2 थिस्सलुनीकियों 2:1 - लाहौली बाइबिल

¹ हे गिऊ प्यारे साथी विशवासी रे, ञेंरे हेंदु प्रभु यीशु मसीहू यह्च़ा वापिस अपिमी पाहठी ए दंङ दुह ध्याड़ो पाहठी चेहच़ातंई, अपेहल हेनर ठ्रोहका शुहचे दोरंङ दोओनि।

2 थिस्सलुनीकियों 2:1 Iomraidhean Croise

मत्ती 16:27

मीहू योह एनोह स्वर्गदूत तंङ साते एनोह बाहऊ महिमारंङ अपतो, दंङ दोई दोहथर भत्तेतिंङ दोतु काहमो हिसाबे फल रमोतो।

मत्ती 16:28

गेह केतंङ साते हेले कुट्रातग कि देर खड़े मीहतु बिचंङज़ि रेइरे झांह तोतोर दोच़ी अपेहल तचेक मीहू योह बि दोऊ राजंङ अपि माह तंङमोर धोंण तचेक सिओर माह।”

मत्ती 24:31

दोई तुरहीऊ जोहरे सगतंङ साते एनोह दूतारे च़रपोतो, दंङ दोरे धरतीऊ कुंणी-कुंणी ऊ गिऊ अंङषी मीहतिंङ ठ्रोहका लोहर।

मत्ती 25:32

दंङ गेह भत्ते जातिरे घेंङौ तुईज़ी ठ्रोहका लोहग; दंङ छना पोहाले त्रैंई तिंङ ए छ्गाडारे शता लेहई ध्वांए गेह दोरे इपि अईदिरंङ शता लोहग।

मरकुसो 13:27

दंङ गेह घेंङौ स्वर्गदूतार च़रपोग, कि दोच़ी धरतीऊ कुंणी-कुंणी ऊ गिऊ अंङषी मीहतिंङ ठ्रोहका लोहर अंऊ दोच़ी गिऊ टोहकठे विशवास लहज़ातोर।”

रोमियो 12:1

झांह लेह हे गिऊ प्यारे साथी विशवासी रे, गेह केतंङ साते परमेश्वरो दया हिद रंड्रा बिनती लहज़ातग कि केनोह जीवन बि श्रींङे, पवित्र, परमेश्वराबि रूठे च़ेहसा बलिदान ठ्रोह चढ़ाएतु। दिए परमेश्वरो सेवा लहज़िमी सही तरीका तोह।

इफिसियों 1:10

अपेहल दि हिटी पूरे शुहबिमी टेम अपतो, दंङ परमेश्वर स्वर्ग ए धरतीऊ चीज़ातिंङ मसीहू अधीन लेह च़रपोतो, ताकि मसीह भत्ते चीज़ो मुख्या शोतो।

1 थिस्सलुनीकियों 2:19

ञेंहतु उम्मीद, ए महस खुशी ए षटणो मुकुट अरि शुह? दि केरे ए शोंई अपेहल हेंदु प्रभु यीशु मसीह यह्च़ा वापिस अपतो, दोऊ तुईज़ी केरे माह शोंई?

1 थिस्सलुनीकियों 3:13

दंङ ञेंहच़ी प्रार्थना लहज़ातंई कि हेंदु प्रभु यीशु मसीह केहतु सेहम झांह ठ्रोह पक्‍का लोहतो, कि अपेहल दुह एनोह भत्ते पवित्र मीहतंङ साते वापिस अपतो, दंङ दुह हेंदु बाह परमेश्वरो तुईज़ी पवित्रतारिंङ निर्दोष ठहरेसोतो।

1 थिस्सलुनीकियों 4:1

हे गिऊ प्यारे साथी विशवासी रे, थल मुखंङ ञेंरे प्रभु यीशु मसीहू मिंदंङ केतंङ साते बिनती लहज़ातंई दंङ केतिंङ समझाएक्च़तंई, कि केरे झांह ठ्रोह चाल ज़ोई अंऊ परमेश्वराबि खुश लोहतो। अंऊ गेह केतिंङ सिखाएकातग केरे तुहई बेहच़ी ध्यांए ठ्रोह तोहई, दंङ ञेंरे केतिंङ ध्यांए लहच़िमी थल्जी ऊई ला उत्साहित लोहनि।

2 थिस्सलुनीकियों 1:3

हे गिऊ प्यारे साथी विशवासी रे, केहतु पाहठी ञेंतिंङ लगातार परमेश्वरो धन्यवाद लहच़ी जूंशी तोह, झांह लेह ञेंहतु थल्जी ठीक ला तोह, छना कुचे प्रभु यीशु मसीहरिंङ केहतु विशवास लगातार बड़ेक्पी लेहकी तोह, दंङ इदि अई दिऊ थल्जी केहतु दाह ला महस बड़ेक्पी लेहकी तोह।

2 तीमुथियुस 4:1

अपेहल प्रभु यीशु मसीह इच्च़ा रज्ज़ा ओ ठ्रोह राज लहज़ी अपतो, दुह श्रींङे ए सिए झुल्ला तु फेंसला लोहतो, झांह लेह गेह परमेश्वर ए प्रभु यीशु मसीहऊ हाज़िरी रिंङ दि बिनती लहज़ातग।