2 थिस्सलुनीकियों 2:3 - लाहौली बाइबिल

³ दि गप्पो पाहठी अंऊ रीतिरंङ साते अतुआ धोखा रिंङ थादेंई। छना कुचे प्रभु यीशु मसीहू यह्च़ा वापिस अपिमी बे तुहई, इच्च़ा ध्याड़ा अपतो अपेहल महस मीहच़ी परमेश्वरो विरोध लोहर। “दंङ दुह मदम मीह अपतो अतु नाश शुहबी ज़रूरी तोह।”

2 थिस्सलुनीकियों 2:3 Iomraidhean Croise

यहून्नो 17:12

अपेहल गेह दोतंङ साते तोईग, गेह दोतंङ कांह दुह मिन्ज़ी, अंऊ केई गिह्बी रांहषी तातन दोतु रक्षा लहरिग, गेह दोतु रखवाली लहरिग दंङ दोतु बिचंङ च़ि अरीला नाश माह शुईरे, सिर्फ दोऊ अलावा अतु योंहषी पक्‍का ए तोहई, दिऊ थल्जी कि छि पवित्रशास्त्रा रिंङ च़ेहसी तोह दुह पूरा शुबी जूंस।

1 कुरिन्थियों 6:9

केतिंङ पता तोह कि, अन्याय लहज़ा मीहरे बाह परमेश्वरो राजो वारिस माह शोर; अरिया धोखारिंङ केतिंङ दि सोचेकच़ी मज़बूर लहज़ी माह जूंस कि केरे मदम कम लेह तरपोंई तांला बाह परमेश्वरो मीहतु बिचंङ ज़ि इच्च़ा बणेंके बंङज़ुंई, धोखा रिंङ था बंङज़ुंई, छना कुचे माह कुकम लहज़ा, माह मुर्तिओ पूजा, माह ऊईतु मेच़िमी ऊ लालच, माह लुचपन, माह गंङमी-गंङमी रंङ साते कुकम लंहि।

इफिसियों 5:6

दिरे मीहतु दोरच़ी मुर्ख था बणेक्तेंई अंऊ दि पापो थल्जी बहाना बणाएषिमी कोशिश लहज़ातंई। छना कुचे दिए कमो दोरच़ी परमेश्वरो रोहष हुकुम माह मनेक्च़ा दोतु टोईच़ी भड़केक्पा।

1 यूहन्ना 2:18

हे कटुरे, दिह अन्तिम टेम शुह; अपेहल मसीह यह्च़ा वापिस अपतो, दंङ छना केहच़ी रैहशी तातंई कि मसीहू विरोधी अच़ा अंज़े तोतोर, दोऊ हिसाबे हेंतेग ला महसे मसीहू विरोधी अंज़े तोतोर; झांह लेह ञेंहच़ी ञेंहनि कि दि अन्तिम टेम दिए शुह।

1 यूहन्ना 4:3

दंङ अंऊ लाह मीह यीशुबि माह मनेक्च़ा, दुह परमेश्वरो दोरच़ी माशुह; दिह ए मसीहू विरोधी शुह; केहच़ी रैहशी तातंई, कि दुह अपिमी तोह, दंङ हेंतेग ला संसार रिंङ तोत।

प्रकाशित वाक्य 17:11

अंऊ घ्वंणो तुहई तोहई, दंङ एंतेग माह, दुह एनाह ए आठवां रज्ज़ा शुह; पर दुह आठवां रज्ज़ा तुहई कि निह्ज रज्ज़ा तु बिचंङ इच्च़ा तोह। दंङ थल मुखंङ दुह रज्ज़ा बि पक्‍का रूपारिंङ हमेशा ओ थल्जी सज़ा खोकसोतो।

प्रकाशित वाक्य 17:8

दुह घ्वंण अपि केई हेंतेग खंदेग, इच्च़ा टेम श्रींङे तोहई, पर हेंतेग श्रींङे माह; दुह महस डुह्गे गड्डो दोरच़ी धकतेखा अपिमी तोह दंङ परमेश्वर दोबि पूरे तरह ठ्रोह नाश लेह च़रपोतो। धरतीऊ टोईच़ी बंङज़ा मीहरे अतु मिन परमेश्वर संसारो रचना लहज़िमी बे तुहई जीवनो कताबा रिंङ च़ेहसी माह, दोरे भत्तेर हेरान शुहचे योर अपेहल दोरे दि घ्वंणा बि खमोर। इच्च़ा टेम दुह श्रींङे तोहई; हेंतेग दुह श्रींङे माह; पर दुह यह्च़ा वापिस अच़ा अपतो।