2 थिस्सलुनीकियों 1:10 - लाहौली बाइबिल

¹⁰ दि दुह ध्याड़ा शोतो, अपेहल प्रभु यीशु मसीह एनोह मीहतु बिचंङ महिमा खोकसिमी ए दुह भत्ते विशवासी तु बिचंङ हेरान लहज़िमी थल्जी अपतो; केरे ला दि मंडली रि ठ्रोहका शोंई छना कुचे केहच़ी दुह खबरो टोहकठे विशवास लहज़ातंई अंऊ दुह ञेंहच़ी केतिंङ दोऊ पाहठी कंङाते।

2 थिस्सलुनीकियों 1:10 Iomraidhean Croise

मत्ती 16:27

मीहू योह एनोह स्वर्गदूत तंङ साते एनोह बाहऊ महिमारंङ अपतो, दंङ दोई दोहथर भत्तेतिंङ दोतु काहमो हिसाबे फल रमोतो।

मत्ती 16:28

गेह केतंङ साते हेले कुट्रातग कि देर खड़े मीहतु बिचंङज़ि रेइरे झांह तोतोर दोच़ी अपेहल तचेक मीहू योह बि दोऊ राजंङ अपि माह तंङमोर धोंण तचेक सिओर माह।”

मत्ती 24:36

पर गिऊ अई फेरा अपिमी पाहठी सही टेम अच़िला माह ञेंहऊ, माह स्वर्गदूताज़ि, माह गेह योह बि, सिर्फ बाहबि दुह ध्याड़ाओ पाहठी पता तोह।

मत्ती 25:31

अपेहल गेह मीहू योह यच़ाह अपोग, दंङ गेह घेंङौ महिमारंङ साते अपोग दंङ भत्ते स्वर्गदूतारे घेंङौ साते हपोग। दोहपल गेह भत्ते मीहतु न्याय लहच़िमी थल्जी घेंङौ महिमो सिहासनो टोईच़ी बंङज़ोग।

मत्ती 7:22

न्याय ओ ध्याड़ारिंङ महस मीहच़ी गिह्बी कोर, ‘हे प्रभु, हे प्रभु, छि ञेंहच़ी कांह मिन्ज़ी मांजी आत्मारे महुंज़ा तेंईयां, दंङ कांह मिन्ज़ी हेरानी कम्मारे मलेहतंईया?’

लूको 10:12

गेह केतंङ साते कुट्रातग न्याय ध्याड़ारिंङ दुह इलाकाओ हलात दुह सज़ा बे अंऊ परमेश्वर सदोम शहरो मीहतिंङ रमतो दोबि ला महस शोतो।

यहून्नो 11:4

दिह रेड्राते यीशु ज़ि कुई, “दिह बीमारीऊ अंत सी माह शुह, पर दिह परमेश्वरो महिमा थल्जी शोतो, कि दोऊ दोरच़ी गेह परमेश्वरो योहू महिमा शोतो।”

यहून्नो 17:10

दंङ गिऊ तोह दुह भत्ते कांह शुह; दंङ कांह तोह दुह गिऊ शुह; दंङ दिऊ दोरच़ी गिऊ महिमा प्रगट शुई।

1 कुरिन्थियों 1:6

दू खास वरदान अंऊ दोई केतिंङ रांहषी ततो दि साबित लहज़ातोर कि यीशु मसीहू पाहठी रूठे खबर हेले शुह।

1 कुरिन्थियों 3:13

इच्च़ा ध्याड़ा हर इच्च़ा दू कमो खसीयत खमतो अंऊ दोच़ी लहसी तोह। छना कुचे अपेहल यीशु मसीह दोबारा वापिस अपतो दंङ दू साफ रूपारिंङ दि गप्पा तिंङ हिद लोहतो दि दू टेमो ठ्रोह शोतो अपेहल धातु परखेक्च़िमी थल्जी मेहू बिचंङ केट्री। दोई दि खमतो कि हर इच्च़ा मज़दूरे छि-छि लहतो, दंङ दोई कंबोतो कि दि रूठे तोह या बेकार।

गलातियों 1:24

झांह लेह परमेश्वरे गेरंङ साते छि लहरी, दोऊ थल्जी दोरे लगातार परमेश्वरो महिमा लहज़ी लेहतिर।”

इफिसियों 1:12

हेनर, यहुदीओ मुण्डो मीह शुई अच़ि मसीहू टोहकठे उम्मीद ततो दंङ हेंदिंङ दिऊ थल्जी अंङे च़रति ताकि हेनर परमेश्वरो महानता ओ थल्जी दोऊ स्तुति लोहवा लंहि।

इफिसियों 1:14

परमेश्वर इच्च़ा बयाना ओ ठ्रोह तोह अंऊ हेंदिंङ भरोसा रंड्रा कि परमेश्वर हेंदिंङ दू विरासत रंड्रा अपि रंड्रीमी दोई वाईदा लहसी ततो दंङ दि ला कि दोई एनोह मीहरे शुहबिमी थल्जी च़ुमने चरच़तो। अंऊ दोरच़ी परमेश्वरो महिमा ए स्तुति शोतो।

इफिसियों 1:18

गेह दि ला प्रार्थना लहज़ातग कि दू सच्चाई बि समझेक्सिमी थल्जी केहतु मदत लोहतो, दंङ दू उम्मीद अंऊ केतिंङ रांहषी ततो अपेहल परमेश्वरे केतिंङ अंङे चरच़ाते। ताकि केहच़ी ञेंई च़रतुंई कि दू आशीष अंयों मोह्ड़े ए महिमामय तोह अतु वाईदा परमेश्वरे एनोह मीहतंङ साते लहसी तहरे।

इफिसियों 1:6

अंऊ दोरच़ी कि हेनर दोऊ अद्धभुत मोह्ड़े दाह ओ थल्जी दोऊ स्तुति लोंहि, दि मोह्ड़े दाह हेंदिंङ दोऊ प्यारे योह वहज़ा ज़ि मुफ्तारिंङ खोकसिरी।

इफिसियों 2:7

परमेश्वर झांह दिऊ थल्जी लहरी ताकि अंजा ध्याड़ा रिंङ दू संसारो मीहतिंङ कंङे तरपोतो कि दोऊ मोह्ड़े दाह अंयों महान तोह। छिल्ला धिर दोई ञेंहतु थल्जी लहरी ञेंतिंङ दि मोह्ड़े दाह कंङातो अंऊ मसीह यीशु ऊ एकता रिंङ तोतोर।

इफिसियों 3:10

ताकि एंतेग कलीसिया ओ दोरच़ी, परमेश्वरो शताह पाहठी ज्ञान दुह प्रधान ए मोह्ड़े अधिकारितु टोईच़ी अंऊ स्वर्गारिंङ तोतोर, प्रगट लोहर।

इफिसियों 3:16

गेह प्रार्थना लहज़ातग कि, परमेश्वर एनोह महिमा दू खज़ाना दोरच़ी केतिंङ दि दान रमतो, कि केरे दोऊ आत्माओ दोरच़ी केनातु-केनातु अंदरेग सामर्थ खोकच़े बलवन्त शुचे योंई।

1 थिस्सलुनीकियों 1:5

छना कुचे हेंदु यीशु मसीहू पाहठी रूठे खबर केहतु कछंङ माह सिर्फ कुट्री रंङ साते ए पर पवित्र आत्मो सामर्थे ए भत्ते याहबा रंङ अंजा कि दि रूठे खबर हेले शुह, केहच़ी ञेंच़ातंई कि अपेहल ञेंरे केतंङ साते तोईनी दंङ ञेंहच़ी केहतु भलाई ऊ थल्जी छना ठ्रोह जीवन श्रींङज़ातंई।

1 थिस्सलुनीकियों 2:1

हे गिऊ प्यारे साथी विशवासी रे, केहच़ी केनाच़ि ए ञेंच़ातंई कि ञेंहतु केहतु कछंङ अपि फायदा ओ कम शुई।

1 थिस्सलुनीकियों 2:12

ताकि केहतु चाल चलनो दोरच़ी परमेश्वराबि महस इज्ज़त खोकसोतो, अंऊ केतिंङ एनोह राज ए महिमारिंङ भागीदार शुहबिमी थल्जी बुलाएच़ा।

1 थिस्सलुनीकियों 2:13

झांह लेह ञेंरे ला रोज परमेश्वरो धन्यवाद लहज़ातंई, कि अपेहल केहच़ी दुह रूठे खबर थाशातंई अंऊ ञेंहच़ी केहतु बिचंङ प्रचार लाहतंई, दंङ केहच़ी दुह मीहतु मशत पर परमेश्वरो वचन समझेगी (दंङ अंऊ हेले परमेश्वरो दोरच़ी तोह) ग्रहण लहरिन; दंङ हेंतेग परमेश्वरो दि खबर केहतु अंद्रेग कम लहज़ी लेहकी तोह अंऊ मसीहू टोहकठे विशवास लहज़ातंई।

2 थिस्सलुनीकियों 1:12

ञेंहच़ी दि प्रार्थना लहज़ातंई कि मीहरे केहतु वहज़ा ज़ि हेंदु प्रभु यीशु मसीहू मिन्दु महिमा लोहर दंङ केरे आदर खोकपोंई। छना कुचे केरे दोऊ शुई। दि भत्ते धिर हेंदु परमेश्वर ए प्रभु यीशु मसीहू मोह्ड़े दाह ओ दोरच़ी शोतो।

2 थिस्सलुनीकियों 2:13

हे गिऊ प्यारे साथी विशवासी रे, हेंदिंङ हमेशा परमेश्वरो धन्यवाद लेह जुंशी तोह, छना कुचे परमेश्वरे केतंङ साते दाह लहज़ा। परमेश्वरे संसारो रचना बे तुहई केतिंङ अंङे चरच़तो ताकि केतिंङ बचाके तरपोतो केरे यीशु मसीहू पाहठी सच्चा खबरो टोईच़ी विशवास लहज़िमी दंङ दोऊ पवित्र आत्मा दोरच़ी पवित्र बणेषिमी थल्जी अंङषी ततो।

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।

2 तीमुथियुस 1:12

दंङ दिऊ थल्जी गेह देर कैदारिंङ दुख उठाएच़ातग छना कुचे गेह मीहतिंङ यीशु मसीहू पाहठी प्रचार लहज़ातग, पर गेह शर्मिन्दा माह शवाहतग। छना कुचे गेह मसीह बि ञेंहच़ातग, अतु टोईच़ी गेह विशवास लहज़ातग, गिह्बी पक्‍का पता तोह कि मसीह दुह ध्याड़ा तचेक अपेहल तचेक दुह वापिस माह अपतो, रूठे खबरो रक्षा लेह तरपोतो अंऊ दोई गिह्बी रांहषी ततो।

2 तीमुथियुस 1:18

गेह प्रार्थना लहज़ातग कि न्यायो ध्याड़ारिंङ प्रभु उनेसिफुरूस ओ टोहकठे दया लोहतो। केहच़ी केनाच़ि रूठे रंङ ञेंच़ातंई कि दोई इफिसुस शहरारिंङ गिऊ अंयों मदत लहरी।

2 तीमुथियुस 4:8

दंङ हेंतेग जीतो दुह मुकुट गिऊ थल्जी रुमज़ा, छना कुचे गेह घेंङौ जीवनो दोरच़ी परमेश्वराबि खुश लहतेग। प्रभु अंऊ धर्मिकताओ कम रंङ साते भत्ते मीहतु न्याय लहज़ा दुह, दुह ध्याड़ा गिह्बी दुह मुकुट रमतो अपेहल न्याय लहज़िमी थल्जी दोबारा अपतो पर दुह गिह्बी ए मशत पर दोतिंङ भत्ते दि ईनाम रमतो अंऊ दोऊ यह्च़ा अपिमी थल्जी रुमज़ा तोतोर।

1 पतरस 2:9

पर केरे झांह ठ्रोह माह तोंई छना कुचे केरे परमेश्वरो अंङषी मीहरे शुई, केरे झांह ठ्रोह यहुदी पुरोहित शुई अंऊ परमेश्वरो रज्ज़ा रूपा रिंङ सेवा लहज़ातंई, केरे परमेश्वरो सेवा लहज़िमी थल्जी समर्पित तोतोंई, दंङ परमेश्वरो एनोह सम्पति शुई। दोई केतिंङ हंयारो दोरच़ी एनोह अद्धभुत छंङीरिंङ अंङषी ततो, ताकि केरे परमेश्वरो अद्धभुत कमो घोषणा लेह तरपोंई।