2 थिस्सलुनीकियों 2:5 - लाहौली बाइबिल

⁵ दि पेषेंई था कि गेह केहतु बिचंङ बंङज़ा दि गप्पारे केतिंङ कंड्रातेग।

2 थिस्सलुनीकियों 2:5 Iomraidhean Croise

मत्ती 16:9

छि केहच़ी अयतालाह माह ञेंईया? केतिंङ छि दुह ङा हज़ार रोटी ओ हिद माह्दा, माह दिह कि केहच़ी अंयों टोकरी उठाकतेंई?

मरकुसो 8:18

छि केहच़ी टीरा शुहचे ला केहच़ी माह खंड्रातंई, छि केहच़ी रेहट्रा शुहचे ला माह रेड्रातंई आ? छि केतिंङ हिद मद आ?

यहून्नो 16:4

पर दीह गप्पारे गेह केतंङ साते दिऊ थल्जी कुहतग, कि अपेहल दिह गप्पातु पुरा शुहबिमी टेम अच़ा अपतो ता केतिंङ हिद अच़ा अपतो कि गेह दिह गप्पारे केतंङ साते तुईए कुची च़रचातेग, “गेह मुंडा रिंङ दिह गप्पारे केतंङ साते दिऊ थल्जी माह कुहतेग छना कुचे गेह केतंङ साते तोईग।”

प्रेरित 20:31

हिद तंही कि निरा ए राता रिंङ षुमु साल तचेक लगातार केतिंङ गेह दुह खबर घड़ी-घड़ी सिखाएकातग, दंङ केतिंङ टिरारिंङ मिक्ति बहाके केतिंङ खबरदार लहरिगा कि ऊई अंऊला खबरो टोईच़ी विशवास थालंही।

गलातियों 5:21

कपट, सरा तुंङे मतवाला बंङज़ा, रंगरलियां मनेक्च़ा, दंङ दीतु ठ्रोह ऊई ला कम तोईरे, अतु पाहठी गेह केतिंङ खबरदार लहज़ातग, छना तुहई ला केतिंङ खबरदार लेह चरच़ातग कि दि कम लहज़ा दोरे परमेश्वरो राजो जोगे माह शोरे।

1 थिस्सलुनीकियों 2:11

छना केहच़ी ञेंच़ातंई, कि छना बाह एनोह कटुतंङ साते व्यवहार लहज़ा ध्वांए ए ञेंहच़ी ला केहतु बिचंङ हर इच्च़ाबि शिक्षा रंड्रा ए शांति रंड्रा तस्सली रंड्रातंई।

1 थिस्सलुनीकियों 3:4

केहतु देर बंङज़िमी मुक्का ञेंरे केतंङ साते कुट्रातेंई कि ञेंहतु टोहकठे मुसीबत अपतो, दंङ ध्यांए शुई, केहच़ी ञेंहई ला।

2 थिस्सलुनीकियों 2:6

दू मांजी हेंतेग तचेक प्रगट शुहचे माह छना कुचे झांह तोह अच़ि हेंतेग तचेक दोबि रोकेकी ततो। केतिंङ पक्‍का हिद शोतो दू छि तोह अच़ि दोबि रोकेकी ततो, दंङ अपेहल परमेश्वर दोरच़ी ठहरासी सही टेम अपतो, दोहपल दू मांजी दू प्रगट शोतो।

2 थिस्सलुनीकियों 3:10

अपेहल ञेंरे केतंङ साते तोहनि दंङ ञेंहच़ी केतिंङ इच्च़ा हुकुम रंदे, अगर अरिया छा कम लहज़िमी थल्जी इन्कार लोहतो दंङ दोबि छल्ले बगत रंड्री मेस।

2 पतरस 1:15

झांह लेह गेह दुह गप्पा तिंङ हेंतेग चेहच़िमी दोरच़ी महस मेहनत लहज़ातग, ताकि गेह सिमी थल केरे भत्ते टेम दोतिंङ हिद लेह तरपोंई।