2 पतरस 3:15 - लाहौली बाइबिल

¹⁵ दि ञेंए च़रतुंई कि हेंदु प्रभु हेंदु थल्जी धीरज़ तहज़ा बंङज़ा, दोऊ वहज़ा दि तोह कि दुह मीहतिंङ पश्चाताप लहज़िमी टेम रंड्रा ताकि दुह दोतिंङ बचाके तरपोतो। अपेहल हेंदु साथी विशवासी पोलुसे, केतिंङ दुह ज्ञानो इस्तेमाल लहज़ी च़ेआतो अंऊ परमेश्वरे दोबि रांहषी ततो, दंङ दोई ला केतिंङ दिए गप्पा कंङातो, अंऊ गेह केतिंङ कंङातग।

2 पतरस 3:15 Iomraidhean Croise

लूको 21:15

छना कुचे गेह केतिंङ झांह ठ्रोह गप्पा ए समझ रमोर कि केहतु भत्ते बैरीर केहतु सामना लेह मरपोर।

प्रेरित 15:25

दिऊ थल्जी ञेंहच़ी इच्च़ा सेहम शुहचे दी रूठे चेहतिन कि ञेंहच़ी थोड़े अरे गंङमीतिंङ अंङड्रीमी फेंसला लहरिन कि हेंदु प्यारे बरनबास ए पोलुस रंङ साते केहतु कछंङ चरच़ातनि।

प्रेरित 7:10

परमेश्वरे यूसुफ बि भत्ते तकलीफो दोरच़ी बचाएति। दंङ दोबि बुद्धिमान बणाएति अंऊ वहज़ा ज़ि मिस्त्र देशो रज्ज़ा फिरोन दोऊ पाहठी रूठे विचार लहज़ी लेहती। दिऊ थल्जी रज्ज़ा फिरोन ए यूसुफ बि मिस्त्र देशो ए एनोह भत्ते चुंङो अधिकार रेंई।

प्रेरित 9:17

दोथर हनन्याह खड़े अच़ा दुह चुंङ अति दंङ शाऊला रंङ साते दोहरी दंङ दोऊ टोईच़ी एनोह गुड़ केट्रा ते कुई, “हे न्वा शाऊला, प्रभु यीशु ज़ि, अच़ि कनिंङ देर्तिंङ अपिमी मुक्का दमिशको शहरो इबिमी मुक्का अमरिंङ दर्शन रेंई, दोई ए गिह्बी चरच़तो, कि कांह यच़ाह खांई तरपोन दंङ पवित्र आत्मा रंङ साते परिपूर्ण शुहचे योंई।”

रोमियो 2:4

छि कांह परमेश्वरो भलाई ए सहनशीलता, दंङ सब्ररूपी धन बि बेकार ञेंच़ातन? दंङ केई दि माह समझेक्च़ातन कि परमेश्वरो भलाई कनिंङ पश्चाताप काराच़ि सिखाएच़ा?

1 कुरिन्थियों 12:8

छना कुचे परमेश्वरो आत्मा इच्च़ा मीह बि बुद्धिऊ गप्पारे कुट्रीमी वरदान रंड्रा, दंङ दू ए आत्मा ऊईतिंङ ज्ञानो गप्पा कुट्रीमी वरदान रंड्रा।

1 कुरिन्थियों 2:13

दंङ झांह लेह हेनर दि गप्पार ऊईतिंङ कंड्रातंई, दंङ हेनर दि शब्दा तु इस्तेमाल माह लहज़ातंई, अंऊ मीहतु ज्ञानो दोरच़ी खोकसा, पर हेनर दू शब्दा तु इस्तेमाल लहज़ातंई अंऊ परमेश्वरो आत्माओ दोरच़ी खोकच़ातंई, अंऊ आत्मिक ज्ञानो दोरच़ी आत्मिक गप्पा समझाएक्च़ा।

1 कुरिन्थियों 3:10

परमेश्वरे अंऊ वरदान गिह्बी रांहषी ततो, दोऊ इस्तेमाल लहज़ी गेह दू चुंङो मुयांद इच्च़ा बुद्धिमान राजमिस्त्री ठ्रोह केईगा, दंङ ऊई मीहरे दू मुयांदो टोईच़ी कम लहज़ी लेहकी तोतोर, पर भत्ते मीहतिंङ खबरदार बंङज़ी जूंशी तोह कि दोरे दिऊ टोहकठे छना कम लहज़ी लेहकी तोतोर।

इफिसियों 3:3

अति गेह दि पाहठी तुहई ए थोड़े अरे च़ेऐ च़रचातेग, कि परमेश्वरे एनेह ए गुप्त भेद बि गिऊ टोईच़ी प्रगट लहरी।

1 तीमुथियुस 1:16

पर यीशु मसीह ज़ि गिऊ टोहकठे दाह लहरी, दंङ गेह भत्ते बे मोह्ड़े पापी बि माफ लहच़ी दि कंड्री ततो कि दुह अंयों सहनशील तोह दि, दुह मीहतु थल्जी इच्च़ा नमूना शोतो अंऊ दोऊ टोहकठे विशवास थले लोहर दंङ अनंत जीवन खोकपोरे।

याकूब 1:5

अगर केहतु बिचंङ अतिंङ बुद्धि ऊ कमी तोह, दंङ परमेश्वरो दोरच़ी पेट्रोंई, अच़ि बिना गलती मेह भत्ते तिंङ भरपूरी रंङ साते रंड्रा, दंङ परमेश्वरे केतिंङ ला रमतो।

याकूब 3:17

पर अंऊ ज्ञान परमेश्वरो दोरच़ी अपा दुह मुण्डारिंङ ता पवित्र शवाह, दंङ मिलनसार, नेकी ए रूठे स्वभाव, दया, दंङ रूठे कमरंङ साते पिंङषा दंङ ईमानदार ए कपट मेह शवाह।

1 पतरस 3:20

दि दू मीहतु आत्मा तोहई अंऊ दोच़ी महस तुहई परमेश्वरो गप्पो उलंघन लहसी ताहरेर। अपेहल नूह एनोह नाव बणाएच़ते, दंङ परमेश्वर धीरज़ा रंङ साते रूमज़ा तोहई कि खमोंई छि दोरे मीहरे पश्चाताप लहज़ातोर। पर सिर्फ रें मीहतिंङ दू भयानक डढो दोरच़ी बचाएक्ते।

2 पतरस 3:2

गेह दि दिऊ थल्जी लहज़ातग, छना कुचे गेह जुंज़ातग कि केहच़ी दुह बचन हिद तंही, अंऊ परमेश्वरो भविष्यवक्ता ज़ि महस तुहई बेहच़ी कुहषी ताहरेर दंङ उद्धारकर्ता हेंदु प्रभु यीशु मसीहू शिक्षा हिद तंही अंऊ केतिंङ दुह प्रेरिता ज़ि शिक्षा रांहषी तातोर अंऊ केहतु कछंङ अंज़े तोईरे।

2 पतरस 3:9

रें मीहच़ी चेहच़ातोर कि प्रभु एनोह यह्च़ा वापिस अपिमी वाईदा ओ पाहठी ख्राह लहज़ी लेहकी तोह, बल्कि, दुह केतंङ साते धीरज़ तहज़ा तोह। छना कुचे दुह अतिंङ ला नाश लेह माह जुंज़ा। पर प्रभु ज़ि जुंज़ा कि हर इच्च़ा एनोह सेहम किरज़ु दंङ गलत कम लेह बन्द लेह केहतो दंङ दोऊ कछंङ अच़ा अपतो।