2 थिस्सलुनीकियों 3:1 - लाहौली बाइबिल

¹ हे गिऊ प्यारे साथी विशवासी रे, थल मुखंङ ञेंहतु थल्जी प्रार्थना लोहवा लंहि, ताकि ञेंरे युरनाह भत्ते ठाहरीरिंङ प्रभु यीशु मसीहू पाहठी रूठे खबर फैलाके तरपोंई दंङ मीहरे दिऊ टोहकठे ध्वांए विशवास लोहर छना केहच़ी लाहतंई।

2 थिस्सलुनीकियों 3:1 Iomraidhean Croise

मत्ती 9:38

दिऊ थल्जी परमेश्वरारंङ साते बिनती लंई अंऊ रीहऊ मालिक तोह कि दोई एनोह रीहरिंङ कम लहज़िमी थल्जी महस मीहरे च़रपोतो ताकि दोच़ी ऊई मीहतिंङ परमेश्वरो राज्यो पाहठी कमोर।”

लूको 10:2

यीशुज़ि दोतंङ साते कुंई, “छना रीहरिंङ महसे फसल शुबी, ध्वांए महस मीहरेर तोतोर अरी परमेश्वरो बचन रेड्रिमी थल्जी तेयार तोतोर। पर परमेश्वर ओ राज्यो पाहठी कंड्रा मीहरे थोड़े तोतोर। दिऊ थल्जी परमेश्वरारंङ साते अंऊ रिहू मालिक तोह बिनती लांई कि दोई एनोह रीहरिंङ कम लहज़िमी थल्जी महस मज़दूरा रे चरच़े च़रतु।”

प्रेरित 12:24

पर परमेश्वर ओ बचन फेलेके इलि दंङ बिशवासी तु गिनती बेसहा लहरी।

प्रेरित 19:20

झांह लेह प्रभु वचन सामर्थ रंङ साते फेलेकचि लेहती ए बड़ेक्पी लेहती।

प्रेरित 6:7

दंङ परमेश्वरो बचन फेलेके इलि, दंङ यरूशलेम शहरंङ चेला तु गिनती महस शुहचे इलि दंङ महसे यहुदी पुरोहितज़ि ला यीशु मसीहू टोहकठे बिशवास लहज़िमी दिह शिक्षा स्वीकार लहरिर।

रोमियो 15:30

हे गिऊ प्यारे साथी विशवासी रे, प्रभु यीशु मसीह रिंङ गेह हेंदु विशवासो दोरच़ी ए दंङ पवित्र आत्माज़ि छा दाह हेंदिंङ रांहषी ततो, दोऊ वहज़ा ज़ि, गेह केतंङ साते बिनती लहज़ातग, कि केहच़ी गिऊ थल्जी परमेश्वरा रंङ साते महसे ईमानदारी रंङ प्रार्थना लोहवा लंहि।

1 कुरिन्थियों 16:9

छना कुचे हेंतेग ला देर महस मीहरे तोतोर अंऊ परमेश्वरो बचन रेड्री तातोर, दंङ गिऊ देहर बंङज़ी महस फायदा तोह। हालांकि देर परमेश्वरो महस विरोधी ला तोतोर।

2 कुरिन्थियों 1:11

छना कुचे अपेहल केरे ञेंहतु थल्जी प्रार्थना लहज़ातंई दंङ केरे ञेंहतु मदत लहज़िमी थल्जी जुड़ेके य्वातंई। अंऊ आशीष महसे तु दोरच़ी ञेंहतिंङ खोकसिरी, दोऊ वहज़ा ज़ि महस मीहरे ञेंहतु तरफे धन्यवाद लंहि।

2 कुरिन्थियों 13:11

झांह लेह हे गिऊ विशवासी न्वा रे, गेह दि शब्दा रंङ साते डाक बन्द लहज़ातग; सिद्ध शुहचे इलांई; इदि-अईदि बि उत्साहित लंहि; इच्च़ा ए सेहम तंही; केनातु बिचंङ मेल-मिलापा रंङ साते बंङज़ुंई, दंङ दाह ए शांति ओ दाता परमेश्वरे केतंङ साते शोतो।

कुलुस्सियों 4:3

दंङ दिरंङ साते ए ञेंहतु थल्जी प्रार्थना लोहवा लंहि कि परमेश्वर हेंदु थल्जी प्रचार लहज़िमी मोका रमतो, कि हेनरे मसीहऊ दुह भेदो पाहठी समझाके तरपोंई, अतु वहज़ा ज़ि गेह कैदारिंङ तोतोग,

1 थिस्सलुनीकियों 1:5

छना कुचे हेंदु यीशु मसीहू पाहठी रूठे खबर केहतु कछंङ माह सिर्फ कुट्री रंङ साते ए पर पवित्र आत्मो सामर्थे ए भत्ते याहबा रंङ अंजा कि दि रूठे खबर हेले शुह, केहच़ी ञेंच़ातंई कि अपेहल ञेंरे केतंङ साते तोईनी दंङ ञेंहच़ी केहतु भलाई ऊ थल्जी छना ठ्रोह जीवन श्रींङज़ातंई।

1 थिस्सलुनीकियों 1:8

छना कुचे केहतु दोरच़ी माह सिर्फ मकिदुनिया ए अखयारिंङ प्रभु वचन सुनाई केहरी पर केहतु विशवास अंऊ परमेश्वरो टोईच़ी तोह भत्ते ठाहरीरिंङ दोऊ गप्पा फेलेगी इलजी तोद कि ञेंतिंङ कुट्रीमी ज़रूरत माह।

1 थिस्सलुनीकियों 2:1

हे गिऊ प्यारे साथी विशवासी रे, केहच़ी केनाच़ि ए ञेंच़ातंई कि ञेंहतु केहतु कछंङ अपि फायदा ओ कम शुई।

1 थिस्सलुनीकियों 2:13

झांह लेह ञेंरे ला रोज परमेश्वरो धन्यवाद लहज़ातंई, कि अपेहल केहच़ी दुह रूठे खबर थाशातंई अंऊ ञेंहच़ी केहतु बिचंङ प्रचार लाहतंई, दंङ केहच़ी दुह मीहतु मशत पर परमेश्वरो वचन समझेगी (दंङ अंऊ हेले परमेश्वरो दोरच़ी तोह) ग्रहण लहरिन; दंङ हेंतेग परमेश्वरो दि खबर केहतु अंद्रेग कम लहज़ी लेहकी तोह अंऊ मसीहू टोहकठे विशवास लहज़ातंई।

1 थिस्सलुनीकियों 4:1

हे गिऊ प्यारे साथी विशवासी रे, थल मुखंङ ञेंरे प्रभु यीशु मसीहू मिंदंङ केतंङ साते बिनती लहज़ातंई दंङ केतिंङ समझाएक्च़तंई, कि केरे झांह ठ्रोह चाल ज़ोई अंऊ परमेश्वराबि खुश लोहतो। अंऊ गेह केतिंङ सिखाएकातग केरे तुहई बेहच़ी ध्यांए ठ्रोह तोहई, दंङ ञेंरे केतिंङ ध्यांए लहच़िमी थल्जी ऊई ला उत्साहित लोहनि।

1 थिस्सलुनीकियों 5:17

लगातार प्रार्थना लोहवा लंहि।

1 थिस्सलुनीकियों 5:25

हे गिऊ प्यारे साथी विशवासी रे, ञेंहतु थल्जी प्रार्थना लंहि।

2 तीमुथियुस 2:9

दिए रूठे खबरो प्रचार लहज़िमी रंङ साते गेह कैदारिंङ इच्च़ा अपराधी ओ ठ्रोह दुख उठाएच़ातोग। तांला परमेश्वरो बचन प्रचार लहज़िमी रंङ साते अरिला रोकेकी मरपोतो।