2 थिस्सलुनीकियों 3:13 - लाहौली बाइबिल

¹³ हे गिऊ प्यारे साथी विशवासी रे, केरे भलाई लहज़िमी थल्जी हिम्मत था छोडे़क्तेंई।

2 थिस्सलुनीकियों 3:13 Iomraidhean Croise

लूको 18:1

यीशु ज़ि एनोह चेला तिंङ दिऊ पाहठी इच्च़ा कथारिंङ कुंहई कि, रोज प्रार्थना लोहवा लांही दंङ निराश थाह शुई;

रोमियो 2:7

अंऊ मीहरे ड्काह बंङज़ा ते भलाई लहज़ा ते महिमा ए आदरो, अपेहल ला माह योह्सा जीवनो खोजारिंङ लेहकी बंङज़ातोर, परमेश्वर दोतिंङ अनंत जीवन रमतो;

1 कुरिन्थियों 15:28

अपेहल भत्ते धिर परमेश्वरो योह अधीन शुहचे योतो, दंङ योह एनाबि पूरे तरह ठ्रोह परमेश्वरो अधीन लेह च़रपोतो, अच़ि दोबि दुह हक रांहषी ततो। दंङ सिर्फ परमेश्वर ए प्रभु शुह अंऊ भत्ते धिर ए भत्ते रिंङ कम लहज़ा।

2 कुरिन्थियों 4:1

झांह लेह अपेहल हेंदु टोहकठे झांह ठ्रोह दया शुई, कि हेंदिंङ परमेश्वरो रूठे खबर प्रचार लहज़िमी सेवकाई खोकसिरी, दंङ हेंज़ी अपेहल ला हार माह खोकपोंई।

2 कुरिन्थियों 4:16

झांह लेह हेनर याहब माह छोड़ेक्च़ातंई; हेंदु धकते कि इन्सानी रूप कमज़ोर शुहचे यवात पर हेंदु तोंखी अन्तरात्मा हर ध्याड़ा खरकोई शुहचे यवाह।

फिलिपियों 1:9

दंङ गेह दि प्रार्थना लहज़ातग, कि इदि-अई दिऊ थल्जी केहतु दाह, सच्चाई ओ ज्ञान ए दंङ भत्ते पाहठी विचार ऊई ला बेहसा लोहतो,

1 थिस्सलुनीकियों 4:1

हे गिऊ प्यारे साथी विशवासी रे, थल मुखंङ ञेंरे प्रभु यीशु मसीहू मिंदंङ केतंङ साते बिनती लहज़ातंई दंङ केतिंङ समझाएक्च़तंई, कि केरे झांह ठ्रोह चाल ज़ोई अंऊ परमेश्वराबि खुश लोहतो। अंऊ गेह केतिंङ सिखाएकातग केरे तुहई बेहच़ी ध्यांए ठ्रोह तोहई, दंङ ञेंरे केतिंङ ध्यांए लहच़िमी थल्जी ऊई ला उत्साहित लोहनि।

2 थिस्सलुनीकियों 3:15

दोरंङ साते झांह ठ्रोह व्यवहार थालंही कि दुह केहतु बैरी शुह। पर इच्च़ा विशवासी न्वा चेहके दुह समझाएक्तुंई।

इब्रानियों 12:3

यीशु उदाहरणो पाहठी सोचेक्तुंई, कि दोई दू पापी तु थल्जी अंयों सहन लहरी अंऊ दोरंङ धोंण नफरत लहज़ातेर। दोई दिऊ थल्जी दुख सहन लहरी, ताकि केरे निराश शुहचे हिम्मत छोड़ेके माह केईनि।

इब्रानियों 12:5

पर केरे दू हिम्मतो उपदेश पेहषा इलजी तोतोंई, अंऊ परमेश्वरे केतिंङ एनोह योह चेहके ते रंदे, “हे गिऊ योह, अपेहल प्रभु ज़ि केतिंङ दि एहसास दिलाएच़ा कि केहच़ी गलत लाहतंई, दंङ अपेहल दोई केतिंङ रैहच़तो ता केहच़ी हिम्मत छोड़ेक्तुंई था।

प्रकाशित वाक्य 2:3

केई धीरज़ रंङ दुख सहन लहज़ातन, छना कुचे काह गिऊ टोईच़ी विशवास लहज़ातन, दंङ केई अपेहल ला सेवा लहज़ी बंद माह लहज़ातन।