2 थिस्सलुनीकियों 2:13 - लाहौली बाइबिल

¹³ हे गिऊ प्यारे साथी विशवासी रे, हेंदिंङ हमेशा परमेश्वरो धन्यवाद लेह जुंशी तोह, छना कुचे परमेश्वरे केतंङ साते दाह लहज़ा। परमेश्वरे संसारो रचना बे तुहई केतिंङ अंङे चरच़तो ताकि केतिंङ बचाके तरपोतो केरे यीशु मसीहू पाहठी सच्चा खबरो टोईच़ी विशवास लहज़िमी दंङ दोऊ पवित्र आत्मा दोरच़ी पवित्र बणेषिमी थल्जी अंङषी ततो।

2 थिस्सलुनीकियों 2:13 Iomraidhean Croise

लूको 1:75

दोऊ तुईज़ी पवित्र ए धर्मिकता रंङ साते जीवन पुरे निडर बंङज़ा दोऊ सेवा लहज़ा लोंहि।

यहून्नो 1:1

दिह भत्ते संसारो शुरुवात बेहच़ी तुहई दुह तोहई अतिंङ बचन कुट्री, दंङ दुह परमेश्वरारंङ साते तोहई दंङ दुह परमेश्वर तोहई।

यहून्नो 14:6

यीशु ज़ि दोरंङ साते कुंई, “अम, सच्चाई दंङ अनंत जीवन गेह ए शुगाह; गेह मेह अरीला पिता परमेश्वरो कछंङ पिचे मरपोतो।

प्रेरित 13:48

अपेहल ऊईजाति ज़ि दिह रेड्रीर ता दोरे महस खुश शुहचे इलिर, दंङ दोऊ दि खबरो थल्जी प्रभु बि धन्यवाद रंड्री लेहतिर, दंङ अंयों ला अनंत जीवनो थल्जी ठहराएसी तातेर दोच़ी बिशवास लहरिर।

प्रेरित 15:9

दोई ञेंहतु ए दोतु बिचंङ छल्ले भेद-भाव माह लहरी छना कुचे विशवासो दोरच़ी दोई दोतु सेहम शुद्ध लेह च़रति।

रोमियो 6:17

केरे पापो गुलाम तोईनी, पर हेंतेग केहच़ी दुह शिक्षा ओ भाषे लहज़ातंई, अंऊ केतिंङ खोकसिरी। झांह लेह गेह परमेश्वरो धन्यवाद लहज़ातग।

रोमियो 8:33

अच़िला हेंदु टोहकठे परमेश्वरो तुईज़ी दोष लगाएच़ी मरपोर, छना कुचे दुह ए शुह अंऊ हेंदिंङ धर्मी घोषित लहज़ा।

रोमियो 9:11

जेह्कपिमी तुहई ए छा रूठे ए मदम लहज़िमी तुहई प्रभु ज़ि रिबका ओ हखा कुई कि दोतु मोह्ड़े योह ज़ि कवचि दोऊ सेवा लोहतो। प्रभु ज़ि दि कंड्रिमी थल्जी कुई कि दू एनोह पसन्‍द एनेह बणाएच़ा दंङ दि छिल्ला कम ओ दोरच़ी माह तोहई अंऊ दोई लाहते।

1 कुरिन्थियों 1:21

परमेश्वरे एनोह ज्ञाना रिंङ दि खंई कि दि संसार मीहतु ज्ञानो दोरच़ी दोबि अपेहल ला ञेंई मरपोतो, झांह लेह दोई दू मीहतिंङ बचाच़िमी थल्जी अंऊ विशवास लहज़ातोर दि रूठे खबरो प्रचारो इस्तेमाल लहरिर, हालांकि रे मीहरे दिबी मुर्खता चेहच़ातोर।

गलातियों 3:1

हे नासमझ, गलातिया शहरो विशवासी रे, गेह ता साफ रूपा रिंङ ए रूठे रंङ केतिंङ समझाएक्च़ा, कि यीशु मसीह केहतु थल्जी क्रूसो टोईच़ी छारिंङ सिए इलि। दंङ केरे छारिंङ दोऊ दोरच़ी ऊईतार शुचि इलि? अच़ि केरे भटकागी च़रतिर?

इफिसियों 2:8

छना कुचे अपेहल केहच़ी विशवास लहज़ातंई दंङ परमेश्वरे एनोह मोह्ड़े दाह ओ दोरच़ी केतिंङ बचाएक्तो, पर दि परमेश्वरो दान तोह।

कुलुस्सियों 1:5

केहच़ी दिह झांह लेह लहज़ातंई छना कुचे विशवास ए दाह ओ मुयांद दुह उम्मीद तोह अंऊ केहतु थल्जी स्वर्ग रिंङ तहसी तोह, अतु पाहठी केहच़ी दुह रूठे खबर ओ सत्य बचनरिंङ रेड्री चरच़ातंई, अंऊ केहतु कछंङ पिचे तोह।

कुलुस्सियों 3:12

झांह लेह अपेहल केरे परमेश्वरे केतिंङ एनोह पवित्र मीह शुहबिमी थल्जी अंङे चरच़तो, दंङ दोई केतंङ साते दाह लहज़ा, केरे मोह्ड़े दाह ए, दंङ भलाई, दंङ दीनता, नम्रता, दंङ सहनशीलता धारण लंहि।

1 थिस्सलुनीकियों 1:4

हे गिऊ प्यारे साथी विशवासी रे, परमेश्वरो प्यारे मीहरे ञेंहच़ी ञेंच़ातंई कि परमेश्वरे केरे एनोह मीह शुहबिमी थल्जी अंङषी शुई।

1 थिस्सलुनीकियों 2:12

ताकि केहतु चाल चलनो दोरच़ी परमेश्वराबि महस इज्ज़त खोकसोतो, अंऊ केतिंङ एनोह राज ए महिमारिंङ भागीदार शुहबिमी थल्जी बुलाएच़ा।

1 थिस्सलुनीकियों 4:7

छना कुचे परमेश्वरे हेन्दिंङ अशुद्ध शुहबिमी थल्जी मशत, पर पवित्र ज़िंदगी श्रींङमी थल्जी बुलासी शुई।

1 थिस्सलुनीकियों 5:9

छना कुचे परमेश्वरे हेनर दिऊ थल्जी अंङषी माह शुह, कि एनोह रोहषे हेंदिंङ सज़ा रमतो, पर दिऊ थल्जी अंङषी कि हेनर हेंदु प्रभु यीशु मसीहू दोरच़ी उद्धार खोकपोंई।

2 थिस्सलुनीकियों 1:3

हे गिऊ प्यारे साथी विशवासी रे, केहतु पाहठी ञेंतिंङ लगातार परमेश्वरो धन्यवाद लहच़ी जूंशी तोह, झांह लेह ञेंहतु थल्जी ठीक ला तोह, छना कुचे प्रभु यीशु मसीहरिंङ केहतु विशवास लगातार बड़ेक्पी लेहकी तोह, दंङ इदि अई दिऊ थल्जी केहतु दाह ला महस बड़ेक्पी लेहकी तोह।

2 थिस्सलुनीकियों 2:10

दोई भत्ते पाहठी मदम कम लोहतो दंङ दुह मीहतिंङ धोखा रमतो अंऊ परमेश्वरो दोरच़ी नाश शोर, छना कुचे दोर दुह सच्चाई ऊ टोहकठे विशवास लहज़िमी रंङ साते इन्कार लहज़ातोर अंऊ दोतिंङ बचाके तरच़ा।

2 थिस्सलुनीकियों 2:12

अतु नतीज़ा दि तोह कि भत्ते मीहरे अंऊ दोच़ी पाप लेह पसन्द लहज़ातोर दंङ सच्चाई ऊ टोहकठे विशवास माह लहज़ातोर, दोरे परमेश्वरो दोरच़ी सज़ा खोकपोरे।

2 थिस्सलुनीकियों 2:16

ञेंहच़ी हेंदु प्रभु यीशु मसीहू हखा, दंङ हेंदु बाह परमेश्वरो हखा, अच़ि हेंदंङ साते दाह लहज़ा, दंङ अच़ि एनोह मोह्ड़े दाह रंङ साते अनंत उम्मीद रांहषी ततो,

2 तीमुथियुस 1:9

अच़ि हेंदु उद्धार लहतो, दंङ हेंदिंङ पवित्र जीवन श्रींङमी थल्जी बुलासी शुई, दोई हेंदिंङ दिऊ थल्जी माह बुलाएक्तो कि हेंज़ी रूठे कम लाहतेन पर एनोह मकसद ए दुह मोह्ड़े दाह ओ हिसाबे बुलाएकते, अतु सकिम परमेश्वरे तुहई ए यीशु मसीह बि दि संसारारंङ च़रच़िमी दोरच़ी बणाकते।

2 तीमुथियुस 2:15

केई सच्चा खबरा बि सिखाच़िमी थल्जी महस मेहनत लोह ताकि परमेश्वरे कनिंङ इच्च़ा झांह ठ्रोह सेवको रूपा रिंङ ग्रहण लोहतो, अंऊ एनोह कमो दोरच़ी शर्मिन्दा माह शवाह।

2 तीमुथियुस 3:15

बाड़े बेहच़ी केई ए पवित्रशास्त्र बि ञेंहच़ातन, अंऊ कनिंङ दि समझेक्सिमी थल्जी मदत लहज़ा कि अपेहल काह यीशु मसीहू टोहकठे विशवास लहज़ातन दंङ परमेश्वर कनिंङ बचाएपोतो।

इब्रानियों 1:10

दंङ पवित्रशास्त्रे ला कुट्रा कि, “हे प्रभु, भत्ते बे मुण्डा केई धरती बणाएकातन, दंङ स्वर्ग कनु गुह्ट्रो कारीगरी शुह।

याकूब 1:18

दोई एनोह ए हिटीरंङ साते हेंदिंङ हेले बचनो दोरच़ी खरकोई जीवन रांहषी ततो, दोई दि झांह लेह लहरी ताकि ञेंरे विशवासी हर दुह चीज़ो खास हिस्सा शोंई, अंऊ दोऊ दोरच़ी बणाषी शुह।

1 यूहन्ना 4:10

हेंदु दाह परमेश्वरो थल्जी सच्चे माह, पर परमेश्वरो दाह हेंदु थल्जी सच्चा तोह। परमेश्वरे हेंदु पाप ऊई तार लहच़िमी थल्जी एनोह योह बलिदान लेह च़रति अतु वहज़ा ज़ि हेंदु पाप माफ शुहचे इलिर।

1 यूहन्ना 4:19

हेनर परमेश्वरारंङ साते ए इदि-अईदि रंङ साते दाह लहज़ा तंई, छना कुचे मुन्डा परमेश्वरे हेन्दंङ साते दाह लहरी।