2 पतरस 2:4 - लाहौली बाइबिल

⁴ केहच़ी ञेंहच़ातंई कि महस टेम तुहई अपेहल रे स्वर्गदूता ज़ि परमेश्वरो हुकुमो भाषे माह लहरिर, दंङ परमेश्वरे दोतिंङ दोतु लहसी कमो सज़ा रांई, दोई दोतिंङ नरकारिंङ छङें च़रति दंङ दोतिंङ हंयार कैदारिंङ दुह ध्याड़ा तचेक तहरि अपेहल कि दोई दोतु फेंसला लोहतो दंङ दोतिंङ सज़ा रमतो।

2 पतरस 2:4 Iomraidhean Croise

मत्ती 25:41

दंङ दोई फुचंङ हासी दोतंङ कोतो हे शापित मीहरे, गिऊ तुईज़ी हिसाब मेह मेहरिंङ अच्च़ा ईलांई अंऊ शेतान ए दोऊ मांजी आत्मातु थल्जी परमेश्वरे त्याहर लहसी शुह।

मत्ती 8:29

दोच़ी हऊष रेह कुह्तोर, “हे परमेश्वरो योह यीशु! केई गेरंङ साते छि जुन्ज़ातन? कांह छि टईमाबे तुहई ञेंतिंङ बरदो रंड्रीमी थल्जी देहर अंज़े शुनाह?”

मरकुसो 5:7

यीशुज़ि दोऊ अंद्रेग अंऊ मांजी आत्मा तोहई दोऊ हखा कुंई, “हे मांजी आत्मा दिह मीहबी केट्रा धह्कते हुंच़ा इली।” मांजी आत्मा ए यीशु हखा हाऊष रेह कुंहई, “हे महान परमेश्वरो योह यीशु! केई गेरंङ साते छि जुन्ज़ातन? गेह करंङ साते परमेश्वरो मिंदंङ बिनती लहज़ातग कि केई गिह्बी दुख थारोंह।”

लूको 10:18

यीशुज़ि दोतंङ साते कुंई, “अपेहल मांजी आत्माज़ि केहतु गप्पा मनेक्ती, ता गेह अचानक शेतानाबि यरच़ा बिजलिऊ ठ्रोह सर्गंङच़ि दह्च़ी तंङातग।

लूको 8:31

दोच़ी बिनती लहरीर कि, “ञेंतिंङ नरकंङ थाह चर्तु।”

यहून्नो 8:44

केहरे केनातु बाह शेतानो दोरच़ी शुईं, दंङ केनातु बाहो हिटी लेह तातंई। दुह त तुहई बे हत्त्यारा शुह दंङ सच्चाई टोहकठे चसा मरति, छना कुचे सच्चाई दोऊ अन्द्रेग माह; अपेहल दोई हप्सी कुट्रा ता एनोह चाल चलनो हिसाबे कुट्रा; छना कुचे दुह हप्साड़ शुह दंङ हप्सिऊ बाह शुह।

रोमियो 11:21

छना कुचे अपेहल परमेश्वरे मुल ब्रन्ज़े तु टोहकठे दया माह लहरी, दंङ दू केहतु टोईच़ी ला दया माह लोहतो।

रोमियो 8:32

परमेश्वरे एनोह योह एनोह थल्जी माह, पर दोबि हेंदु थल्जी एनोह बैरीतु हवाले लेह च़रति, दोई हेंदिंङ दू भत्ते धिर रमोतो अतिंङ दोई हेंदिंङ रंड्रीमी वाईदा लहसी ततो।

2 पतरस 2:11

स्वर्गदूता तु पाहठी विचार लंहि। दोरे हप्सी शिक्षा रंड्रा बे महस शाक्तिशाली तोतोर। पर अपेहल दोरे परमेश्वरो हाज़िरी रिंङ दि शिक्षाओ टोईच़ी दोष लगाएच़ातोर दंङ दोतु अपमान माह लोहर।

2 पतरस 2:5

केहच़ी दि ला ञेंहच़ातंई कि अपेहल महसे तुहई बंङज़ा मीहच़ी परमेश्वरो बेह्द माह चेहतिर दंङ दोई दुह मदम कम नज़र अंदाज माह लहरी अंऊ दोच़ी लहज़ातेर। बल्कि दोई भत्ते संसारा रिंङ ती चरच़े परमेश्वरे झांह ठ्रोह सज़ा रांई कि दोरे भत्तेर नाश शुहचे इलिर। पर दोई नूह ए दुह निह्ज़ी मीहतिंङ बचाके च़रति, अंऊ दोच़ी परमेश्वरो थल्जी सही शुहबिमी थल्जी प्रचार लाहतेर।

2 पतरस 2:9

अपेहल कि प्रभु ज़ि दि भत्ते चीज़ लहरी, दंङ दिऊ दोरच़ी पता लेहपा कि दोई ञेंहच़ा कि ईश्वरीय मीहतिंङ दोतु दुखो दोरच़ी छना छुड़ाएपोंई, दंङ छना मदम मीहतिंङ न्यायो ध्याड़ा तचेक रोज सज़ा रंड्री तोह।

1 यूहन्ना 3:8

अच़ि लाह लगातार पाप लहज़ी लेहकी शवात, दुह शेतानो दोरच़ी शुह, छना कुचे शेतान शुरूआत बे पाप लहज़ा अंज़े तोह, परमेश्वरो योह झांह लेह अंज़े शुह कि शेतानो कमो नाश लोहतो।

यहूदा 1:13

छना समुंद्रो प्रचंड छ्वली झखंजी षुफ हुंच़ा, ध्वांए दिरे मीहरे षेह्द अपिमी जोगे कम लहज़ातोर। दोरे रेह करज़े तु ठ्रोह तोतोर अंऊ इच्च़ा ए अमरिंङ माह जोज़ातोर, दोच़ी ठीक अम माह खंड्रातोर। प्रभु दोतु थल्जी इच्च़ा ठहरि केट्रा अंऊ पूरे ठ्रोह हंयार तोह अंऊर दोतिंङ हमेशा ओ थल्जी बंङज़ी लेह्पोतो।

यहूदा 1:6

हिद लंहि कि प्रभु ज़ि स्वर्गदूता तिंङ छना ठ्रोह सज़ा रांई, अंऊ दोच़ी एनोह ज़िम्मेवारी रूठे रंङ निभाएतिर माह, बल्कि दोच़ी एनोह ठहरि छोड़ेकी केहरी। प्रभु ज़ि दि स्वर्गदूता तिंङ हंयार ठहरि केहषी ततो, झांह ठ्रोह षंङणी रें छ़ुह्च़ी ततो अपि अच़िला थाक्शे मरपोतो, ताकि मोह्ड़े ध्याड़ा रिंङ दोतु अनंत जीवनो न्याय शुहबी तरपोतो।

प्रकाशित वाक्य 20:10

दोऊ थल शेतान च़ुमसा योतो, अच़ि देश-देशो मीहतिंङ भरमाच़ा दंङ दोबि गन्धको मेहू बिचंङ छङें च़रपोतो, मतलब दुह मेह रिंङ अंऊ झीलो ठ्रोह मोह्ड़े तोह। घ्वंण ए हप्सी भविष्यवक्ता बि तुहई ए दोर्तिंङ छङें केहषी तोहई। दंङ दोर्तिंङ दुह मेहरिंङ दोतिंङ हमेशा ओ थल्जी रात-दिन तंड़पेफी शोतो।