2 थिस्सलुनीकियों 2:17 - लाहौली बाइबिल

¹⁷ दि प्रार्थना लहज़ातंई कि दोई केहतु सेहमरिंङ हिम्मत रमतो दंङ हर रूठे गप्पारिंङ अंऊ केहच़ी कुट्रातंई केतिंङ पक्‍का लोहतो।

2 थिस्सलुनीकियों 2:17 Iomraidhean Croise

रोमियो 1:11

छना कुचे गेह केतंङ साते दोईमी हिटी लहज़ातग, ताकि गेह केतिंङ छा आत्मिक आशीष रमोग, अंऊ दोरच़ी केरे विशवासरिंङ ढकह शुहचे योंई;

रोमियो 15:13

गेह प्रार्थना लहज़ातग कि परमेश्वर अंऊ उम्मीदो दाता तोह, केतिंङ विशवास लहज़िमी भत्ते पाहठी खुशी ए शांति रंङ साते पिंङे च़रपोतो, कि पवित्र आत्माओ सामर्थो दोरच़ी केहतु उम्मीद बणेंके योतो।

रोमियो 16:25

हेंतेग केतिंङ गिऊ रूठे खबर यीशु मसीहू पाहठी तोह, केतिंङ प्रचार लहज़ा विशवास रिंङ पक्‍का लहज़ा। छना कुचे दि रूठे खबर महस जुग बेहच़ी प्याक्सी तहरेर।

1 कुरिन्थियों 1:8

परमेश्वर केतिंङ थल मुक्का तचेक विशवासारिंङ पक्‍का लोहवा लोहतो, कि केरे दू ध्याड़ा अपेहल हेंदु प्रभु यीशु मसीह धरती ऊ टोईच़ी वापिस अपतो निर्दोष शोतो।

2 कुरिन्थियों 1:21

परमेश्वर ए तोह, अंऊ केतंङ साते ञेंतिंङ मसीहरिंङ ढकाह लहज़ा। परमेश्वर हेंदु टोहकठे मोहर लगाके बयाना ओ रूपा रिंङ एनोह आत्मा हेंदु सेहमरिंङ केहच़ी हेंदु अभिषेक लहरी।

कुलुस्सियों 2:7

दंङ दोरिंङ ए जड़ चुमज़ा ए तुंखा शुहवा लंहि; दंङ छना केतिंङ सिखासी तरेह ध्वांए विशवास रिंङ पक्‍का शुवाह लंहि, दंङ महसे धन्यवाद लोहवा लंहि।

1 थिस्सलुनीकियों 3:13

दंङ ञेंहच़ी प्रार्थना लहज़ातंई कि हेंदु प्रभु यीशु मसीह केहतु सेहम झांह ठ्रोह पक्‍का लोहतो, कि अपेहल दुह एनोह भत्ते पवित्र मीहतंङ साते वापिस अपतो, दंङ दुह हेंदु बाह परमेश्वरो तुईज़ी पवित्रतारिंङ निर्दोष ठहरेसोतो।

1 थिस्सलुनीकियों 3:2

दंङ ञेंहच़ी तीमुथियुसबि केहतु कछंङ च़रतिन, अंऊ मसीहू रूठे खबरारिंङ ञेंहतु न्वा ए परमेश्वरो सेवक तोह। ताकि दोई केतिंङ विशवासरिंङ पक्‍का लोहतो, दंङ लगातार विशवास लहज़िमी थल्जी उत्साहित लोहतो।

2 थिस्सलुनीकियों 2:16

ञेंहच़ी हेंदु प्रभु यीशु मसीहू हखा, दंङ हेंदु बाह परमेश्वरो हखा, अच़ि हेंदंङ साते दाह लहज़ा, दंङ अच़ि एनोह मोह्ड़े दाह रंङ साते अनंत उम्मीद रांहषी ततो,

2 थिस्सलुनीकियों 3:3

पर केरे परमेश्वरो टोहकठे पक्‍का विशवास लेह तरपोंई। दोई केरे पक्‍का लोहतो दंङ केहतु रक्षा लोहतो ताकि मांजी शेतान केहतु नुकसान लेह मरपोतो।

इब्रानियों 13:9

छना कुचे यीशु मसीह अपेहल ला माह लेहक्सा, झांह लेह केतिंङ दि भत्ते खरकोई ए शत्‌ह-शत्‌ह शिक्षाओ भाषे लहज़ी जूंशी तोह अंऊ केतिंङ गलत अमरिंङ रैंज़ा शिलज़ा। छना कुचे केहतु सेहमो थल्जी दि रूठे तोह कि परमेश्वरो मोह्ड़े दाह ओ दोरच़ी पक्‍का शुहचे इलेंई, माह कि दू कानून मनेक्च़िमी रंङ साते अंऊ ज़ेइमी पाहठी तोह, ज़ेइमी-तुंङमिमी रिति रिवाज़ो अतु ला भला माह शुई।

1 पतरस 5:10

हेंतेग परमेश्वर अंऊ भत्ते तरीका रंङ मोह्ड़े दाह ए पिंङषा तोह, दोई हेंदिंङ यीशु मसीह रंङ साते हेंदु नाता ओ थल्जी स्वर्गा रिंङ दोऊ अनंत महिमा ओ थल्जी सहभागी शुहबिमी थल्जी हेनर अंङे च़रति। केहतु थोड़े टेमो दुख सहन लहज़िमी थल, परमेश्वर केतिंङ रूठे बणाके च़रपोतो ताकि केहतु अंदरेग ला छल्ले शुहबी मेस दंङ परमेश्वर केतिंङ पक्‍का लोहतो ताकि केहतु विशवास पक्‍का शोतो।

1 यूहन्ना 3:18

हे गिऊ प्यारे कटुरे, हेनर बचन ए गप्पा रंङ साते मशत, पर दोतु मदत लहज़ी दोतिंङ सच्चाई रंङ दाह लोहनि।

यहूदा 1:24

इच्च़ा परमेश्वर ए तोह अंऊ केतिंङ दह्पिमी दोरच़ी बचाएपोतो, दंङ केतिंङ निर्दोष ए खुश लोहतो, अपेहल दोई केतिंङ एनोह महिमा ओ थल्जी एनोह तुईज़ी खड़े लहज़ा। दोई हेंदिंङ हेंदु प्रभु यीशु मसीहू दोरच़ी बचाके चरच़तो। महिमा, गौरव, सामर्थ ए अधिकार टेमो शुरूआत बेहच़ी दोऊ तोईरे, हेंतेग ला दोऊ तोतोर, दंङ हमेशा ओ थल्जी दोऊ ए गुह्ट्र बंङज़ोर। अमीन।