2 थिस्सलुनीकियों 2:9 - लाहौली बाइबिल

⁹ दुह मदम मीह शेतानो शाक्ति रंङ साते अपा। दोई भत्ते पाहठी ऊ हप्सी चमत्कार, चिन्ह ए अद्धभुत कम लोहतो अतंङ मीहरे दि सोचेकपोर कि दि कम परमेश्वर लहज़ी लेहकी तोह।

2 थिस्सलुनीकियों 2:9 Iomraidhean Croise

मत्ती 12:22

दंङ मीहरे इच्च़ा काणे ए टंऊंणे अतु अंद्रेग मांजी आत्मा तोहई; यीशु कछंङ हतिरे; दंङ दोई दुह ठीक लेह केहरी; दंङ दुह खंड्री ए कुट्री लेहती।

मत्ती 24:24

छना कुचे ता हप्साड़ भबिष्यद्वाक्ता ए हप्साड़ मसीह खड़े शुहचे योतो, दंङ मोह्ड़े निशानी ए अद्धभुत कम कमोर अगर शुहचे इलि साते ता अंङषी दुरेह ला बहकाएकि च़रपोर।

मत्ती 4:10

दंङ यीशुज़ि दोबि कुहते, “ए शेतान, दोखा अच्च़ा इला, छना कुचे पवित्र शास्त्रा रिंङ च़ेहसी तोह: केई प्रभु केनोह परमेश्वर बि फ्यग लोहू, दंङ दोऊ ए अराधना लोहू।”

मरकुसो 13:22

छना कुचे ता हप्साड़ भबिष्यद्वाक्ता ए हप्साड़ मसीह खड़े शुहचे योतो, दंङ निशानी ए अद्धभुत कम कमोर अगर शुहचे इलि साते ता अंङषी दुरेह ला बहकाएकि च़रपोर।

लूको 11:25

दंङ यह्चीरंङ साते दोई दुह मीहू जीवन सल्ज़े, साफ सुथरा ए सजासी कमराओ ठ्रोह खोकसा।

यहून्नो 4:48

यीशु ज़ि दोबि कुंई, “अपेहल तचेक केई चिन्ह ए चमत्कार माह खमोंई, दोहपल तचेक केई गिऊ टोहकठे मसीहू शुह कुचे विशवास माह लोहन।”

यहून्नो 8:41

केहरे केनातु बाहो ठ्रोह कम लहज़ातन।” दोच़ी दोबि कुईर, “ञेंहरे कुकमो दोरच़ी जेह्के माह शुई, ञेंहतु सिर्फ इच्च़ा ए बाह तोह दंङ दुह परमेश्वर शुह।”

यहून्नो 8:44

केहरे केनातु बाह शेतानो दोरच़ी शुईं, दंङ केनातु बाहो हिटी लेह तातंई। दुह त तुहई बे हत्त्यारा शुह दंङ सच्चाई टोहकठे चसा मरति, छना कुचे सच्चाई दोऊ अन्द्रेग माह; अपेहल दोई हप्सी कुट्रा ता एनोह चाल चलनो हिसाबे कुट्रा; छना कुचे दुह हप्साड़ शुह दंङ हप्सिऊ बाह शुह।

प्रेरित 13:10

“हे कपटी ए भत्ते चलाकी रंङ साते बिंङे शेतानो कपूता, भत्ते धर्मिकता ओ बेरी, छि केई प्रभु ऊ सीधा अम ढेहरे लेह ब्याड़ा माह लोहन आ?

2 कुरिन्थियों 11:14

दंङ दि हेरानी ओ गप्पा माह छना कुचे शेतान ऐनाह ला परमेश्वरो महिमा ओ इच्च़ा स्वर्गदूत शुहबिमी दिखावा लहज़ा।

2 कुरिन्थियों 11:3

पर गिह्बी हमेशा दि बेह्द लेहकी बंङज़ा कि शेतान केहतु सेहम मसीहू थल्जी केहतु निष्कपट, पवित्रता रंङ साते शत्‌ह लहज़ी माह जूंस, छना शेताने ओमड्रो रूपारिंङ हव्वा बि एनोह चालाकी रंङ साते बहकाएकि च़रते।

2 कुरिन्थियों 4:4

दि संसारो भगवान शेताने दू अविशवासी तु बुद्धि काणे लेह चरच़तो, अंऊ वहज़ा ज़ि दोरे मसीहू रूठे खबर ए दंङ दोऊ महिमा ओ पाहठी ञेंई मरतिर कि मसीह परमेश्वरो स्वरूप शुह।

इफिसियों 2:2

दू टेमारिंङ केरे संसारो दू मीहतु ठ्रोह श्रींङमातेंई अंऊ परमेश्वरा बि माह ञेंहच़ातोर, दंङ केरे मांजी आत्माओ प्रधान शेतानो अंऊ सर्गारिंङ तोह, हेंतेग ला दू मीहतिंङ काबू लहज़िमी कोशिश लहज़ी लेहकी तोह, अंऊ परमेश्वरो हुकुमो भाषे माह लहज़ातोर।

2 तीमुथियुस 3:8

दिरे हप्सी शिक्षा रंड्रा सच्चा खबरो विरोध लहज़ातोर, छना यन्नेस ए यम्ब्रेसे मूसा ओ विरोध लहज़ातेर, दितु बुद्धि भ्रष्ट शुहचे इलजी तोह, दंङ दोरे हेले रिंङ मसीहू टोहकठे विशवास माह लहज़ातोर।

याकूब 3:15

दि ज्ञान दुह माशुह अंऊ परमेश्वरो दोरच़ी अपि, पर संसारिक, ए शेतानी शुह।

प्रकाशित वाक्य 12:17

दोहथर अजगर महसे रोषेक्च़ा इलि। झांह लेह दोई मेच़िमी ओ खानदानो थल्जी लड़ाई ओ घोषणा लहरी। मतलब दुह मीहतु खिलाप अंऊ परमेश्वरो हुकुमो भाषे लहज़ातोर दंङ यीशु दोरच़ी सिखाएसी शिक्षारे हिद लहज़िमी थल्जी पक्‍का शुहचे बंङज़ातोर।

प्रकाशित वाक्य 12:9

दिऊ थल्जी दोबि ए दोऊ साथी तिंङ धरती रिंङ छंङी च़रति। दि मोह्ड़े अजगर दुह ए तोह अंऊ महसे टेम तुहई ओमड्रो रूपारिंङ तंङातेंई, अतिंङ शेतान ए दोष लगाएच़ा ला कुट्रातोर। दि दुह ए तोह अंऊ दि संसारो मीहतिंङ धोखा रंड्रा।

प्रकाशित वाक्य 18:23

दोऊ रात हंयार शोतो, देर तचेक कि इच्च़ा संजवो छंङी ला माह शोतो। दोर्तिंङ ब्याहू ए ब्याहुत्री खुशी ओ सग माह शोतो। दि झांह शोतो छना कुचे दोऊ व्यापारी ज़ि, अंऊ धरतीऊ टोईच़ी भत्ते बे मोह्ड़े तोईरे, एनोह जादू रें भत्ते देशा बि धोखा रेंईर।

प्रकाशित वाक्य 19:20

दंङ दुह मुण्डो घ्वांण ए दोहरंङ साते दुह हप्सी भविष्यवक्ता च़ुमसा इलि, हप्सी भविष्यवक्ता ए मुण्डो घ्वांणो तरफे चमत्कारी चिन्ह कंङे च़रति दंङ दुह भत्ते मीहतिंङ भरमाके च़रति, अच़ि मुण्डो घ्वंणो छाप एनोह फ्याह रिंङ लेहपसी ताहरेर दंङ अंऊ दोऊ मुर्ति ओ पूजा लहज़ातेर। दोकु झुल्ला श्रींङे रिंङ ए दुह मेहू झीलारिंङ केहच़ी च़रतिर, अंऊ गन्धको दोरच़ी तेयार शवाह।

प्रकाशित वाक्य 20:10

दोऊ थल शेतान च़ुमसा योतो, अच़ि देश-देशो मीहतिंङ भरमाच़ा दंङ दोबि गन्धको मेहू बिचंङ छङें च़रपोतो, मतलब दुह मेह रिंङ अंऊ झीलो ठ्रोह मोह्ड़े तोह। घ्वंण ए हप्सी भविष्यवक्ता बि तुहई ए दोर्तिंङ छङें केहषी तोहई। दंङ दोर्तिंङ दुह मेहरिंङ दोतिंङ हमेशा ओ थल्जी रात-दिन तंड़पेफी शोतो।

प्रकाशित वाक्य 9:11

इच्च़ा रज्ज़ा तोहई अंऊ दोतिंङ वशारिंङ लहज़ा। दुह ए दूत शेतानो दूत तोह अच़ि अधोलोको युप्शाते इब्रानी भाषा रिंङ दोऊ मिन अबद्धोन तोह, दंङ युनानी भाषा रिंङ, अपुल्लयोन तोह, अतु मतलब तोह, अंऊ दोई नाश लहज़ा।