2 थिस्सलुनीकियों 2:10 - लाहौली बाइबिल

¹⁰ दोई भत्ते पाहठी मदम कम लोहतो दंङ दुह मीहतिंङ धोखा रमतो अंऊ परमेश्वरो दोरच़ी नाश शोर, छना कुचे दोर दुह सच्चाई ऊ टोहकठे विशवास लहज़िमी रंङ साते इन्कार लहज़ातोर अंऊ दोतिंङ बचाके तरच़ा।

2 थिस्सलुनीकियों 2:10 Iomraidhean Croise

मत्ती 13:11

दोई जुबाब रेंई, “केतिंङ परमेश्वरो स्वर्गो राजओ पाहठी समझ रांहषी तोह, पर दोतिंङ माहतोर।

यहून्नो 3:17

छना कुचे परमेश्वरे एनोह योह बि संसारारंङ दिऊ थल्जी चरच़ि माह शुह कि संसारो मीहतिंङ दण्डो आज्ञा रमतो, पर दिऊ थल्जी कि संसारो मीहरे दोऊ दोरच़ी उद्धार खोक्पोर।

यहून्नो 5:34

पर गेह घेंङौ पाहठी मीहतु गवाही माह जुंज़ातग। पर गेह केतिंङ दुह गवाही ऊ पाहठी कुहतग अंऊ यूहन्ना ज़ि रेंई, कि केहच़ी उद्धार खोक्पोंई।

रोमियो 10:1

हे प्यारे साथी विशवासी रे, गिऊ सेहमो हिटी ए गिऊ घेंङौ यहुदी मीहतु थल्जी दि प्रार्थना तोह, कि परमेश्वर दोतिंङ उद्धार रमतो।

रोमियो 16:18

छना कुचे झांह ठ्रोह मीहरे हेंदु प्रभु मसीहू माह शुरे, पर एनोह फायदा ओ थल्जी सेवा लहज़ातोर; दंङ दिरे मीहरे मीठे-मीठे गप्पा लहज़ी सीधे-साधे सेहमो मीहतिंङ बहकाके चरच़ातोर।

रोमियो 6:17

केरे पापो गुलाम तोईनी, पर हेंतेग केहच़ी दुह शिक्षा ओ भाषे लहज़ातंई, अंऊ केतिंङ खोकसिरी। झांह लेह गेह परमेश्वरो धन्यवाद लहज़ातग।

1 कुरिन्थियों 1:18

अपेहल मीहरे दि रूठे खबर रेड्रातोर कि मसीह क्रूसो टोईच़ी सिए इलि दंङ दोतु बिचंङ रें मीहरे दि सोचेक्च़ातोर कि दि खबर शुहके शुह। अंऊ मीहरे झांह ठ्रोह सोचेक्च़ातोर दोरे नरको हखा इबि लेहकी तोतोर। पर हेंदु थल्जी अंऊ दू रूठे खबरो टोईच़ी विशवास लहज़ातोर, दि परमेश्वरो मीहतिंङ एनोह सामर्थो दोरच़ी बचाच़िमी तरीका शुह।

1 कुरिन्थियों 16:22

हे ञेंहतु प्रभु, अता।

2 कुरिन्थियों 11:13

छना कुचे झांह ठ्रोह मीहरे हप्सी प्रेरित, दंङ छलारंङ साते कम लहज़ा, दंङ मसीहू प्रेरित शुहबिमी हप्सी दावा लहज़ातोर।

2 कुरिन्थियों 11:15

झांह लेह अगर दोऊ सेवक ला धर्मिकता ओ सेवकातु ठ्रोह दिखावा लोहतो, दंङ छल्ले मोह्ड़े गप्पा माह, पर दोतु अंत दोतु कमो हिसाबे शोतो।

2 कुरिन्थियों 2:15

छना कुचे हेनर परमेश्वरो थल्जी मसीहू दोरच़ी धूपो ठ्रोह तोतोंई। हेंदु दोरच़ी प्रचार लहसी रूठे खबर मीहतु दोरच़ी फेलेके रूठे बासो ठ्रोह तोह, अंऊ उद्धार खोकसा दोतु थल्जी ए नाश शुचाह दोकु बिचंङ फेलेके यवाह।

2 कुरिन्थियों 2:17

छना कुचे हेनर दू महसे तु बराबर माह तोंई, अंऊ परमेश्वरो बचन एनोह फायदा ओ थल्जी प्रचार लहज़ा; पर हेनर परमेश्वरो बचनो प्रचार सच्चाई ए मसीहू अधिकारारंङ साते लहज़ातंई, दि ञेंई कि परमेश्वर हेंदिंङ खंड्रा बंङज़ा तोह।

इफिसियों 4:14

हेंतेग बे हेंदिंङ कटुतु ठ्रोह व्यवहार लेह माह जूंस। झांह लेह हेंदिंङ अपेहल ला धोखेबाज़ मीहतु हप्सी शिक्षा रिंङ माह फसेफी जूंस, अंऊ हेले च़ेहसा। छना कुचे हेनर दू किशतीऊ ठ्रोह माह तोंई अतिंङ छ्वली देखा-नोखा लहज़ा दंङ लन्न ज़ि देखा-नोखा किरज़ी लहज़ा।

1 थिस्सलुनीकियों 2:16

झांह लेह दोरे हेंदिंङ ऊईजाति तिंङ दि कंड्रिमी थल्जी हेंदिंङ रोक्केच़ा तोर, कि परमेश्वर दोतिंङ छना पाप लहज़िमी दोरच़ी बचाके तरपोतो।

2 थिस्सलुनीकियों 2:12

अतु नतीज़ा दि तोह कि भत्ते मीहरे अंऊ दोच़ी पाप लेह पसन्द लहज़ातोर दंङ सच्चाई ऊ टोहकठे विशवास माह लहज़ातोर, दोरे परमेश्वरो दोरच़ी सज़ा खोकपोरे।

2 थिस्सलुनीकियों 2:13

हे गिऊ प्यारे साथी विशवासी रे, हेंदिंङ हमेशा परमेश्वरो धन्यवाद लेह जुंशी तोह, छना कुचे परमेश्वरे केतंङ साते दाह लहज़ा। परमेश्वरे संसारो रचना बे तुहई केतिंङ अंङे चरच़तो ताकि केतिंङ बचाके तरपोतो केरे यीशु मसीहू पाहठी सच्चा खबरो टोईच़ी विशवास लहज़िमी दंङ दोऊ पवित्र आत्मा दोरच़ी पवित्र बणेषिमी थल्जी अंङषी ततो।

1 तीमुथियुस 2:4

दोई जुंज़ा कि, कि भत्ते मीहतु उद्धार शुहबी जूंस; दंङ दोरे सच्चाई बि रूठे रंङ सेहषी तरपोर।

इब्रानियों 3:13

पर अपेहल तचेक हेनर दुह मुक्का ओ ध्याड़ा, अपि पवित्र शास्त्रा रिंङ “तोग कि ध्याड़ा” कुट्री तरपोंई, केहतु तुईज़ी तोह, हर ध्याड़ा इदि-अईदि बि याहब रम्मा लंहि, झांह शुहबी मेस केहतु बिचंङ अरिला पापो बहकावा रिंङ अंज़े ढीठ शुहचे योंई।

2 पतरस 2:12

पर दिरे शिक्षक घ्वांणातु ठ्रोह कम लहज़ातोर, अंऊ छना लहज़ातोर छना दोतु फुके जुंज़ा दंङ अंऊ दिऊ थल्जी ज़ेहक्पातोर ताकि मीहरे दोतिंङ फसाके सच़ी तरपोर। दि शिक्षक दुह चीज़ा तु अपमान लहज़ातोर अतु पाहठी दोच़ी हेले रिंङ छल्ले माह ञेंहच़ातोर। परमेश्वर दोतिंङ ध्वांए नाश लेह च़रपोतो छना मीहरे जानवरा तिंङ सचे चरच़ातोर।

2 पतरस 2:18

अपेहल दोरे मीहतिंङ धोखा रंड्रातोर, दंङ दोरे शुह्के ए घमण्डो शब्दा तु इस्तेमाल लहज़ातोर। दोच़ी मीहतिंङ कंड्रातोर कि दोच़ी दुह षेह्द अपिमी जोगे कम लेह तरच़ातोर अंऊ दोतु फुक लेह जुंज़ा दंङ दोरे दुह मीहतिंङ यह्च़ा पाप लहज़िमी थल्जी भरमाके केट्रातोर, अंऊ हेंतेग-हेंतेग झांह ठ्रोह मदम कमो दोरच़ी बचेके हुंच़ा तोतोर।