2 थिस्सलुनीकियों 1:9 - लाहौली बाइबिल

⁹ दंङ दोरे अनंत जीवन थल्जी प्रभु दोरच़ी शत्‌ह शुहचे योर दंङ दोऊ महिमारंङ शक्ति ऊ भागीदार माह शोर। दोई दोतिंङ अनंत विनाशो सज़ा रमतो।

2 थिस्सलुनीकियों 1:9 Iomraidhean Croise

मत्ती 16:27

मीहू योह एनोह स्वर्गदूत तंङ साते एनोह बाहऊ महिमारंङ अपतो, दंङ दोई दोहथर भत्तेतिंङ दोतु काहमो हिसाबे फल रमोतो।

मत्ती 22:13

दंङ रज्ज़ाज़ि परगरातिंङ कुहतो, दिऊ रहंङ कोंज़ारि छ़ुहचे धह्कते हंञारंङ केह केहई दोहर क्रपिए छ्वा रुहक्च़ी शोतो।

मत्ती 24:30

दंङ गेह मीहू योहऊ निशानी सर्गंङ तंङफोतो धरतीऊ भत्ते खानदानी मीहच़ी एनातु काह रटेकपोहर; दंङ गेह मीहू योह बि मोह्ड़े सामर्थ ए ठाटबाठरंङ सर्गो बदडातु टोईच़ी अपि तंङफोर।

मत्ती 25:41

दंङ दोई फुचंङ हासी दोतंङ कोतो हे शापित मीहरे, गिऊ तुईज़ी हिसाब मेह मेहरिंङ अच्च़ा ईलांई अंऊ शेतान ए दोऊ मांजी आत्मातु थल्जी परमेश्वरे त्याहर लहसी शुह।

मत्ती 25:46

दंङ दोरे अंऊ फुचंङ हासी तोतोर अनंत सज़ा खोक्पोर पर धर्मी मीहरे अनंत जीवनंङ योर।”

मत्ती 26:24

गेह मीहू योह सिए योग छना कुचे दि पवित्र शास्त्ररंङ च़ेहसी तोह। दंङ परमेश्वर दुह मीहबी भयानक सज़ा रमतो अच़ि गेह धोखारंङ साते च़ुमज़ि लोहतो। दुह मीह ऊ थल्जी रुठे तोहई कि दोऊ जन्म ए माह शुहचा आ।”

मत्ती 7:23

दोहथल गेह दोतंङ साफ कुचे च़रपोग, गेह केरे अपेहल लाह ञेंहगा। हे कुकम लहज़ार, गिऊ दोरच़ी अहच़ा ईलांई।

लूको 13:27

पर दोई केतंङ कोहतो, गेह केतंङ कुट्रातग, गेह माह ञेंहगा केहरे अंऊर च़ि शुंईआ। हे कुकम लहज़ारे, केहरे भत्ते दिऊ कछंङ ज़ि दोखा तोहई।

यहून्नो 5:14

दी गप्पो थल दुह मीह यीशु बि मंदिरो ल्वाड़िंङ दोई। यीशु ज़ि दोबि कुंई, “खंणु, कांह अईन शुहचे इलोन: यह्च़ा पाप थालोहू, झांह शुबी मेस कि झांह लेह रंङ साते कांह टोहकठे छा मोह्ड़े मुशकिल अपतो।”

फिलिपियों 3:19

दोतु अनंत विनाशो तोह, दोतु फुको हिटी ए दोतु भगवान शुह, दोरे षेह्पिमी कम लहज़ा घमण्ड लहज़ातोरे, दंङ दोरे हमेशा धरतीऊ चीज़ो पाहठी सोचेक्च़ातोर।

1 थिस्सलुनीकियों 5:3

अपेहल मीहच़ी कोहर, कि “भत्ते धिर ठीक तोह, दंङ छिल्ला मुसीबत माह,” दंङ मुसीबत, खोकटुंङ मेच़िमी ओ लिहक्पिमी टेहषी ठ्रोह दोतु टोहकठे अच्च़ा अपतो; दंङ दोरे दोरंङ बचेके मरपोर।

2 थिस्सलुनीकियों 2:8

दिऊ थल दुह मदम मीह प्रगट शोतो, अतिंङ प्रभु यीशु एनोह हुकुम ए एनोह अपिमी महिमा ओ छंङी रंङ साते दुह मदम मीह बि सच़ी च़रपोतो।

तीतुस 2:13

हेनर झांह ठ्रोह व्यवहार लोंहि कि अपेहल हेनर उम्मीदा रंङ साते दुह अद्धभुत ध्याड़ा बि रुमज़ा तोंई, अपेहल यीशु मसीह अंऊ हेंदु मोह्ड़े परमेश्वर ए उद्धारकर्ता शुह, एनोह भत्ते महिमा रंङ साते धरती ऊ टोहकठे प्रगट शोतो।

इब्रानियों 10:29

अगर मूसा ओ कानूनो हिसाबे झांह ठ्रोह सज़ा तोहई, दंङ दू मीहू सज़ा महस मोह्ड़े शोतो अंऊ परमेश्वरो योह अपमान लहज़ा। दोई परमेश्वरो योह बि एनोह कोंज़ो पोयंङ नुच़िह चरच़तो छना कुचे दोई दोऊ आदर-सत्कार माह लहरी। दोई मसीहू दू शुहई अपवित्र ञेंहरी अतु दोरच़ी परमेश्वरे दोबि पवित्र बणाएच़िमी वाईदा शुरू लाहते। दोई पवित्र आत्माओ अपमान लहरी अतु दोरच़ी दोई मोह्ड़े दाह खोकच़ातंई।

2 पतरस 2:17

दि हप्सी शिक्षा रंड्रा दुह तिऊ बाबड़ी ठ्रोह तोतोर, अंऊ करचे इलजे तोतोर। दोरे डुह ठ्रोह बेकार तोतोर, अंऊ दोतिंङ तेज लहन ज़ि करचे शिलज़ा, दिबे तुहई कि संदाण शोतो। परमेश्वरे दोतु थल्जी इच्च़ा झांह ठ्रोह ठहरि तेयार लहसी ततो अंऊ बिल्कुल ए हंयार तोह।

2 पतरस 3:7

छना ठ्रोह परमेश्वरे दिह संसारो भत्ते तिंङ हुकुम रंदे, ध्वांए ठ्रोह दोई हुकुम रांहषी ततो कि तुहई कि संसार दोहपल तचेक बणेंके बंङज़ोतो अपेहल तचेक कि मेह रंङ रोह्चे माह केट्रा। दुह दोतिंङ दुह ध्याड़ा तचेक तहज़ा अपेहल दुह भत्ते मीहतु न्याय लोहतो दंङ अधर्मी मीहतु नाश लेह च़रपोतो।

यहूदा 1:13

छना समुंद्रो प्रचंड छ्वली झखंजी षुफ हुंच़ा, ध्वांए दिरे मीहरे षेह्द अपिमी जोगे कम लहज़ातोर। दोरे रेह करज़े तु ठ्रोह तोतोर अंऊ इच्च़ा ए अमरिंङ माह जोज़ातोर, दोच़ी ठीक अम माह खंड्रातोर। प्रभु दोतु थल्जी इच्च़ा ठहरि केट्रा अंऊ पूरे ठ्रोह हंयार तोह अंऊर दोतिंङ हमेशा ओ थल्जी बंङज़ी लेह्पोतो।

प्रकाशित वाक्य 20:11

दंङ गेह इच्च़ा छंङी सिंहासन तंङरिगा अतु टोईच़ी परमेश्वर विराजमान तोहई। पर दुह ठहरि अंऊर परमेश्वर विराजमान तोहई, धरती ए स्वर्ग भत्ते योंहंषा शुहचे इलि, दंङ अच़िला दोतिंङ यह्च़ा खंड्री मरतिर।

प्रकाशित वाक्य 20:14

दुह भत्ते मीहरे अतु मिन जीवनो कताबा रिंङ च़ेहसी माह तोहई, दोतिंङ मेहू झीलारिंङ छङें च़रति। दोऊ थल, हेंतेग मौत माह, हेंतेग सिए दोतु छल्ले ठहरि माह, छना कुचे दुह भत्ते मीहरे अतु मिन जीवनो कताबा रिंङ च़ेहसी माह दोतिंङ मेहू झीलंङ छङें चरच़तो। दिबी अई मौत ला कुट्री, अंऊ कि मेहू झीलो सज़ा शुह।

प्रकाशित वाक्य 21:8

पर अंऊ दोरे मुसीबतो बेहच़ी गिह्बी छोड़ेके चरच़ातोर दंङ अरि गिऊ टोईच़ी विशवास लहज़ी छोड़ेके चरच़ातोर, दोतिंङ मेहू गन्धका रिंङ छङें चरच़ातोर। झांह ठ्रोह दोतिंङ ला अंऊ दोच़ी मदम कम लहज़ातोर, दंङ हत्या लहज़ातोर, दंङ कुकम लहज़ातोर, दंङ एनोह साथी तु खिलाप जादू-टोना लहज़ातोर, दंङ मुर्ति तु पूजा लहज़ातोर, दंङ भत्ते हप्सी कुट्रा, दोतिंङ ला गन्धको मेहू बिचंङ केहच़ी च़रपोर। दिबी अई मौत ला कुट्री।

प्रकाशित वाक्य 22:15

पर मदम मीहरे, दंङ एनातु साथी तु थल्जी जादू-टोना लहज़ा, कुकम, ए हत्या लहज़ा, दंङ मुर्ति तु अराधना लहज़ा, दंङ भत्ते हप्सी कुट्रा अपेहला शहरा रिंङ इबि मरपोर।