2 थिस्सलुनीकियों 1:6 - लाहौली बाइबिल

⁶ छना कुचे परमेश्वरे हमेशा सच्चाई रंङ साते फेंसला लहज़ी, दंङ दोई दुह, मीहतिंङ दुख रंड्रा, अच़ि केतिंङ दुख रांहषी तोह।

2 थिस्सलुनीकियों 1:6 Iomraidhean Croise

कुलुस्सियों 3:25

छना कुचे अच़ि मांजी लोहवा लाह, परमेश्वर दोबि सज़ा रमतो; परमेश्वरे अतु ला भेद भाव माह लेई।

इब्रानियों 6:10

छना कुचे केहच़ी रूठे कम लहज़ातंई दंङ हेंतेग ला केरे परमेश्वरो मिंदंङ परमेश्वरो मीहतु थल्जी दाह रंङ साते सेवा ओ कम लहज़ी लेहकी तोतोंई, झांह लेह परमेश्वर केतिंङ पेषतो माह छना कुचे दू धर्मी तोह।

प्रकाशित वाक्य 11:18

ऊई जाति ज़ि रोहष लहरिर, छना कुचे हेंतेग दुह ध्याड़ा पिचे इलजे तोहई कि कनु रोहष दोतु टोईच़ी अपतो, दंङ दुह ध्याड़ा कि काह सिए दोतु फेंसला लोहन हेंतेग दुह टेम ला तोह अपेहल काह दुह भविष्यवक्ता तिंङ ईनाम रमोंन अंऊ कनु सेवा लहज़ातोर दंङ दुह भत्ते मीहतिंङ अंऊ कनु आदर लहज़ातोर, दंङ दोतिंङ अंऊ दोरे खास तोतोर दंङ अंऊ दोरे खास माह तोहर, अपेहल कि काह दोतिंङ दुह ए मुक्का नाश लेह च़रपोन अच़ि धरतीऊ टोईच़ी नाश लहज़ातोर।”

प्रकाशित वाक्य 15:4

“हे प्रभु, भत्ते मीहतु दोरच़ी कनु आदर शवाह, दंङ दोरे भत्तेर कनु मिन्दु आदर लहज़ातोर, छना कुचे सिर्फ काह ए पवित्र परमेश्वर शुनाह। हर इच्च़ा ठहरि ओ भत्ते मीहरे कनु कछंङ अपतोर, दंङ दोरे कनु अराधना लहज़ातोर छना कुचे कनु धर्मो कम भत्ते तिंङ रूठे रंङ हिद तोतोर।”

प्रकाशित वाक्य 18:20

“हेंतेग अंऊ केरे स्वर्गारिंङ बंङज़ातंई! परमेश्वरो मीहरे! प्रेरित ए नवी रे! दि पाहठी खुशी मनेक्तुंई, छना कुचे परमेश्वरे दुह शहरो टोईच़ी एनोह न्याय चरच़तो, दुह बुराईयो थल्जी अंऊ दोई केतंङ साते लहसी ततो।”

प्रकाशित वाक्य 18:24

परमेश्वरे बाबेल शहरा बि दिऊ थल्जी सज़ा रेंई छना कुचे दि शहर भविष्यवक्ता तिंङ, दंङ ऊई भत्ते मीहतिंङ अंऊ परमेश्वरो तोतोर दंङ भत्ते संसारो मीहतिंङ सच़िमी दोषी तोहई।

प्रकाशित वाक्य 19:2

दोऊ स्तुति लंहि, छना कुचे दोऊ भत्ते फेंसला ठीक ए सच्चा तोह। दोई दुह कुकम लहज़ार मेच़िमी ऊ फेंसला लहरी छना कुचे दोई संसारो मीहतिंङ पाप लहज़िमी थल्जी उकसाएसी तहरे। परमेश्वरे दोऊ भुगतान लहरी परमेश्वरो दास कुकम लहज़ा ओ दोरच़ी सिए इलिर।”

प्रकाशित वाक्य 6:10

दंङ दोच़ी मोह्ड़े सग रंङ हाऊष रें परमेश्वरो हखा कुईरे, “हे पवित्र ए सच्चा प्रभु; काह धरतीऊ टोईच़ी बंङज़ा दुह मदम मीहतिंङ सज़ा रंड्रीमी थल्जी धोंण लम्हें टेम छिल्ले लेहपच़ातन? ञेंहच़ी विनती लहज़ातंई कि केई दुह मीहतु व्यवहारो बदला लेहप्तु अच़ि ञेंरे सच़ी च़रति।”