2 पतरस 3:17 - लाहौली बाइबिल

¹⁷ झांह लेह हे गिऊ प्यारे साथी विशवासी रे, केहच़ी तुहई बेहच़ी ञेंच़ातंई कि दि गप्पारे शोर। झांह लेह, खबरदार बंङज़ुंई ताकि अंऊ मीहरे नियम माह मनेक्च़ातेर दोरे केतंङ साते हप्सी कुचे केतिंङ भटकागी च़रपोर दंङ केरे हेले गप्पा रिंङ विशवास लेह बन्द लेह च़रपोंई अंऊ दोऊ टोईच़ी केहच़ी इच्च़ा टेम पक्‍का रंङ विशवास लहज़ातंई।

2 पतरस 3:17 Iomraidhean Croise

मत्ती 16:11

केहच़ी छिले माह समझेकतानि कि केतिंङ रोटीऊ पाहठी माह कोहग पर दिह कि केरे फरीसी ए सदूकी मीहतु मलेडाज़ि ओहई बंङज़ुंई।”

मत्ती 16:6

यीशुज़ि दोतिंङ कुहतो, “रेड्रुंई, फरीसी ए सदूकी मीहतु खमीरो दोरच़ी बचेके तोहई।”

मत्ती 7:15

हप्सी भविष्य कंड्रातु दोरच़ी बचेके बंङज़ुंई, अरी त्रैंई ओ रूपंङ अपाहतोर पर तोंङज़ि फ्रक्च़ा भेड़ियातु ठ्रोह तोतोर।

यहून्नो 16:4

पर दीह गप्पारे गेह केतंङ साते दिऊ थल्जी कुहतग, कि अपेहल दिह गप्पातु पुरा शुहबिमी टेम अच़ा अपतो ता केतिंङ हिद अच़ा अपतो कि गेह दिह गप्पारे केतंङ साते तुईए कुची च़रचातेग, “गेह मुंडा रिंङ दिह गप्पारे केतंङ साते दिऊ थल्जी माह कुहतेग छना कुचे गेह केतंङ साते तोईग।”

प्रेरित 2:42

दंङ दोरे प्रेरितातु दोरच़ी शिक्षा लेहप्च़िमी थल्जी, ए संगति लहज़िमी थल्जी, दंङ दोरे प्रभु भोजंङ शामिल शवातेर दंङ बिशवासी मीहरे इच्च़ा साते शुहचे बगत ज़ोआतेर, दंङ प्रार्थना रिंङ मगन बंङज़ातेर।

रोमियो 16:18

छना कुचे झांह ठ्रोह मीहरे हेंदु प्रभु मसीहू माह शुरे, पर एनोह फायदा ओ थल्जी सेवा लहज़ातोर; दंङ दिरे मीहरे मीठे-मीठे गप्पा लहज़ी सीधे-साधे सेहमो मीहतिंङ बहकाके चरच़ातोर।

1 कुरिन्थियों 10:12

दिऊ थल्जी अगर झांह ठ्रोह मीह तोह ता अंऊ दि कुट्रा कि परमेश्वरो टोईच़ी दोऊ विशवास पक्‍का तोह, दंङ दोबि खबरदार बंङज़ी जूंशी तोह कि झांह शुहबी मेस कि दू अचानक विशवासो दोरच़ी भटकेगी योतो दंङ पाप लोहतो।

1 कुरिन्थियों 15:58

झांह लेह हे गिऊ प्यारे साथी विशवासी रे, केनातु विशवासा रिंङ पक्‍का बंङज़ुंई दंङ गलत शिक्षा ओ वहज़ा ज़ि भटक्तेतुंई था, प्रभु थल्जी छि कम केहच़ी लहज़ातंई दोरिंङ हमेशा तुंखा शुई। छना कुचे दि ञेंहच़ा, कि छिल्ला धिर केहच़ी प्रभु थल्जी लोहनि दोऊ ईनाम केतिंङ पक्‍का खोकसोतो।

2 कुरिन्थियों 11:3

पर गिह्बी हमेशा दि बेह्द लेहकी बंङज़ा कि शेतान केहतु सेहम मसीहू थल्जी केहतु निष्कपट, पवित्रता रंङ साते शत्‌ह लहज़ी माह जूंस, छना शेताने ओमड्रो रूपारिंङ हव्वा बि एनोह चालाकी रंङ साते बहकाएकि च़रते।

गलातियों 5:4

केरे ता मूसा ओ कानूनो भाषे लहज़ा दोरच़ी धर्मी साबित शुहबी जुन्ज़ातंई, दंङ केरे मसीहू दोरच़ी केनातु नाता ब्याड़ा लेह चरच़ातंई दंङ परमेश्वरो मोह्ड़े दाह बि योह्च़े चरच़ातंई।

इफिसियों 4:14

हेंतेग बे हेंदिंङ कटुतु ठ्रोह व्यवहार लेह माह जूंस। झांह लेह हेंदिंङ अपेहल ला धोखेबाज़ मीहतु हप्सी शिक्षा रिंङ माह फसेफी जूंस, अंऊ हेले च़ेहसा। छना कुचे हेनर दू किशतीऊ ठ्रोह माह तोंई अतिंङ छ्वली देखा-नोखा लहज़ा दंङ लन्न ज़ि देखा-नोखा किरज़ी लहज़ा।

फिलिपियों 3:2

दुह मीहतंङ साते खबरदार बंङज़ेंई, अंऊ खुह्ई तु ठ्रोह तोतोर, दंङ मांजी कम लहज़ा तोर, अंऊ दोच़ी कुट्रातोर कि केतिंङ उद्धार लहज़िमी थल्जी खतना लेह ज़रूरी तोह।

कुलुस्सियों 2:5

छना कुचे गेह केतंङ साते मातोग, तांला केहतु पाहठी सोचेक्सी लेहकी तोतोग, गेह खुश तोतोग कि केरे ध्वांए ठ्रोह श्रींङमी लेहकी तोतोंई छना केतिंङ श्रींङमी जूंस। दंङ मसीह रिंङ केहतु विशवास पक्‍का तोह।

कुलुस्सियों 2:8

खबरदार तोहई कि अरिया केतिंङ संसारो ज्ञान ए फालतु धोखा रंड्री माह जूंस, दिह गप्पारे मीहतु परम्परा ए संसारो शिक्षा ओ हिसाबे तोह। माह कि मसीहू दोरच़ी।

2 तीमुथियुस 4:15

कांह ला दोरंङ साते खबरदार बंङज़ु, छना कुचे दोई हेंदु शिक्षा ओ महसे विरोध लहते।

इब्रानियों 3:14

अगर हेनर हेंदु तुहई कि विशवासा बि थल मुक्का तचेक पक्‍का बणाके तोहनि, दंङ हेनर मसीहू सहभागी शुहचे योंई।

1 पतरस 5:9

केतिंङ केनातु पक्‍का विशवासा रंङ साते दोतु विरोध लेह जूंशी तोह। हिद तंही कि विशवासी अंऊ भत्‍ते संसारारिंङ तोतोर, ध्यांए ठ्रोह दुख सहन लहज़ा तोर छना केहच़ी सहन लहज़ातंई।

2 पतरस 2:7

पर सदोम ओ विनाश लहज़िमी बे तुहई, परमेश्वरे लूता बि अंऊ इच्च़ा धर्मी मीह तोहई, शहरो दोरच़ी हुंच़ी च़रति दंङ झांह ठ्रोह दोबि बचाके च़रति। लूत महस परेशान तोहई छना कुचे सदोमो मीहरे अंऊ ला कानूनो भाषे माह लहज़ातेर दंङ षेह्द अपिमी जोगे कम लहज़ातेर।

2 पतरस 3:1

हे गिऊ प्यारे साथी विशवासी रे, एंतेग गेह केतिंङ दि दूसरी पत्री चेहच़ातग, गेह केतिंङ दि झुल्ला पत्री दिऊ थल्जी च़ेहसी तातग कि ताकि अंऊ गप्पारे केहच़ी तुहई बेहच़ी ञेंच़ातंई कि, दोतु पाहठी केतिंङ हिद दिलाएच़िमी दोरच़ी गेह केहतु सेहमरिंङ शुद्ध विचार पैदा लेह तरपोग।

प्रकाशित वाक्य 2:5

झांह लेह हिद लोह कि द्हपिमी बे तुहई काह अंऊर तोईन। कनिंङ पाप लेह बंद लहज़ी जूंशी तोह दंङ केनोह जीवन ध्वांए ठ्रोह श्रींङमी जूंशी तोह छना काह गिऊ टोईच़ी विशवास लहज़िमी तुहईबे श्रींङमातेंई। दंङ अगर काह सेहम माह किर्ज़ोंन दंङ गेह कनु कछंङ अपोग दंङ अंऊर कांह दिवट केहषी तोह दोबि दोरच़ी ऐखा लहज़ी ते कनिंङ सज़ा रमोग।