2 पतरस 2:3 - लाहौली बाइबिल

³ दि उपदेश रंड्रा दिरे लालची शोर, दंङ दोरे बणाएषी ठ्रोह कथा कुचे केतिंङ धोखा रमोर ताकि केहतु दोरच़ी ढबाह कमाके तरपोर। परमेश्वरे महसे टेम तुहई ए दि फेंसला लेह चरच़ाते कि दुह दोतिंङ सज़ा रमतो दंङ दुह झांह लहज़िमी थल्जी तेयार तोह। दुह हेले रिंङ दोतिंङ नाश लेह च़रपोतो।

2 पतरस 2:3 Iomraidhean Croise

मत्ती 23:14

(हे कपटी शास्त्री ए फारिसिरे केहतु टोईच़ी धिक्कार! केहच़ी रंणी मेच़मीतु घरबार जें चरच़ातंई दंङ कंड्रिमी थल्जी भत्तेतु तुईज़ी महस प्रार्थना रिंङ बंङज़ातंई; दिह लहज़ी केतिंङ महस सज़ा खोकसोतो)

लूको 18:8

“गेह केतंङ साते कुट्रातग दुह दोथरे दोतु थल्जी न्याय लोहतो, पर गेह मीहू योह अपेहल वापिस अपोग, ता गिह्बी धरती रिंङ अंयों मीहरेर खमोग कि अच़ि गिऊ टोहकठे विशवास लोहातोर?”

लूको 20:20

दंङ दोरे यीशु हर इच्च़ा कमो टोईच़ी नज़र तातेर। दोच़ी दोऊ कछंङ एनोह खबरी च़रतिर कि दोरे धर्मो ढोंग लेह यीशु बि, दोऊ ए अंऊआ गप्पारिंङ फसाके दोबि हाकिमो गुहड़िंङ रें च़रपोर।

लूको 22:47

यीशु दिह कुट्रीए लेहकी तोहई मीहतु इच्च़ा भीड़ दोर तिंङ अति, दंङ अंङषी चेला तु बिचंङ इच्च़ा अतु मिन यहूदा तोहई, दोतु तुहई, तुहई अपि लेहकी तोहई। दुह यीशु कछंङ अति ताकि दोबि फ्यग लोहतो।

यहून्नो 2:16

यीशु ज़ि कबूतर लंङजारे दोतिंङ कुहतो, दिहरे देरच़ी लेन्ज़ा शिलांई। गिऊ बाहू घरबार ब्यापारो अड्डा था बणाएतुंई।

रोमियो 16:18

छना कुचे झांह ठ्रोह मीहरे हेंदु प्रभु मसीहू माह शुरे, पर एनोह फायदा ओ थल्जी सेवा लहज़ातोर; दंङ दिरे मीहरे मीठे-मीठे गप्पा लहज़ी सीधे-साधे सेहमो मीहतिंङ बहकाके चरच़ातोर।

2 कुरिन्थियों 2:17

छना कुचे हेनर दू महसे तु बराबर माह तोंई, अंऊ परमेश्वरो बचन एनोह फायदा ओ थल्जी प्रचार लहज़ा; पर हेनर परमेश्वरो बचनो प्रचार सच्चाई ए मसीहू अधिकारारंङ साते लहज़ातंई, दि ञेंई कि परमेश्वर हेंदिंङ खंड्रा बंङज़ा तोह।

1 थिस्सलुनीकियों 2:5

केहच़ी ञेंच़ातंई, कि हेनर माह ता अपेहल लाह चापलूस गप्पारे लहज़ातंई, दंङ माह ए ञेंहच़ी केहतु दोरच़ी ढबाह खोकच़िमी थल्जी झांह ठ्रोह लहज़ातंई दि गप्पो परमेश्वरो गवाह तोह।

1 थिस्सलुनीकियों 5:3

अपेहल मीहच़ी कोहर, कि “भत्ते धिर ठीक तोह, दंङ छिल्ला मुसीबत माह,” दंङ मुसीबत, खोकटुंङ मेच़िमी ओ लिहक्पिमी टेहषी ठ्रोह दोतु टोहकठे अच्च़ा अपतो; दंङ दोरे दोरंङ बचेके मरपोर।

1 तीमुथियुस 3:3

दुह इच्च़ा शराबी मीह या झांह ठ्रोह शुहबी मेस अंऊ हमेशा लड़ाई लहज़ी बंङज़ा, पर दयालु ए शांत स्वभावो मीह शुहबी जूंस, दंङ माह ए ढबाहो लालची शुहबी जूंस।

1 तीमुथियुस 3:8

ध्वांए कलीसिया ओ सेवकातिंङ ला शुहबी जूंस अतु आदर मीहच़ी लोहर, ईमानदार शुहबी जूंस, दंङ शराबी शुहबी मेस, दंङ गलत तरीका रंङ ढबाह कमाएच़िमी लालची शुहबी मेस,

1 तीमुथियुस 6:5

दंङ झांह ठ्रोह मीहतु बिचंङ हमेशा झगड़ा शवाह, अंऊ दोतु बुद्धि भ्रष्ट शुहचे इलजी तोह, दंङ दोरे सच्चाई बि समझेगी माहरच़ातोर, दंङ दोच़ी सोचेक्च़ातोर कि परमेश्वरो सेवा लहज़ी साहुकार बणेक्पिमी तरीका शुह।

तीतुस 1:11

झांह ठ्रोह मीहतिंङ शिक्षा रंड्रीमी इजाज़त थारांई, छना कुचे अपेहल दोरे दि गप्पा सिखाएच़ातोर अंऊ दोतिंङ सिखाएसी माह जूंस, दंङ दोरे भत्ते टबरातु विशवास नाश लेह च़रच़ा। दोरे झांह लेह ढबाह कमाच़ी जुंज़ातोर।

तीतुस 1:7

छना कुचे कलीसिया ओ मुख्या बि परमेश्वरो खज़ान्च़ीज़ि शुहबीरंङ साते बेकसूर शुहबी जूंस; माह ज़िद्दी, माह रोहष, माह पियक्कड़, माह मारपीठ लहज़ा, माह ढबाहो लालची शुहबी जूंस।

1 पतरस 2:8

दंङ पवित्र शास्त्रे दि ला कुट्रा, “दि रह्घ मीहतु ठोकरो वहज़ा शोतो। दि इच्च़ा चटान शुह अंऊ दोतु दह्पिमी वहज़ा शोतो।” दोरे बचना रिंङ विशवास लहज़ी माह जुंज़ातोर, झांह लेह दोरे ठोकर ज़ोवा दह्च़ी यवातोर। परमेश्वरे दोतंङ साते दिए शुहबिमी योजना बणाएषी ततो।

1 पतरस 5:2

कि विशवासी तु दू झुंडो रखवाली लंहि अंऊ परमेश्वरो तोह, दंङ अपि केतिंङ देखभाल लहज़िमी थल्जी रांहषी तोह। खुशी रंङ साते दोतु देखभाल लंहि, दिऊ थल्जी मशत कि केरे मज़बूर तोतोंई। दिए परमेश्वरे जुंज़ा कि केहच़ी लंहि। सिर्फ ढबाहो थल्जी विशवासी तु देखभाल था लंहि, पर दिऊ थल्जी कि केरे हेले रिंङ दोतु मदत लहज़ी जुंज़ातंई।

2 पतरस 1:16

अपेहल ञेंहच़ी प्रेरिता ज़ि केतिंङ हेंदु प्रभु यीशु मसीह सामर्थ ए वापिस अपिमी पाहठी कंङाते, दंङ ञेंरे केतिंङ चालाकी रंङ साते बणाशी दुह कथा माह कंड्रातंई। पर, ञेंहच़ी मसीहू महिमा हेंदु टिरे खांहषी तरेनि।

2 पतरस 2:1

महस टेम तुहई, छना इस्राएली मीहतु बिचंङ हप्सी भविष्यवक्ता तोईरे, ध्वांए ठ्रोह केहतु बिचंङ हप्सी शिक्षा रंड्रा ला शोरे। दोरे सूले-सूले केहतु कलीसिया रिंङ अपि शुरू लोहर दंङ परमेश्वरो पाहठी केतंङ साते नुकसान लहज़ा ठ्रोह हप्सी शिक्षा बि कोहर। देर तचेक कि दोरे मसीह बि एनोह प्रभु रूपा रिंङ मनेकच़िमी रंङ साते इन्कार लेह च़रपोर अच़ि दोतिंङ पापो दोरच़ी आज़ाद लहरी। छना कुचे दोच़ी झांह लहज़ातोर, झांह लेह दोरे एनोह टोईच़ी अचानक विनाश हपातेर।

2 पतरस 2:9

अपेहल कि प्रभु ज़ि दि भत्ते चीज़ लहरी, दंङ दिऊ दोरच़ी पता लेहपा कि दोई ञेंहच़ा कि ईश्वरीय मीहतिंङ दोतु दुखो दोरच़ी छना छुड़ाएपोंई, दंङ छना मदम मीहतिंङ न्यायो ध्याड़ा तचेक रोज सज़ा रंड्री तोह।

यहूदा 1:11

दोतु टोईच़ी हाय! कि दोच़ी आदमो योह कैनो ठ्रोह मदम व्यवहार लहरिर, अच़ि एनोह न्वा सचे च़रति। दोच़ी जल्दबाज़ी रिंङ दुह ए गलती लहरिर अंऊ बिलामे ऊई मीहतिंङ पापो हखा शिल्ज़िमी मुक्का लहरी ताकि ढबाह खोक्शे तरपोतो। छना मूसा ओ खिलाप विरोध लहज़ा कोहर वंशो नाश शुहचे इलि, ध्वांए ठ्रोह दिरे मीहरे ला नाश शुहचे योर छना कुचे दोरे ला प्रभु खिलाप विद्रोह लहज़ातोर।

यहूदा 1:15

भत्ते मीहतु न्याय लहज़िमी थल्जी, दुह भत्ते मदम कमो थल्जी दोतु टोईच़ी दोष लगाएच़िमी थल्जी अंऊ दोच़ी परमेश्वरो खिलाप लहसी तातोर, दंङ दुह भत्ते मदम गप्पो थल्जी अंऊ दोच़ी दोऊ खिलाप कुहषी तातोर।”

यहूदा 1:16

दिरे मीहरे हमेशा परमेश्वरो खिलाप कुट्रातोर दंङ ऊई मीहतु अंदरेग गलती पेट्रातोर। अंऊ दोतु सेहमे लहज़ी जुंज़ा। दोरे एनोह पाहठी घमण्डा रंङ साते दावा लहज़ातोर दंङ एनोह फायदा ओ थल्जी ऊई मीहतु चापलूसी लहज़ातोर।

यहूदा 1:4

गेह केतिंङ चेहच़ातग, छना कुचे रें मीहरे अंऊ यीशु मसीहू टोईच़ी विशवास लहज़िमी दिखावा लहज़ातोर, दोरे केहतु बिचंङ शामिल शुहचे इलोर। दोच़ी परमेश्वरो आदर माह लहज़ातोर दंङ दोच़ी गलत शिक्षा रंड्रातोर कि परमेश्वर एनोह मोह्ड़े दाह ओ दोरच़ी हेंदु पाप माफ लेह च़रच़ा, झांह लेह हेनर मदम जीवन श्रींङमातंई। दोच़ी यीशु मसीह बि ग्रहण माह लहज़ातोर, अंऊ हेंदु इच्च़ा मालिक ए हेंदु प्रभु तोह। महस तुहई, पवित्रशास्त्रे कुट्रा, “कि परमेश्वर झांह ठ्रोह मीहतिंङ सज़ा रमतो।”

यहूदा 1:7

दि इस्राएली मीहरे ए स्वर्गदूता ठ्रोह, दुह मीहतंङ ला हिद तंही अंऊ सदोम ए अमोरा शहरो ए दोतु कछंङ इलाकंङ बंङज़ातेर कि दोतंङ साते छि शुहते। दोरे मीहरे कुकम लहज़ाड़ शुहचे इलिर दंङ हर पाहठी ऊ कुकम दोतु अंदरेग अच़ा अति। झांह लेह परमेश्वरे दोतिंङ मेहू दोरच़ी नाश लेह च़रति। दोतंङ साते छि शुई दुह हप्सी शिक्षा रंड्रा दोतु थल्जी इच्च़ा चेतावनी बणेंके इलि कि दोतिंङ ला अनंत मेहरिंङ सज़ा रमोर।