2 पतरस 2:2 - लाहौली बाइबिल

² परमेश्वरो महसे मीहरे दि उपदेशका तु मदम कमो नकल लोहर, दंङ छिल्ला दोच़ी लहज़ातोर दोऊ वहज़ा ज़ि मीहरे सच्चाई अमो पाहठी मदम-मदम गप्पा लोहर।

2 पतरस 2:2 Iomraidhean Croise

मत्ती 22:16

दंङ दोच़ी एनातु चेलारि हेरोदेसा रंङ साते यीशु कछंङ दिह कुट्री चेहच़ातोर, “हे गुरु, ञेंहच़ी ञेंच़ातंई, कि केई सच्चे शुनाह दंङ परमेश्वर ओ अमो पाहठी सच्चाई रंङ साते कंड्रातन दंङ अतुला केई परवाह माह लोहतन, छना कुचे केई मीहतु मोद कंड्राते गप्पा माह लहज़ातन।

मत्ती 24:24

छना कुचे ता हप्साड़ भबिष्यद्वाक्ता ए हप्साड़ मसीह खड़े शुहचे योतो, दंङ मोह्ड़े निशानी ए अद्धभुत कम कमोर अगर शुहचे इलि साते ता अंङषी दुरेह ला बहकाएकि च़रपोर।

मत्ती 7:14

छना कुचे संगड़े तोह दुह पितंङ, खरे तोह दुह अम अच़ि अनंत जीवनो हखा रेंज़ा शिल्ज़ी, दंङ थोडे़ मीहरे तोतोर अच़ि दुह खोक्पोर।

मरकुसो 12:14

दोच़ी दोऊ कछंङ अंज़े दोहरंङ साते कुतोह, “हे गुरु, ञेंहच़ी ञेंच़ातंई, कि केई सच्चे शुनाह, दंङ अतु ला केई परवाह माह लोहतन कि मीहच़ी का थल्जी छि कुट्रातोर। छना कुंई साते ता केई मीहतु मोह्द खांई गप्पा माह लहज़ातन, दंङ केई परमेश्वरो अमो पाहठी रुठे उपदेश रंड्रातन। छी ञेंतिंङ रोम देश ओ महाराजा बि कर रंड्री हेंदु कानूनो हिसाबे रुठे शुहतर आ मश्‌त?

मरकुसो 13:22

छना कुचे ता हप्साड़ भबिष्यद्वाक्ता ए हप्साड़ मसीह खड़े शुहचे योतो, दंङ निशानी ए अद्धभुत कम कमोर अगर शुहचे इलि साते ता अंङषी दुरेह ला बहकाएकि च़रपोर।

यहून्नो 14:6

यीशु ज़ि दोरंङ साते कुंई, “अम, सच्चाई दंङ अनंत जीवन गेह ए शुगाह; गेह मेह अरीला पिता परमेश्वरो कछंङ पिचे मरपोतो।

प्रेरित 13:10

“हे कपटी ए भत्ते चलाकी रंङ साते बिंङे शेतानो कपूता, भत्ते धर्मिकता ओ बेरी, छि केई प्रभु ऊ सीधा अम ढेहरे लेह ब्याड़ा माह लोहन आ?

प्रेरित 14:2

पर विशवास माह लहज़ा यहुदी मीहज़ी ऊईजाति ऊ मीहतु सेहम बिशवासी तु खिलाप भड़काएतिर, दंङ कड़वाहट पैदा लेह च़रति।

प्रेरित 16:17

दुह पोलुस ए ञेंहतु थल्जी अंज़े हाऊष रंड्री लेहती, “दिह मीह परमप्रधान परमेश्वरो दास शुह, अंऊ केतिंङ उद्धारो अमो पाहठी कंड्रा।”

प्रेरित 18:26

दुह यहुदी सभो घरबारंङ निडर शुहचे कुट्री लेहती, पर प्रिस्किल्ला ए अक्किला ज़ि दोऊ गप्पा रेड्रीते, अपुल्लोसा बि एनोह चुंङ लेन्ज़ा शिली दंङ परमेश्वरो अमो गप्पा दोबि रूठे रंङ कंड्री लेहती।

प्रेरित 19:9

पर अपेहल रेह मीहज़ी ज़िद्दी शुहचे विशवास लहज़िमी रंङ साते इंकार लेह च़रतिर दंङ मीहतु तुईज़ी यीशु पाहठी रांहषी शिक्षा ओ थल्जी मदम कुट्री लेहतिर, दंङ दोच़ी यीशु पाहठी रांहषी शिक्षा ओ थल्जी दोई दोतिंङ केट्रा चेला तिंङ शत्‌ह लेह च़रति, दंङ रोज तुरनुसो स्कुलंङ शिक्षा रंड्री लेहती।

प्रेरित 22:4

गेह गंङमी ए मेच़िमी तिंङ छ़ुहचे, दंङ जेला रिंङ केहच़ी, मसीह दलाबि देर तचेक तंग लहरिगा, कि दोतिंङ सच़ी लेह केईगा।

प्रेरित 24:14

पर गेह केहतु तुईज़ी दि गप्पा मनेक्च़ातेग, कि गेह मसीहू शिक्षा ओ हिसाबे घेंङौ बाह-मेमेतु परमेश्वरो सेवा लहज़ातग, अंऊ यहुदी अगुवा तु हिसाबे सही माह। दंङ अंऊ गप्पारे कानून ए भविष्यवक्तातु कताबंङ च़ेहसी तोह, गेह दू भत्ते तु टोईच़ी विशवास लहज़ातग।

रोमियो 2:24

दंङ छना पवित्रशास्त्रारिंङ च़ेहसी तोह, “केरे यहुदी मीहतु वहज़ाज़ि, ऊईजाति ऊ मीहरे परमेश्वरो बुराई लहज़ातोर।”

1 तीमुथियुस 5:14

झांह लेह गेह दि सलाह रंड्री जुंज़ातोग कि जवान रंणी ब्याह लेह च़रतु, दंङ कटुरे पैदा लेह घरबार सोटेक्तु, दंङ ऊई अरिया विरोधी बि बदनाम लहच़िमी मोका थारांई।

तीतुस 2:5

जवान मेच़िमी तिंङ एनोह टोहकठे काबू लहज़ी जूंशी तोह, दंङ एनोह गगसो थल्जी वफादार शुहबी जूंस, दंङ एनोह चुंङ देखभाल लहज़ा शुहबी जूंस, दंङ ऊईतु थल्जी दयावन्त शुहबी जूंस, एनातु-एनातु गगसो गप्पा मनेक्च़ा शुहबी जूंस, ताकि अरिला परमेश्वरो रूठे बचनो पाहठी मदम कुट्री मेस।

तीतुस 2:8

कांह शिक्षा हमेशा सच्चाई ओ शुहबी जूंस, अतु अच़िया बुराई लेह माह जूंस, ताकि दोरे अंऊ यीशु मसीहू वहज़ा ज़ि कांह विरोध लहज़ातोर, शर्मिन्दा शोर। छना कुचे दोरे हेंदु पाहठी छल्ले मदम कुट्री मरपोर।

1 पतरस 2:12

ऊई जातिऊ मीहतु बिचंङ केहतु व्यवहार रूठे शुहबी जूंस। छना कुचे एंतेग अच़ि केतिंङ मदम कम लहज़ा कुट्रा मीहरे कुचे दोष लगाएपोर, दोरे मीहरे अपेहल परमेश्वर अपतो दुह ध्याड़ा केहतु रूठे कम खंड्रा परमेश्वरो महिमा लोहर।

2 पतरस 2:12

पर दिरे शिक्षक घ्वांणातु ठ्रोह कम लहज़ातोर, अंऊ छना लहज़ातोर छना दोतु फुके जुंज़ा दंङ अंऊ दिऊ थल्जी ज़ेहक्पातोर ताकि मीहरे दोतिंङ फसाके सच़ी तरपोर। दि शिक्षक दुह चीज़ा तु अपमान लहज़ातोर अतु पाहठी दोच़ी हेले रिंङ छल्ले माह ञेंहच़ातोर। परमेश्वर दोतिंङ ध्वांए नाश लेह च़रपोतो छना मीहरे जानवरा तिंङ सचे चरच़ातोर।

2 पतरस 2:15

दोच़ी रूठे कम लेह बन्द लहज़ी केहषी तोह, दंङ दोच़ी ध्वांए ठ्रोह कम लहज़ी शुरू लेह केहषी तोह, अंऊ कि बओरो ओ योह बिलामे महसे तुहई लहसी तहरे। दोई गलत कम लहज़ी ढबाह कमाएच़िमी पसन्द लहरी।

2 पतरस 2:18

अपेहल दोरे मीहतिंङ धोखा रंड्रातोर, दंङ दोरे शुह्के ए घमण्डो शब्दा तु इस्तेमाल लहज़ातोर। दोच़ी मीहतिंङ कंड्रातोर कि दोच़ी दुह षेह्द अपिमी जोगे कम लेह तरच़ातोर अंऊ दोतु फुक लेह जुंज़ा दंङ दोरे दुह मीहतिंङ यह्च़ा पाप लहज़िमी थल्जी भरमाके केट्रातोर, अंऊ हेंतेग-हेंतेग झांह ठ्रोह मदम कमो दोरच़ी बचेके हुंच़ा तोतोर।

2 पतरस 2:21

गिऊ मतलब दि तोह, कि परमेश्वर दुह मीहतिंङ महसे सज़ा रमतो अंऊ मसीहू अम बि छोड़ेके चरच़ातोर बजाए दोतु अंऊ दोच़ी दोबि अपेहला ग्रहण ए माह लहरिर। दोतु थल्जी दि ठीक शुचंङ दोच़ी अपेहला दि ञेंए माह कि एनोह जीवना बि धर्मी तरीका रंङ श्रींङमी थल्जी छि लोहर। एंतेग दोच़ी ञेंहच़ातोर कि सही छि तोह पर दोच़ी परमेश्वरो दुह हुकुम मनेक्च़िमी रंङ साते इंकार लाहतोर अंऊ हेनर, प्रेरिता ज़ि दोतिंङ सिखाएकातेंई।

2 पतरस 2:7

पर सदोम ओ विनाश लहज़िमी बे तुहई, परमेश्वरे लूता बि अंऊ इच्च़ा धर्मी मीह तोहई, शहरो दोरच़ी हुंच़ी च़रति दंङ झांह ठ्रोह दोबि बचाके च़रति। लूत महस परेशान तोहई छना कुचे सदोमो मीहरे अंऊ ला कानूनो भाषे माह लहज़ातेर दंङ षेह्द अपिमी जोगे कम लहज़ातेर।

यहूदा 1:10

पर दि मीहरे दुह गप्पातु खिलाप कुट्रातोर, अंऊ दोतिंङ दोरे माह समझेक्च़ातोर, दंङ अंऊ गप्पारे दोच़ी समझेक्च़ातोर। दंङ दुह गप्पा तिंङ मुर्खा तु लहज़ातोर, दंङ दि पापो कम लहज़िमी दोरच़ी दोरे एनाबि नाश लेह चरच़ातोर।

यहूदा 1:15

भत्ते मीहतु न्याय लहज़िमी थल्जी, दुह भत्ते मदम कमो थल्जी दोतु टोईच़ी दोष लगाएच़िमी थल्जी अंऊ दोच़ी परमेश्वरो खिलाप लहसी तातोर, दंङ दुह भत्ते मदम गप्पो थल्जी अंऊ दोच़ी दोऊ खिलाप कुहषी तातोर।”

यहूदा 1:4

गेह केतिंङ चेहच़ातग, छना कुचे रें मीहरे अंऊ यीशु मसीहू टोईच़ी विशवास लहज़िमी दिखावा लहज़ातोर, दोरे केहतु बिचंङ शामिल शुहचे इलोर। दोच़ी परमेश्वरो आदर माह लहज़ातोर दंङ दोच़ी गलत शिक्षा रंड्रातोर कि परमेश्वर एनोह मोह्ड़े दाह ओ दोरच़ी हेंदु पाप माफ लेह च़रच़ा, झांह लेह हेनर मदम जीवन श्रींङमातंई। दोच़ी यीशु मसीह बि ग्रहण माह लहज़ातोर, अंऊ हेंदु इच्च़ा मालिक ए हेंदु प्रभु तोह। महस तुहई, पवित्रशास्त्रे कुट्रा, “कि परमेश्वर झांह ठ्रोह मीहतिंङ सज़ा रमतो।”

यहूदा 1:7

दि इस्राएली मीहरे ए स्वर्गदूता ठ्रोह, दुह मीहतंङ ला हिद तंही अंऊ सदोम ए अमोरा शहरो ए दोतु कछंङ इलाकंङ बंङज़ातेर कि दोतंङ साते छि शुहते। दोरे मीहरे कुकम लहज़ाड़ शुहचे इलिर दंङ हर पाहठी ऊ कुकम दोतु अंदरेग अच़ा अति। झांह लेह परमेश्वरे दोतिंङ मेहू दोरच़ी नाश लेह च़रति। दोतंङ साते छि शुई दुह हप्सी शिक्षा रंड्रा दोतु थल्जी इच्च़ा चेतावनी बणेंके इलि कि दोतिंङ ला अनंत मेहरिंङ सज़ा रमोर।

प्रकाशित वाक्य 12:9

दिऊ थल्जी दोबि ए दोऊ साथी तिंङ धरती रिंङ छंङी च़रति। दि मोह्ड़े अजगर दुह ए तोह अंऊ महसे टेम तुहई ओमड्रो रूपारिंङ तंङातेंई, अतिंङ शेतान ए दोष लगाएच़ा ला कुट्रातोर। दि दुह ए तोह अंऊ दि संसारो मीहतिंङ धोखा रंड्रा।

प्रकाशित वाक्य 13:14

महस मीहरे अई घ्वंणो दुह अद्धभुत कमो दोरच़ी महस खुश शुहचे धोखा खोकसिरी अंऊ दुह तुहई घ्वंणो शाक्ति ओ दोरच़ी तंङफाते। अई घ्वंणो दोरच़ी मीहतु हखा कुई कि दुह मुण्डो घ्वंणो पूजा लहज़िमी थल्जी इच्च़ा मुर्ति बणाएतुंई, अंऊ हथियार रें घायल शुहचे इलजी तोहई, दंङ यह्च़ा ठीक शुहचे इलजी तोह।

प्रकाशित वाक्य 13:8

धरतीऊ टोईच़ी बंङज़ा भत्ते मीहरे दोऊ पूजा लहज़ी लेहतिर। सिर्फ दुह ए मीहच़ी दोऊ पूजा माह लहरिर अतु मिन संसारो रचना लहज़ी बे तुहई जीवनो कताबारिंङ च़ेहसी तोह। दि जीवनो कताब दुह कुरच़ो कताब शुह अंऊ दोबि बलिदानो रूपारिंङ सच़ी च़रतिर।