2 थिस्सलुनीकियों 1:12 - लाहौली बाइबिल

¹² ञेंहच़ी दि प्रार्थना लहज़ातंई कि मीहरे केहतु वहज़ा ज़ि हेंदु प्रभु यीशु मसीहू मिन्दु महिमा लोहर दंङ केरे आदर खोकपोंई। छना कुचे केरे दोऊ शुई। दि भत्ते धिर हेंदु परमेश्वर ए प्रभु यीशु मसीहू मोह्ड़े दाह ओ दोरच़ी शोतो।

2 थिस्सलुनीकियों 1:12 Iomraidhean Croise

यहून्नो 17:10

दंङ गिऊ तोह दुह भत्ते कांह शुह; दंङ कांह तोह दुह गिऊ शुह; दंङ दिऊ दोरच़ी गिऊ महिमा प्रगट शुई।

रोमियो 1:7

गेह दि डाक रोम शहरो दुह भत्ते मीहतु थल्जी च़ेहसी लेहकी तोतोग, अंऊ परमेश्वरो प्यारे तोतोर, दंङ अतिंङ परमेश्वरे एनोह मीहरे शुहबिमी थल्जी अंङषी ततो; हेंदु बाह परमेश्वर ए प्रभु यीशु मसीहू दोरच़ी केतिंङ मोह्ड़े दाह ए शांति खोकसा लोहतो।

1 कुरिन्थियों 1:4

गेह केहतु पाहठी घेंङौ परमेश्वरो धन्यवाद हमेशा लहज़ातग, छना कुचे दोई केतिंङ यीशु मसीह रंङ साते केहतु एकता ओ वहज़ा ज़ि महस आशीष रांहषी ततो।

2 कुरिन्थियों 13:4

हेले रिंङ दोरे कमज़ोरी ओ हालातो वहज़ा ज़ि क्रूसो टोईच़ी चढ़ाइगी ता केहरिर, तांला परमेश्वरो सामर्थ रंङ साते श्रींङे तोह, हेनर ला फुका रूपारिंङ ध्वांए कमज़ोर तोतोंई; पर परमेश्वरो सामर्थ रंङ साते केतंङ साते व्यवहार लहज़िमी थल्जी दोरंङ साते श्रींङी बंङज़ोंई।

2 कुरिन्थियों 8:9

केहच़ी ञेंहतु प्रभु यीशु मसीहू मोह्ड़े दाह ञेंच़ातंई, कि दू साहुकार शुहचे ला केहतु थल्जी गरीब शुहचे इलि ताकि दोऊ गरीब शुहबी रंङ साते केरे साहुकार शुहचे ईलांई।

फिलिपियों 3:9

ताकि गेह मसीह रंङ साते एकता रिंङ बणेंके बंङज़ोग, माह कि घेंङौ दुह धर्मिकता रंङ साते, अंऊ मूसा ओ कानूनरंङ साते तोह, पर मसीहू टोहकठे विशवास लहच़िमी रंङ साते अंऊ परमेश्वरो दोरच़ी विशवास लहच़िमी रंङ साते खोकसा।

2 थिस्सलुनीकियों 1:10

दि दुह ध्याड़ा शोतो, अपेहल प्रभु यीशु मसीह एनोह मीहतु बिचंङ महिमा खोकसिमी ए दुह भत्ते विशवासी तु बिचंङ हेरान लहज़िमी थल्जी अपतो; केरे ला दि मंडली रि ठ्रोहका शोंई छना कुचे केहच़ी दुह खबरो टोहकठे विशवास लहज़ातंई अंऊ दुह ञेंहच़ी केतिंङ दोऊ पाहठी कंङाते।

तीतुस 2:11

परमेश्वरे भत्ते मीहतिंङ बचाएच़िमी थल्जी इच्च़ा अम बणाएच़िमी ज़रिया ज़ि एनोह मोह्ड़े दाह कंड्रिरी। अंऊ भत्ते मीहतु उद्धारो कारण तोत,

1 पतरस 4:14

दंङ अगर मसीहू मिन्दु थल्जी केहतु निन्दा शवाह, दंङ केरे धन्य शुई; छना कुचे परमेश्वरो महिमा ओ आत्मा केहतु अंदरेग बंङज़ा।

प्रकाशित वाक्य 1:4

गेह यूहन्ना, दि डाक केतिंङ निह्ज़ी कलीसिया बि चेहच़ातग अंऊ आसिया प्रदेशारिंङ रिंङ तोह। गेह प्रार्थना लहज़ातग कि परमेश्वर अंऊ तोह, दंङ अंऊ हमेशा बेहच़ी तोहई, दंङ अंऊ अपिमी तोह; दंङ दुह निह्ज़ी आत्माओ तरफे, अंऊ परमेश्वरो सिंहासनो तुईज़ी तोह, केतिंङ मोह्ड़े दाह ए शांति खोकसोतो।