङ प्रभु यीशु मसीह रांहषी ततो, कि हर इच्च़ा झांह ठ्रोह साथी विशवासी ओ दोरच़ी शत्‌ह बंङज़ुंई, अंऊ सुस्तीरिंङ बंङज़ातोर, दंङ अंऊ दुह, दुह हुकुमो भाषे माह लहज़ा अंऊ दुह ञेंहच़ी केतिंङ सिखाएकातेंई।

तीतुस 2:8

कांह शिक्षा हमेशा सच्चाई ओ शुहबी जूंस, अतु अच़िया बुराई लेह माह जूंस, ताकि दोरे अंऊ यीशु मसीहू वहज़ा ज़ि कांह विरोध लहज़ातोर, शर्मिन्दा शोर। छना कुचे दोरे हेंदु पाहठी छल्ले मदम कुट्री मरपोर।

तीतुस 3:10

अंऊ मीहच़ी कलीसिया रिंङ फूट केट्रातोर, कनिंङ दुह मीहतिंङ कम से कम झुह्ट फेरे खबरदार लहज़ी जूंशी तोह कि दोई झांह लेहई बंद लेह च़रतु। दोऊ थल, दोतिंङ छोड़ेके च़रतु।

फिलेमोंन 1:21

गेह कनु आज्ञाकारी शुहबिमी भरोसा तहच़ि ते, कनिंङ चेहच़ातग, दंङ दि ञेंच़ातग, कि छिल्ला धिर गेह कुट्रतग केई दोबि लाह बढ़ के लोहन।

इब्रानियों 13:17

केनातु अगुवा तु मनेक्तुंई; दंङ दोतु अधीन बंङज़ेंई, दोरे केहतु टोईच़ी नज़र केहषी तातोर ताकि केरे भटकेगी माह जूंस। छना कुचे दोतिंङ एनोह सेवा ओ लेखा परमेश्वरा बि रंड्री पढ़ेक्पोतो; केरे दोऊ मनेक्तुंई, ताकि दू दि कम खुशी रंङ साते लोहतो, छना कुचे दुखी शुहचे सेवकाई लहज़िमी छल्ले फायदा माह।

2 यूहन्ना 1:10

अगर अरिया केहतु कछंङ अंज़े झांह ठ्रोह शिक्षा रंड्रा तोर अंऊ मसीहू शिक्षा बे शत्‌ह तोह, दोबि माह ता चुंङ अपि रांई दंङ माह ए नमस्कार लहज़ी बढावा रांई।