2 थिस्सलुनीकियों 2:8 - लाहौली बाइबिल

⁸ दिऊ थल दुह मदम मीह प्रगट शोतो, अतिंङ प्रभु यीशु एनोह हुकुम ए एनोह अपिमी महिमा ओ छंङी रंङ साते दुह मदम मीह बि सच़ी च़रपोतो।

2 थिस्सलुनीकियों 2:8 Iomraidhean Croise

मत्ती 13:19

अच़िला परमेश्वरो राज्यऊ वचन थहशे ला माह ञेंहच़ा, दोऊ सेहमरिंङ छिला एहसी तोहई दुह मांजी दोई अंज़े ख्युलजे रेंज़ा शिलज़ा।

मत्ती 13:38

रीह दीह संसार शुह, अंऊ रूठे बेजा तोह दोऊ मतलब दोरे मीहरे अंऊ परमेश्वरा बि एनोह सेहमरिंङ राज लेह रंड्रातोर, दंङ जंगली बेजो मतलब दोरे मीहरे अंऊ कम दोच़ी लहच़ातोर शेताना बि रुठे च़ेहसी।

मत्ती 16:27

मीहू योह एनोह स्वर्गदूत तंङ साते एनोह बाहऊ महिमारंङ अपतो, दंङ दोई दोहथर भत्तेतिंङ दोतु काहमो हिसाबे फल रमोतो।

मत्ती 16:28

गेह केतंङ साते हेले कुट्रातग कि देर खड़े मीहतु बिचंङज़ि रेइरे झांह तोतोर दोच़ी अपेहल तचेक मीहू योह बि दोऊ राजंङ अपि माह तंङमोर धोंण तचेक सिओर माह।”

1 कुरिन्थियों 1:28

दंङ परमेश्वरे झांह ठ्रोह मीह अंङे च़रति अंऊ दोतिंङ संसार तुच्छ ञेंहच़ा झांह ठ्रोह मीहरे अंऊ दोतिंङ छल्ले माह समझेक्च़ातोर ताकि दुह दोतिंङ नाश लोहतो अंऊ दोतिंङ संसारो मीहरे खास चेहच़ातोर।

2 थिस्सलुनीकियों 2:3

दि गप्पो पाहठी अंऊ रीतिरंङ साते अतुआ धोखा रिंङ थादेंई। छना कुचे प्रभु यीशु मसीहू यह्च़ा वापिस अपिमी बे तुहई, इच्च़ा ध्याड़ा अपतो अपेहल महस मीहच़ी परमेश्वरो विरोध लोहर। “दंङ दुह मदम मीह अपतो अतु नाश शुहबी ज़रूरी तोह।”

1 तीमुथियुस 6:14

कि केई दुह भत्ते लोह अपि पूरी रीतिरंङ साते लहच़िमी थल्जी परमेश्वरे कनिंङ हुकुम रांहषी ततो, ताकि अरिला प्रभु यीशु मसीहू यह्च़ा वापिस अपिमी तचेक कांह टोहकठे छल्ले गलत लहज़िमी दोष माह लगासी तरपोतो।

2 तीमुथियुस 1:10

पर हेंतेग हेंदु उद्धारकर्ता, प्रभु यीशु मसीह, अच़ा अंजा, दंङ हेंदिंङ एनोह मोह्ड़े दाह कंङातो। दोई सिमी शाक्ति यहरच़े चरच़तो, दंङ रूठे खबरो ज़रिये, हेंदिंङ अनंत जीवनो थल्जी अम कंङातो।

2 तीमुथियुस 4:1

अपेहल प्रभु यीशु मसीह इच्च़ा रज्ज़ा ओ ठ्रोह राज लहज़ी अपतो, दुह श्रींङे ए सिए झुल्ला तु फेंसला लोहतो, झांह लेह गेह परमेश्वर ए प्रभु यीशु मसीहऊ हाज़िरी रिंङ दि बिनती लहज़ातग।

2 तीमुथियुस 4:8

दंङ हेंतेग जीतो दुह मुकुट गिऊ थल्जी रुमज़ा, छना कुचे गेह घेंङौ जीवनो दोरच़ी परमेश्वराबि खुश लहतेग। प्रभु अंऊ धर्मिकताओ कम रंङ साते भत्ते मीहतु न्याय लहज़ा दुह, दुह ध्याड़ा गिह्बी दुह मुकुट रमतो अपेहल न्याय लहज़िमी थल्जी दोबारा अपतो पर दुह गिह्बी ए मशत पर दोतिंङ भत्ते दि ईनाम रमतो अंऊ दोऊ यह्च़ा अपिमी थल्जी रुमज़ा तोतोर।

तीतुस 2:13

हेनर झांह ठ्रोह व्यवहार लोंहि कि अपेहल हेनर उम्मीदा रंङ साते दुह अद्धभुत ध्याड़ा बि रुमज़ा तोंई, अपेहल यीशु मसीह अंऊ हेंदु मोह्ड़े परमेश्वर ए उद्धारकर्ता शुह, एनोह भत्ते महिमा रंङ साते धरती ऊ टोहकठे प्रगट शोतो।

इब्रानियों 10:27

बल्कि, दोतिंङ सिर्फ परमेश्वरो न्याय ए भयानक मेहू उम्मीद लहज़ी जूंशी तोह दंङ दोतिंङ नाश लेह च़रपोतो छना कुचे अंऊ दोच़ी परमेश्वरो विरोध लहज़ातोर।

1 यूहन्ना 2:13

हे सेंहणा रे, छना कुचे केहच़ी ञेंहच़ातंई, अंऊ शुरूआत बेहच़ी तोह, दोबि केहच़ी ञेंच़ातंई। हे जवान रे, गेह केतिंङ झांह लेह चेहच़ातग कि केहच़ी दुह मांजी शेतानो टोहकठे जय खोकसी तातंई; हे कटुरे, गेह केतिंङ झांह लेह चेहच़ातग, कि केहच़ी बाह परमेश्वर बि ञेंहई चरच़ातंई।

1 यूहन्ना 3:12

दंङ आदमो योह कैनो ठ्रोह थाह बणेक्तुंई, दंङ अच़िला एनोह न्वाऊ हत्या लेह केट्रा, दंङ दोऊ हत्या छिल्ले लहरी? झांह लेह कि दोऊ कम मांजी तोईरे, दंङ दोऊ न्वाऊ कम धर्मो तोईरे।

1 यूहन्ना 5:18

ञेंहच़ी ञेंहच़ातंई कि अरिला परमेश्वरो कटु शुह, दोई लगातार पाप माह लहज़ा; छना कुचे परमेश्वरो योह यीशु मसीह दोबि बचाके तहच़ा: दंङ दुह मांजी शेतान दोबि थोह्की लाह मरछा।

प्रकाशित वाक्य 1:16

दुह एनोह सुचंङ गुह्ट्रे निह्ज कर तहरे, दंङ दोऊ मोह्द ओ तेज झुल्ला हासी धारी तलवार हुंच़ा तोहई; दंङ दोऊ मोह्द निहरो टेमो चमकेक्पा ऐके ओ ठ्रोह चमकेपी लेहकी तोहई।

प्रकाशित वाक्य 13:5

परमेश्वरे घ्वंणा बि एनोह अधिकारो पाहठी घमण्ड लहज़िमी अधिकार रें च़रति कि झांह ठ्रोह दोई परमेश्वरो अपमान लोहतो। परमेश्वरे दोबि निह्जो झुह्ट लाह तचेक दि अधिकार तहज़िमी हुकुम रांई।

प्रकाशित वाक्य 19:15

दोऊ आहच़ि इच्च़ा तेज तलवार हुंच़िरी अंऊ दोरच़ी दोई देश यहरच़े च़रपोतो। अरिला दोऊ अधिकारा बि स्वीकार माह लहज़ा दुह दोतिंङ भत्ते रिति रंङ सज़ा रमतो। दुह सर्वशक्तिमान परमेश्वरो भयंकर प्रकोपा बि ध्वांए केहच़ी च़रपोतो, छना इच्च़ा रसकुण्डो दोरच़ी दाखो रस बहाएक्च़ा।

प्रकाशित वाक्य 2:16

झांह लेह सेहम किरज़ु, अगर काह मदम कम लहज़ी बंद माह लोहन ता दंङ गेह युरनाह अपोग दंङ दुह मीहतु खिलाप दुह तलवार रंङ साते तेङसोग, अंऊ गिऊ आहच़ि हुंच़ा।

प्रकाशित वाक्य 20:10

दोऊ थल शेतान च़ुमसा योतो, अच़ि देश-देशो मीहतिंङ भरमाच़ा दंङ दोबि गन्धको मेहू बिचंङ छङें च़रपोतो, मतलब दुह मेह रिंङ अंऊ झीलो ठ्रोह मोह्ड़े तोह। घ्वंण ए हप्सी भविष्यवक्ता बि तुहई ए दोर्तिंङ छङें केहषी तोहई। दंङ दोर्तिंङ दुह मेहरिंङ दोतिंङ हमेशा ओ थल्जी रात-दिन तंड़पेफी शोतो।