2 पतरस 2:20 - लाहौली बाइबिल

²⁰ मीहरे संसारो बुराई दोरच़ी हुंच़ा इलिर अपेहल दोच़ी यीशु मसीह बि एनोह प्रभु ए उद्धारकर्ता ओ रूपा रिंङ ग्रहण लहरिर। पर हेंतेग यह्च़ा इच्च़ा फेरा बुराई रिंङ शुरू शुहचे इलजी तोतोर दंङ मदम कम दोतिंङ एनोह हिसाबे लेह चरच़तो, झांह लेह हेंतेग मसीह बि अस्वीकार लहज़िमी थल दोतु अंतिम दशा दोतु विशवासी शुहबी रंङ साते बे तुहई कि दशा बेहच़ी खराब शुहचे इलि।

2 पतरस 2:20 Iomraidhean Croise

फिलिपियों 3:19

दोतु अनंत विनाशो तोह, दोतु फुको हिटी ए दोतु भगवान शुह, दोरे षेह्पिमी कम लहज़ा घमण्ड लहज़ातोरे, दंङ दोरे हमेशा धरतीऊ चीज़ो पाहठी सोचेक्च़ातोर।

2 तीमुथियुस 2:4

इच्च़ा सेनिक अंऊ सेना रिंङ शवात, दुह एनोह कम ओ छोड़ेके ऊई छल्ले कम माह लहज़ा, छना कुचे दुह एनोह अधिकारी बि खुश लहज़ी जुंज़ा।

याकूब 1:27

हेंदु बाह परमेश्वरो कछंङ रूठे ए निर्मल भक्ति दि तोह, कि याह मेह बाह मेह ए रंणीतु झगड़ारिंङ दोतु सुधि लेहप्तुंई, दंङ केनातिंङ संसारो दोरच़ी निष्कलंक तंही।

2 पतरस 1:11

पर परमेश्वर केहतु दुह राज्य रिंङ रूठे रंङ स्वागत लोहतो अंऊर यीशु मसीह तोह, अंऊ हेंदु प्रभु ए हेंदु उद्धारकर्ता तोह, अंऊ हमेशा ओ थल्जी रज्ज़ा ओ रूपा रिंङ राज लोहतो।

2 पतरस 1:2

गेह प्रार्थना लहज़ातग कि परमेश्वर केतिंङ महसे बे महसे मोह्ड़े दाह ए शांति रम्मा लोहतो छना-छना केरे परमेश्वर ए हेंदु प्रभु यीशु ज्ञानारिंङ तुंखा शवातंई।

2 पतरस 1:3

परमेश्वरे एनोह सामर्थो दोरच़ी हेंदिंङ दुह भत्ते रांहषी ततो अंऊ हेंदिंङ जीवन श्रींङमिमी थल्जी जूंशी तोह, अंऊ परमेश्वरा बि खुश लहज़ा। दि जूंशी तोह छना कुचे हेनर परमेश्वरा बि ञेंहच़ातंई दंङ दि दुह ए शुह अच़ि हेंदिंङ एनोह महिमा ए रूठे ओ वहज़ा ज़ि बुलासी शुह।

2 पतरस 1:4

दि भत्ते धिरो दोरच़ी परमेश्वरे हेंदिंङ महसे महान ए अनमोल वरदान रांहषी ततो अतु दोई वाईदा लहसी तते। ताकि दि वरदाना तु इस्तेमाल लहज़ी हेनर संसारो दुह मदम हिटी ओ दोरच़ी बचेके तरपोंई अंऊ मीहतिंङ नाश लहज़ा, दंङ परमेश्वरो व्यवहार सहभागी शुहचे योंई।

2 पतरस 1:8

अगर दि भत्ते गप्पारे केहतु अंदरेग तोह, दंङ दि केतिंङ हेंदु प्रभु यीशु मसीहू ज्ञानो थल्जी महस जूंशी ए फलदायी शुहबिमी थल्जी मदत लोहतो।

2 पतरस 2:18

अपेहल दोरे मीहतिंङ धोखा रंड्रातोर, दंङ दोरे शुह्के ए घमण्डो शब्दा तु इस्तेमाल लहज़ातोर। दोच़ी मीहतिंङ कंड्रातोर कि दोच़ी दुह षेह्द अपिमी जोगे कम लेह तरच़ातोर अंऊ दोतु फुक लेह जुंज़ा दंङ दोरे दुह मीहतिंङ यह्च़ा पाप लहज़िमी थल्जी भरमाके केट्रातोर, अंऊ हेंतेग-हेंतेग झांह ठ्रोह मदम कमो दोरच़ी बचेके हुंच़ा तोतोर।

2 पतरस 3:18

पर केतिंङ हेंदु प्रभु ए उद्धारकर्ता यीशु मसीहू मोह्ड़े दाह बि ऊई महसे बे महसे महसूस लेह जूंशी तोह, दंङ दोऊ थल्जी हेंदु समझा रिंङ बढ़ेक्पि जूंशी तोह। दोऊ महिमा हेंतेग हमेशा थल्जी शुहबी जूंस। अमीन।