2 पतरस 3:7 - लाहौली बाइबिल

⁷ छना ठ्रोह परमेश्वरे दिह संसारो भत्ते तिंङ हुकुम रंदे, ध्वांए ठ्रोह दोई हुकुम रांहषी ततो कि तुहई कि संसार दोहपल तचेक बणेंके बंङज़ोतो अपेहल तचेक कि मेह रंङ रोह्चे माह केट्रा। दुह दोतिंङ दुह ध्याड़ा तचेक तहज़ा अपेहल दुह भत्ते मीहतु न्याय लोहतो दंङ अधर्मी मीहतु नाश लेह च़रपोतो।

2 पतरस 3:7 Iomraidhean Croise

मत्ती 10:15

गेह केतिंङ हेले कुट्रातग न्याय ध्याड़ारिंङ दुह नगरो हालात सदोम ए अमोरा शहर महस दुखदायी शोतो।

मत्ती 11:22

पर गेह केतिंङ कुट्रातग न्याय ध्याड़ारिंङ केहतु हलात दुह सज़ा बे अंऊ परमेश्वरे सोर ए सीदोन शहरो मीहतिंङ रमतो दोबि ला महस शोतो।

मत्ती 11:24

पर गेह केतिंङ कुट्रातग न्याय ध्याड़ारिंङ केहतु दशा दुह सज़ा बे अंऊ परमेश्वर सोर ए सीदोन शहरो मीहतिंङ रमतो दोबि ला महस शोतो।”

मत्ती 12:36

गेह केतंङ साते कुट्रातग छि, छि मांजी गप्पारे मीह्जी कोर, न्याय ध्याड़ारिंङ दोबि हर गप्पो हिसाब रंड्री लेह्पोतो।

मत्ती 24:35

सर्ग ए धरती योह्सा योतो, दंङ गिऊ गप्पारे अपेहल योह्सोतो माह।

मत्ती 25:41

दंङ दोई फुचंङ हासी दोतंङ कोतो हे शापित मीहरे, गिऊ तुईज़ी हिसाब मेह मेहरिंङ अच्च़ा ईलांई अंऊ शेतान ए दोऊ मांजी आत्मातु थल्जी परमेश्वरे त्याहर लहसी शुह।

मरकुसो 6:11

अंऊ नगरो मीहरे केहतु गप्पा माह रेड्रोर ए केहतु इज्ज़त माह लोहर, दंङ दोरच़ी हुंच़िमी मुका केहच़ी केनातु चप्पलो धुह्‌ड़ ला ठुड़ेके कि च़रतुंई झांह खंड्रा दुह नगरो मीहच़ी ञेंओर कि परमेश्वरे दोतिंङ ज़रुर सज़ा रमतो। छना कुचे दोच़ी परमेश्वरो उपदेश माह रेड्रिर।”

यहून्नो 12:48

अच़ि गेह तुच्छ चेहच़ा दंङ गिऊ गप्पार ग्रहण माह लहज़ा दोबि दोषी ठेहराएच़ा इच्च़ा तोह; मतलब अंऊ बचन गेह कुहषी तातग, दोई अंतिम ध्याड़ा रिंङ दोबि दोषी ठहराएपोतो।

रोमियो 2:5

पर केरे ज़िद्दी तोतोंई दंङ झांह लेह केरे पश्चाताप लहज़िमी रंङ साते इंकार लहज़ातंई, झांह लेह परमेश्वर केतिंङ महस खरे सज़ा रमतो। छना कुचे दुह ध्याड़ा अपि लेहकी तोह, अपेहल परमेश्वरे एनोह रोहष कमबोतो दंङ एनोह सच्चा न्याय प्रगट लोहतो।

1 कुरिन्थियों 3:13

इच्च़ा ध्याड़ा हर इच्च़ा दू कमो खसीयत खमतो अंऊ दोच़ी लहसी तोह। छना कुचे अपेहल यीशु मसीह दोबारा वापिस अपतो दंङ दू साफ रूपारिंङ दि गप्पा तिंङ हिद लोहतो दि दू टेमो ठ्रोह शोतो अपेहल धातु परखेक्च़िमी थल्जी मेहू बिचंङ केट्री। दोई दि खमतो कि हर इच्च़ा मज़दूरे छि-छि लहतो, दंङ दोई कंबोतो कि दि रूठे तोह या बेकार।

फिलिपियों 1:28

दंङ अंऊ ला गप्पारिंङ विरोधीतंङ साते माह बेवातंई। केहतु हिम्मत दोतु थल्जी विनाशो साफ निशानी शुह, पर केहतु थल्जी उद्धारो दंङ दि परमेश्वरो दोरच़ी शुह।

2 थिस्सलुनीकियों 2:3

दि गप्पो पाहठी अंऊ रीतिरंङ साते अतुआ धोखा रिंङ थादेंई। छना कुचे प्रभु यीशु मसीहू यह्च़ा वापिस अपिमी बे तुहई, इच्च़ा ध्याड़ा अपतो अपेहल महस मीहच़ी परमेश्वरो विरोध लोहर। “दंङ दुह मदम मीह अपतो अतु नाश शुहबी ज़रूरी तोह।”

1 तीमुथियुस 6:9

पर अंऊ साहुकार शुहबी जुन्ज़ातोर, दोरे भत्ते पाहठी पाप लहज़िमी थल्जी युरनाह धोखा रंड्रातोर दंङ इच्च़ा जानवरो ठ्रोह फंदारिंङ फसेके यवातोर दोरे दुह कम लहच़ी जुन्ज़ातोर अंऊ दोतु थल्जी मुर्ख ए खतरनाक तोह दंङ दि हिटी दोतिंङ बरबाद लेह केट्रा दंङ पूरी तरह नाश लेह केट्रा।

इब्रानियों 12:29

छना कुचे हिद तंही कि हेनर अंऊ परमेश्वरो सेवा लहज़ातंई, दू इच्च़ा मेहू ठ्रोह तोह अंऊ अपवित्र शुचाह हर इच्च़ा चीज़ भस्म लेह च़रच़ा।

2 पतरस 2:9

अपेहल कि प्रभु ज़ि दि भत्ते चीज़ लहरी, दंङ दिऊ दोरच़ी पता लेहपा कि दोई ञेंहच़ा कि ईश्वरीय मीहतिंङ दोतु दुखो दोरच़ी छना छुड़ाएपोंई, दंङ छना मदम मीहतिंङ न्यायो ध्याड़ा तचेक रोज सज़ा रंड्री तोह।

2 पतरस 3:10

पर मसीह हेले रिंङ वापिस अपतो। दुह अचानक ए अपतो, छना अरिया चोर अचानक ए अच़ा आपत। दुह मुक्का सर्गंङ गड़गड़ो सग शोतो, दंङ सर्ग ब्याके शुहचे योतो। सर्गा रिंङ भत्ते धिर मतलब ऐके, लचंङ ए कर रोह्षा योर। दुह मुक्का परमेश्वर दुह भत्ते कम प्रगट लेह च़रपोतो अंऊ मीहच़ी लहसी तातोर ताकि दोतु न्याय लेह तरपोतो।

2 पतरस 3:12

छना कि केरे दुह ध्याड़ा बि रुमज़ा तोतोंई अपेहल परमेश्वर संसारो न्याय लहज़िमी थल्जी अपतो, दंङ दुह ध्याड़ो युरनाह अपिमी थल्जी केनातु तरफे पुरे कोशिश लंहि। दुह ध्याड़ा, मेह भड़केगी योतो दंङ सर्गा बि नाश लेह च़रपोतो, दंङ दोऊ ठ्रोत सर्गा रिंङ भत्ते धिर रोह्चे च़रपोतो।

1 यूहन्ना 4:17

झांह लेह दाह हेंदु बिचंङ पूरा शुचे इलि, कि फेंसला ओ ध्याड़ा रिंङ हेन्दिंङ हिम्मत खोकसोतो कि दोई हेंदिंङ सज़ा माह रमतो; छना कुचे हेनर मसीहू ठ्रोह ऊई तंङ साते दाह लहज़ातंई दंङ दि संसारा रंङ दोतु ठ्रोह बंङज़ातंई।

यहूदा 1:7

दि इस्राएली मीहरे ए स्वर्गदूता ठ्रोह, दुह मीहतंङ ला हिद तंही अंऊ सदोम ए अमोरा शहरो ए दोतु कछंङ इलाकंङ बंङज़ातेर कि दोतंङ साते छि शुहते। दोरे मीहरे कुकम लहज़ाड़ शुहचे इलिर दंङ हर पाहठी ऊ कुकम दोतु अंदरेग अच़ा अति। झांह लेह परमेश्वरे दोतिंङ मेहू दोरच़ी नाश लेह च़रति। दोतंङ साते छि शुई दुह हप्सी शिक्षा रंड्रा दोतु थल्जी इच्च़ा चेतावनी बणेंके इलि कि दोतिंङ ला अनंत मेहरिंङ सज़ा रमोर।

प्रकाशित वाक्य 17:11

अंऊ घ्वंणो तुहई तोहई, दंङ एंतेग माह, दुह एनाह ए आठवां रज्ज़ा शुह; पर दुह आठवां रज्ज़ा तुहई कि निह्ज रज्ज़ा तु बिचंङ इच्च़ा तोह। दंङ थल मुखंङ दुह रज्ज़ा बि पक्‍का रूपारिंङ हमेशा ओ थल्जी सज़ा खोकसोतो।

प्रकाशित वाक्य 17:8

दुह घ्वंण अपि केई हेंतेग खंदेग, इच्च़ा टेम श्रींङे तोहई, पर हेंतेग श्रींङे माह; दुह महस डुह्गे गड्डो दोरच़ी धकतेखा अपिमी तोह दंङ परमेश्वर दोबि पूरे तरह ठ्रोह नाश लेह च़रपोतो। धरतीऊ टोईच़ी बंङज़ा मीहरे अतु मिन परमेश्वर संसारो रचना लहज़िमी बे तुहई जीवनो कताबा रिंङ च़ेहसी माह, दोरे भत्तेर हेरान शुहचे योर अपेहल दोरे दि घ्वंणा बि खमोर। इच्च़ा टेम दुह श्रींङे तोहई; हेंतेग दुह श्रींङे माह; पर दुह यह्च़ा वापिस अच़ा अपतो।

प्रकाशित वाक्य 20:11

दंङ गेह इच्च़ा छंङी सिंहासन तंङरिगा अतु टोईच़ी परमेश्वर विराजमान तोहई। पर दुह ठहरि अंऊर परमेश्वर विराजमान तोहई, धरती ए स्वर्ग भत्ते योंहंषा शुहचे इलि, दंङ अच़िला दोतिंङ यह्च़ा खंड्री मरतिर।

प्रकाशित वाक्य 21:1

दोहथर गेह खरकोई स्वर्ग ए खरकोई धरती खंईगा, छना कुचे युई सर्ग ए धरती समुंद्रंङ साते योंहंषा इलजी तोहई।