2 थिस्सलुनीकियों 1:4 - लाहौली बाइबिल

⁴ झांह लेह ञेंरे परमेश्वरो कलीसिया ओ बिचंङ केहतु पाहठी घमण्ड लहज़ातंई, छना कुचे केरे धीरज़ ए विशवासारंङ साते भत्ते पाहठी मुसीबत सहन लहज़ातंई दंङ केरे हेंतेग ला यीशु मसीहू टोहकठे विशवास लहज़ातंई।

2 थिस्सलुनीकियों 1:4 Iomraidhean Croise

रोमियो 12:12

हेंदु कछंङ छि उम्मीद तोह दोऊ वहज़ा ज़ि खुशी मनेक्तुंई; मुसीबता रिंङ धीरज़ तंही भत्ते टेमारिंङ प्रार्थना लोहवा लंहि।

रोमियो 2:7

अंऊ मीहरे ड्काह बंङज़ा ते भलाई लहज़ा ते महिमा ए आदरो, अपेहल ला माह योह्सा जीवनो खोजारिंङ लेहकी बंङज़ातोर, परमेश्वर दोतिंङ अनंत जीवन रमतो;

रोमियो 8:25

पर हेंदिंङ झांह ठ्रोह खोकसिमी उम्मीद तोह अंऊ हेंदु कछंङ हेंतेग तचेक माह, झांह लेह हेनर धीरज़ रंङ साते दू मुक्का तचेक रुमज़ा बंङज़ोंई अपेहल तचेक कि हेनर दोबि खोक्शे माह केओनि।

1 कुरिन्थियों 7:17

अंऊ गेह कुट्रातग दोऊ निचोड़ दि तोह, कि विशवासी बि दू हालातरिंङ बणेक्पि जूंस अंऊ हालातरिंङ परमेश्वरे केरे अंङे चरच़तो दंङ केतिंङ एनोह मीहरे शुहबिमी थल्जी बुलाएक्तो भत्ते विशवासी तु थल्जी गिऊ दिए हुकुम तोह।

2 कुरिन्थियों 12:10

दिऊ थल्जी गेह मसीहू थल्जी कमज़ोरीरिंङ, दंङ निन्दा रिंङ, गरीबी रिंङ, बुराई रिंङ, मुसीबता रिंङ, खुश तोतोग; छना कुचे अंऊ मुक्का गेह कमज़ोर शवाहतग, दोहथर गेह मसीहू ताकतो दोरच़ी बलवन्त शुहचे यवातग।

2 कुरिन्थियों 7:14

छना कुचे अगर गेह दोऊ तुईज़ी केहतु पाहठी घमण्ड लहरिगा, दंङ दोऊ थल्जी गिह्बी षेह्पिमी माह पडे़क्ति। गेह केहतु हखा छिल्ला कुहतेग, दू भत्ते हेले तोहई। झांह लेह तीतुसो तुईज़ी गेह घमण्ड लहच़ी छि कुहतेग, दू हेले हुंच़िरी।

2 कुरिन्थियों 7:4

गेह केतंङ साते भत्ते भरोसा रंङ साते कुट्रातग दंङ गिह्बी केहतु टोईच़ी घमण्ड तोह, दिरिंङ गिह्बी महस तसल्ली खोकसा; दंङ घेंङौ भत्ते दुखारिंङ ला, गेह खुशी रंङ भरपूर बंङज़ातोग।

2 कुरिन्थियों 9:2

छना कुचे गेह केहतु रंड्रीमी हिटी बि ञेंहगा, अतु वहज़ा ज़ि केहतु पाहठी मकिदुनिया इलाको कलीसिया ओ तुईज़ी घमण्ड लहज़ातग, कि अखाया प्रदेशो केरे मीहरे इच्च़ा साल बेहच़ी तेयार शुहबी लेहकी तोतोंई, दंङ केहतु खुशी रिंङ ऊई महस मीहतिंङ प्रेरणा खोकसिरी।

2 कुरिन्थियों 9:4

झांह शुहबी मेस, कि अगर अपेहला मकिदुनिया नगरो रें विशवासी गेरंङ साते अपोर, दंङ केहतु धन तेयार माह शोतो, दंङ शुहबी तरपोतो कि, ञेंरे केहतु टोहकठे हेंदु विशवासो पाहठी शर्मिन्दा शोनि, पर केरे ऊई ला महस शर्मिन्दा शोनि।

1 थिस्सलुनीकियों 1:3

अपेहल ञेंहच़ी हेंदु बाह परमेश्वरो हखा प्रार्थना लहज़ातंई अंऊ कम केहच़ी विशवासो दोरच़ी लहज़ातंई, दंङ विशवासी तु मदत लहज़िमी थल्जी महस मेहनत लहज़ातंई, दंङ प्रभु यीशु मसीहू वापिस अपिमी उम्मीद रिंङ केहच़ी धीरज़ ला लगातार हिद लोहवातंई।

1 थिस्सलुनीकियों 2:14

झांह लेह, हे गिऊ प्यारे साथी विशवासी रे, केहच़ी ध्वांए ठ्रोह दुख सहन लाहतंई छना परमेश्वरो कलीसिया ए सहन लहरी अंऊ यहूदिया प्रदेशा रिंङ मसीह यीशु रिंङ तोतोर। छना कुचे केहच़ी ला केनातु मीहतु दोरच़ी ध्वांए ए दुख खोकच़ातंई, छना दोच़ी यहुदी मीहतु दोरच़ी खोकषातेर।

1 थिस्सलुनीकियों 2:19

ञेंहतु उम्मीद, ए महस खुशी ए षटणो मुकुट अरि शुह? दि केरे ए शोंई अपेहल हेंदु प्रभु यीशु मसीह यह्च़ा वापिस अपतो, दोऊ तुईज़ी केरे माह शोंई?

2 थिस्सलुनीकियों 3:5

ञेंहच़ी प्रार्थना लहज़ातंई कि प्रभु यीशु मसीह केतिंङ दि समझाएक्च़िमी जोगे बणाएपोतो कि परमेश्वर केतंङ साते छिठ्रो घटे दाह लहज़ा, दंङ केरे सताव बि ध्वांए सहन लंहि छना मसीह सहन लहतो।

इब्रानियों 10:36

झांह ठ्रोह टेमारिंङ केतिंङ विशवास धीरज़ा रंङ सहन लहज़िमी ज़रूरत तोह, ताकि केरे परमेश्वरो हिटी पूरे लेह तरपोंई। दोहपल केतिंङ दू भत्ते खोकसोतो अतु परमेश्वरे वाईदा लहसी ततो।

इब्रानियों 6:15

अब्राहमे धीरज़ा रंङ साते लम्हें टेम तचेक इंतज़ार लहरी। दोहपल दोइ, दू खोकसिरी अतु वाईदा परमेश्वरे दोरंङ साते लाहते।

याकूब 5:11

खंई, दुखा रिंङ धीरज़ा रंङ ज़हके दोतिंङ धन्य कुट्री, केहच़ी अय्यूब मिन्दु इच्च़ा मीहबी धीरज़ ज़हकिमी पाहठी थाक्शी तातंई, दंङ केहच़ी दि ला ञेंहच़ातंई कि परमेश्वरे थल मुक्का दोऊ छना ठ्रोह मदत लहरी। अंऊ दिरंङ प्रभु महस दाह ए कृपा प्रगट शवाह।

2 पतरस 1:6

दंङ माह सिर्फ दि ञेंहच़ी जूंशी तोह कि समझदारी रंङ साते छना व्यवहार लेह जूंशी तोह, बल्कि केतिंङ केनातु टोईच़ी काबू ला लहज़ी जूंशी तोह, बल्कि केतिंङ मुसीबता रिंङ ला धीरज़ तहच़ि जूंशी तोह।

प्रकाशित वाक्य 14:12

दिऊ थल्जी ज़रूरी तोह कि परमेश्वर ओ मीहरे दुह भत्ते दुख सहन लोहर अंऊ दुख दोच़ी सहन लहज़ातोर। दोच़ी दुह ए लहज़ातोर अंऊ परमेश्वरे हुकुम रंड्रा अंऊ दोतिंङ यीशु टोईच़ी विशवास लहज़ी बंद लेह माह जूंस।