2 पतरस 3:16 - लाहौली बाइबिल

¹⁶ घेंङौ भत्ते पत्री तिंङ अंऊ गेह विशवासी तिंङ च़ेहसी तातग, दोई ध्यांए ठ्रोह गप्पा च़ेहसा। पर रे गप्पा अंऊ दोई एनोह पत्री रिंङ च़ेहसी ततो, दोतिंङ समझाएसी खरे तोह। अंऊ मीहच़ी रूठे शिक्षा खोकसी माह तातोर। दंङ अंऊ दोतिंङ दि पक्‍का माह कि दोच़ी छि विशवास लहज़ातोर, दोरे दि खरे गप्पो वर्णन गलत तरीका रंङ साते लहज़ातोर। झांह लहज़ी दोरे परमेश्वरो दोरच़ी एनोह नाश शुहबिमी वहज़ा शुहचे यवातोर।

2 पतरस 3:16 Iomraidhean Croise

मत्ती 15:3

दोई दोतिंङ जुबाब रेंई कि, “केहच़ी लाह केनातु प्रथा ओ थल्जी परमेश्वरो आज्ञा माह मनेक्च़ातंई।

मत्ती 15:6

दंङ दोई एनोह बाहऊ आदर थलोह झांह लेह केहच़ी केन्दु रीतिरिवाज़ो बजाहज़ि परमेश्वरो कुहषी वचन माह लहतंई।

मत्ती 22:29

यीशुज़ि दोतिंङ जुबाब रेंई, “केहच़ी पवित्रशास्त्र ए परमेश्वरो सामर्थो माह ञेंहई; दिऊ थल्जी भुलेकारिंङ तोतोंई।

फिलिपियों 3:19

दोतु अनंत विनाशो तोह, दोतु फुको हिटी ए दोतु भगवान शुह, दोरे षेह्पिमी कम लहज़ा घमण्ड लहज़ातोरे, दंङ दोरे हमेशा धरतीऊ चीज़ो पाहठी सोचेक्च़ातोर।

इब्रानियों 5:11

दिऊ पाहठी कंड्रिमी थल्जी महस धिर तोह पर दोतु पाहठी रूठे रंङ साते कंड्री खरे तोह। छना कुचे केरे परमेश्वरो बचनो पाहठी सिखेसी थल्जी सुस्त शुहचे इलजी तोतोंई।

याकूब 1:8

दुह मीह झुह्ट सेहमारंङ तोह, दंङ एनोह भत्ते गप्पारिंङ चंचल तोह।

1 पतरस 1:1

गेह, पतरस अंऊ यीशु मसीहू प्रेरित शुगाह, दि डाक चेहच़ातग। गेह दि डाक परमेश्वरो अंङषी दू मीहतिंङ चेहच़ातग, अंऊ कि पुन्तुस, गलातिया, कपुदूकिया, आसिया, ए बितुनिया प्रदेशो शत्‌ह-शत्‌ह शहरा रिंङ परदेशी तु ठ्रोह बंङज़ातेर।

1 पतरस 2:8

दंङ पवित्र शास्त्रे दि ला कुट्रा, “दि रह्घ मीहतु ठोकरो वहज़ा शोतो। दि इच्च़ा चटान शुह अंऊ दोतु दह्पिमी वहज़ा शोतो।” दोरे बचना रिंङ विशवास लहज़ी माह जुंज़ातोर, झांह लेह दोरे ठोकर ज़ोवा दह्च़ी यवातोर। परमेश्वरे दोतंङ साते दिए शुहबिमी योजना बणाएषी ततो।

2 पतरस 2:1

महस टेम तुहई, छना इस्राएली मीहतु बिचंङ हप्सी भविष्यवक्ता तोईरे, ध्वांए ठ्रोह केहतु बिचंङ हप्सी शिक्षा रंड्रा ला शोरे। दोरे सूले-सूले केहतु कलीसिया रिंङ अपि शुरू लोहर दंङ परमेश्वरो पाहठी केतंङ साते नुकसान लहज़ा ठ्रोह हप्सी शिक्षा बि कोहर। देर तचेक कि दोरे मसीह बि एनोह प्रभु रूपा रिंङ मनेकच़िमी रंङ साते इन्कार लेह च़रपोर अच़ि दोतिंङ पापो दोरच़ी आज़ाद लहरी। छना कुचे दोच़ी झांह लहज़ातोर, झांह लेह दोरे एनोह टोईच़ी अचानक विनाश हपातेर।

2 पतरस 2:14

दोरे हर इच्च़ा मेच़िमी रंङ साते कुकम लेह जुंज़ातोर, अतिंङ दोच़ी खंड्रातोर। दोरे पाप लहज़िमी मुक्का अपेहल ला माह छोड़ेक्च़ातोर। दोरे दुह मीहतिंङ धोखा रंड्रातोर अंऊ मसीहू टोईच़ी पक्‍का रंङ विशवास माह लहज़ातोर, दंङ दोरे दोतिंङ पापो हखा रैंज़ा शिलज़ातोर। दोतु महस बे महस चीज़ारे खोकच़िमी थल्जी हमेशा बढेक्च़ा लालचो वहज़ा ज़ि परमेश्वर दोतिंङ सज़ा रमतो।

2 पतरस 3:14

झांह लेह हे गिऊ प्यारे साथी विशवासी रे, अपेहल कि केरे दुह ध्याड़ा रूमज़ा तोतोंई अपेहल परमेश्वरे संसारो न्याय लोहतो दंङ केतिंङ पूरे कोशिश लहज़ी जूंशी तोह ताकि दोई केतिंङ शुद्ध ए दोष मेह शांति रंङ साते एनाह रंङ साते खोकपोतो।

2 पतरस 3:2

गेह दि दिऊ थल्जी लहज़ातग, छना कुचे गेह जुंज़ातग कि केहच़ी दुह बचन हिद तंही, अंऊ परमेश्वरो भविष्यवक्ता ज़ि महस तुहई बेहच़ी कुहषी ताहरेर दंङ उद्धारकर्ता हेंदु प्रभु यीशु मसीहू शिक्षा हिद तंही अंऊ केतिंङ दुह प्रेरिता ज़ि शिक्षा रांहषी तातोर अंऊ केहतु कछंङ अंज़े तोईरे।

यहूदा 1:4

गेह केतिंङ चेहच़ातग, छना कुचे रें मीहरे अंऊ यीशु मसीहू टोईच़ी विशवास लहज़िमी दिखावा लहज़ातोर, दोरे केहतु बिचंङ शामिल शुहचे इलोर। दोच़ी परमेश्वरो आदर माह लहज़ातोर दंङ दोच़ी गलत शिक्षा रंड्रातोर कि परमेश्वर एनोह मोह्ड़े दाह ओ दोरच़ी हेंदु पाप माफ लेह च़रच़ा, झांह लेह हेनर मदम जीवन श्रींङमातंई। दोच़ी यीशु मसीह बि ग्रहण माह लहज़ातोर, अंऊ हेंदु इच्च़ा मालिक ए हेंदु प्रभु तोह। महस तुहई, पवित्रशास्त्रे कुट्रा, “कि परमेश्वर झांह ठ्रोह मीहतिंङ सज़ा रमतो।”