2 पतरस 3:14 - लाहौली बाइबिल

¹⁴ झांह लेह हे गिऊ प्यारे साथी विशवासी रे, अपेहल कि केरे दुह ध्याड़ा रूमज़ा तोतोंई अपेहल परमेश्वरे संसारो न्याय लोहतो दंङ केतिंङ पूरे कोशिश लहज़ी जूंशी तोह ताकि दोई केतिंङ शुद्ध ए दोष मेह शांति रंङ साते एनाह रंङ साते खोकपोतो।

2 पतरस 3:14 Iomraidhean Croise

मत्ती 24:26

दिऊ थल्जी अगर दोच़ी केतंङ कुड़िर, खांई दुह सुनसान ठाहरीरिंङ तोह दंङ धकतेखा, हुंज़ा था ईलांई; खांई दुह कोठरिऊ अंद्रेग तोह, दंङ विशवास थलांई।

मत्ती 25:7

दंङ दोरे भत्ते कुंवारिरे एनातु मशाल ठीक लहज़ी लहरिरे।

लूको 12:43

धन्य शुह दुह परगर अतिंङ दोऊ मालिके अंज़े ध्यांए लेह तंङफोतो।

लूको 2:29

“हे प्रभु, दाह गिह्बी केनोह दासबि केनोह वाईदाओ हिसाबे शांति रंङ साते सीए इबि रोंहू;

1 कुरिन्थियों 1:8

परमेश्वर केतिंङ थल मुक्का तचेक विशवासारिंङ पक्‍का लोहवा लोहतो, कि केरे दू ध्याड़ा अपेहल हेंदु प्रभु यीशु मसीह धरती ऊ टोईच़ी वापिस अपतो निर्दोष शोतो।

1 कुरिन्थियों 15:58

झांह लेह हे गिऊ प्यारे साथी विशवासी रे, केनातु विशवासा रिंङ पक्‍का बंङज़ुंई दंङ गलत शिक्षा ओ वहज़ा ज़ि भटक्तेतुंई था, प्रभु थल्जी छि कम केहच़ी लहज़ातंई दोरिंङ हमेशा तुंखा शुई। छना कुचे दि ञेंहच़ा, कि छिल्ला धिर केहच़ी प्रभु थल्जी लोहनि दोऊ ईनाम केतिंङ पक्‍का खोकसोतो।

फिलिपियों 1:10

झांह लेह केरे चुनाव लहज़िमी जोगे शोंई कि छि कम लहज़ी ठीक तोह, ताकि यीशु मसीहू दोबारा वापिस अपिमी ध्याड़ा तचेक ताकि केरे पवित्र ए निर्दोष शुहचे बंङज़ुंई।

फिलिपियों 2:15

ताकि केरे निर्दोष ए रूठे शुहचे ते डेहरे ए हठीले मीहतु बिचंङ परमेश्वरो निष्कलंक सन्तान बड़ेकी तोंई, अतु बिचंङ केरे जीवनो बचन कुरच़ा सर्गो करज़े तु ठ्रोह चमकेपी जूंस।

फिलिपियों 3:20

पर हेंदु देश स्वर्ग शुह, दंङ हेनर हेंदु उद्धार लहज़ा प्रभु यीशु मसीहू स्वर्गंङ ज़ि वापिस अपिमी थल्जी रुमज़ा तोतोंई।

1 थिस्सलुनीकियों 3:13

दंङ ञेंहच़ी प्रार्थना लहज़ातंई कि हेंदु प्रभु यीशु मसीह केहतु सेहम झांह ठ्रोह पक्‍का लोहतो, कि अपेहल दुह एनोह भत्ते पवित्र मीहतंङ साते वापिस अपतो, दंङ दुह हेंदु बाह परमेश्वरो तुईज़ी पवित्रतारिंङ निर्दोष ठहरेसोतो।

1 थिस्सलुनीकियों 5:23

शांति ऊ परमेश्वर एनेह ए केतिंङ भत्ते रीतिरंङ साते पवित्र लोहतो; दंङ केहतु भत्ते आत्मा, प्राण फुक हेंदु प्रभु यीशु मसीहू यह्च़ा वापिस अंजा तचेक दोष मेह बणाके तंही।

1 तीमुथियुस 6:14

कि केई दुह भत्ते लोह अपि पूरी रीतिरंङ साते लहच़िमी थल्जी परमेश्वरे कनिंङ हुकुम रांहषी ततो, ताकि अरिला प्रभु यीशु मसीहू यह्च़ा वापिस अपिमी तचेक कांह टोहकठे छल्ले गलत लहज़िमी दोष माह लगासी तरपोतो।

इब्रानियों 9:28

ध्वांए ठ्रोह, मसीह ला भत्ते मीहतु पाप बि एनोह टोईच़ी कुरच़ा इच्च़ा फेरा बलिदान शुहचे इलि। अपेहल दू दोबारा अपतो दू मुक्का दू पापो थल्जी बलिदान शुहबी मशत पर दोतिंङ बचाएच़िमी थल्जी अपतो अंऊ दोबि रुमज़ा तोतोर।

याकूब 1:27

हेंदु बाह परमेश्वरो कछंङ रूठे ए निर्मल भक्ति दि तोह, कि याह मेह बाह मेह ए रंणीतु झगड़ारिंङ दोतु सुधि लेहप्तुंई, दंङ केनातिंङ संसारो दोरच़ी निष्कलंक तंही।

1 पतरस 1:7

दि मुसीबतो मकसद दि कंड्री तोह छि केरे हेले रिंङ परमेश्वरो टोईच़ी विशवास लहज़ातंई। यीशु मसीह रिंङ केहतु विशवास ज़ंङ बे महस कीमती तोह। छना नाशवान शुहच़ा ज़ंङ मेहू बिचंङ परखेक्च़िमी थल्जी दंङ शुद्ध लेह, ध्वांए ठ्रोह अगर केहतु विशवास परखकेक्सी रंङ साते विशवास पक्‍का शुहवा, दंङ दू ध्याड़ा महस षटणा ए मोह्ड़े दाह ए आदर रमतो अपेहल यीशु मसीह यह्च़ा अपतो।

2 पतरस 3:1

हे गिऊ प्यारे साथी विशवासी रे, एंतेग गेह केतिंङ दि दूसरी पत्री चेहच़ातग, गेह केतिंङ दि झुल्ला पत्री दिऊ थल्जी च़ेहसी तातग कि ताकि अंऊ गप्पारे केहच़ी तुहई बेहच़ी ञेंच़ातंई कि, दोतु पाहठी केतिंङ हिद दिलाएच़िमी दोरच़ी गेह केहतु सेहमरिंङ शुद्ध विचार पैदा लेह तरपोग।

2 पतरस 3:16

घेंङौ भत्ते पत्री तिंङ अंऊ गेह विशवासी तिंङ च़ेहसी तातग, दोई ध्यांए ठ्रोह गप्पा च़ेहसा। पर रे गप्पा अंऊ दोई एनोह पत्री रिंङ च़ेहसी ततो, दोतिंङ समझाएसी खरे तोह। अंऊ मीहच़ी रूठे शिक्षा खोकसी माह तातोर। दंङ अंऊ दोतिंङ दि पक्‍का माह कि दोच़ी छि विशवास लहज़ातोर, दोरे दि खरे गप्पो वर्णन गलत तरीका रंङ साते लहज़ातोर। झांह लहज़ी दोरे परमेश्वरो दोरच़ी एनोह नाश शुहबिमी वहज़ा शुहचे यवातोर।

1 यूहन्ना 3:3

दंङ अच़िला मसीहू टोईच़ी दि उम्मीद तहच़ा, दोई एनाबि ध्वांए पवित्र लहज़ा, छना दुह पवित्र तोह।