2 थिस्सलुनीकियों 2:2 - लाहौली बाइबिल

² केरे अचानक केनातु दिमाग ए अरिया भविष्यवाणी, छा उपदेश या झांह ठ्रोह डाक रें दुखी शुहबी थारांई अंऊ ञेंहतु तरफे च़ेहसी समझेक्च़ातंई दंङ अंऊर दि तरीका रंङ कांहषी तोह कि प्रभु यीशु वापिस अपिमी ध्याड़ा अच़ा अंजा, केरे बेइनि था।

2 थिस्सलुनीकियों 2:2 Iomraidhean Croise

मत्ती 24:24

छना कुचे ता हप्साड़ भबिष्यद्वाक्ता ए हप्साड़ मसीह खड़े शुहचे योतो, दंङ मोह्ड़े निशानी ए अद्धभुत कम कमोर अगर शुहचे इलि साते ता अंङषी दुरेह ला बहकाएकि च़रपोर।

मरकुसो 13:7

अपेहल केहच़ी लड़ाई, दंङ लड़ाई तु गप्पा थक्पोंई, दंङ था बेओनि; छना कुंई साते ता दी शुहबी ज़रूरी शुह, दंङ दुह ध्याड़ा रिंङ संसारो अंत माह शोतो।

लूको 21:19

“केन्दु ज़कसिमी बजाहज़ि केहच़ी केनातु जहानो बचाके तोहई।”

लूको 21:9

अपेहल केहच़ी लड़ाई, ए लड़ाई तु गप्पा थक्पोंई, दंङ था बेंईन, छना कुचे दिह शुहबी ज़रूरी शुह, दंङ दुह टेमा रिंङ संसारो अंत माह शोतो।”

यहून्नो 14:1

यीशु ज़ि चेला तु हखा कुई, “केहरे परेशान था शुई! छना केहच़ी परमेश्वरो टोहकठे विशवास लहज़ातंई ध्वांए गिऊ टोहकठे ला विशवास लांही।

यहून्नो 14:27

गेह केतिंङ शांति रंड्रातग मतलब दुह शांति अंऊ गेह तातग; दिह दुह शांति माह शुह अंऊ संसारे रें तरपोतो, केहरे परेशान था शुई दंङ बेंईन था।

1 कुरिन्थियों 1:8

परमेश्वर केतिंङ थल मुक्का तचेक विशवासारिंङ पक्‍का लोहवा लोहतो, कि केरे दू ध्याड़ा अपेहल हेंदु प्रभु यीशु मसीह धरती ऊ टोईच़ी वापिस अपतो निर्दोष शोतो।

1 कुरिन्थियों 14:32

दंङ इच्च़ा भविष्यवक्ता अंऊ परमेश्वरो बचन कुट्रा शोतो, दोई एनाबि काबू लहज़ा शोतो; दू एनोह हिटीऊ हिसाबे कुट्रीमी ए माह कुट्रीमी जोगे शोतो।

1 कुरिन्थियों 7:26

छना कुचे दि ध्याड़ो मुक्का भत्ते ठहरि विशवासी तु थल्जी खरे ध्याड़ा तोह, झांह लेह गिह्बी च़ेहसा कि केहतु थल्जी झांह लेह रूठे तोह। कुंवारा मीहतिंङ गेह दि सलाह रंड्रातग कि दोरे ब्याह माह लहज़ा ए बंङज़ेंई।

इफिसियों 5:6

दिरे मीहतु दोरच़ी मुर्ख था बणेक्तेंई अंऊ दि पापो थल्जी बहाना बणाएषिमी कोशिश लहज़ातंई। छना कुचे दिए कमो दोरच़ी परमेश्वरो रोहष हुकुम माह मनेक्च़ा दोतु टोईच़ी भड़केक्पा।

1 थिस्सलुनीकियों 3:3

कि अरिया दि मुसीबतो मुक्का अरिया विशवासो दोरच़ी थलका शुहबी मेस; छना कुचे केहच़ी केनाच़ि ञेंच़ातंई कि हेनर भत्ते तिंङ झांह ठ्रोह मुसीबत भुगताए ज़ि तातंई।

1 थिस्सलुनीकियों 4:15

ञेंरे प्रभु यीशु बचनो हिसाबे केतंङ साते दि कुट्रातंई, कि अंऊ हेनर श्रींङे तोतोंई, प्रभु यीशु यह्च़ा वापिस अन्जा तचेक बचेकी बंङज़ोर, दंङ दोरे विशवासी अंऊ तुहई सिए इलोर हेंदंङ बे तुहई प्रभु यीशु मसीहरिंङ साते दोआ योर।

1 थिस्सलुनीकियों 5:2

केहच़ी केनाच़ि ठीक ञेंच़ातंई कि छना राता रिंङ चोर अचानक अपा ध्वांए दुह ध्याड़ा अपतो अपेहल प्रभु यीशु वापिस अपतो।

2 थिस्सलुनीकियों 2:15

झांह लेह हे गिऊ प्‍यारे साथी विशवासी रे, खड़े बंङज़ुंई, दंङ दुह गप्पातु टोहकठे विशवास लोहवा लंहि, अंऊ ञेंहच़ी केतंङ साते बंङज़ा या डाको दोरच़ी केतिंङ सिखाएक्तुंई।

2 थिस्सलुनीकियों 3:17

गेह पोलुस, घेंङौ गुह्ट्रे केतिंङ नमस्कार चेहच़ातग। गेह घेंङौ भत्ते डाकारिंङ थल मुखंङ दिए तरीकारिंङ चेहच़ातग, ताकि भत्ते तिंङ पता लेहपि जूंस कि दि डाक गिऊ दोरच़ी शुह।

प्रकाशित वाक्य 19:20

दंङ दुह मुण्डो घ्वांण ए दोहरंङ साते दुह हप्सी भविष्यवक्ता च़ुमसा इलि, हप्सी भविष्यवक्ता ए मुण्डो घ्वांणो तरफे चमत्कारी चिन्ह कंङे च़रति दंङ दुह भत्ते मीहतिंङ भरमाके च़रति, अच़ि मुण्डो घ्वंणो छाप एनोह फ्याह रिंङ लेहपसी ताहरेर दंङ अंऊ दोऊ मुर्ति ओ पूजा लहज़ातेर। दोकु झुल्ला श्रींङे रिंङ ए दुह मेहू झीलारिंङ केहच़ी च़रतिर, अंऊ गन्धको दोरच़ी तेयार शवाह।