2 पतरस 2:18 - लाहौली बाइबिल

¹⁸ अपेहल दोरे मीहतिंङ धोखा रंड्रातोर, दंङ दोरे शुह्के ए घमण्डो शब्दा तु इस्तेमाल लहज़ातोर। दोच़ी मीहतिंङ कंड्रातोर कि दोच़ी दुह षेह्द अपिमी जोगे कम लेह तरच़ातोर अंऊ दोतु फुक लेह जुंज़ा दंङ दोरे दुह मीहतिंङ यह्च़ा पाप लहज़िमी थल्जी भरमाके केट्रातोर, अंऊ हेंतेग-हेंतेग झांह ठ्रोह मदम कमो दोरच़ी बचेके हुंच़ा तोतोर।

2 पतरस 2:18 Iomraidhean Croise

प्रेरित 2:40

पतरसे ऊई ला महसे गप्पा तंङ साते घड़ी-घड़ी खबरदार लहरी, “परमेश्वरा रंङ साते विनती लंहि ताकि दोई केतिंङ बचाएपोतो दंङ सज़ा रंड्री माह जूंस अपेहल दुह दि मांजी मीहतिंङ सज़ा रमतो अंऊ दोच़ी यीशु बि ठुकराएतिर!”

प्रेरित 8:9

दुह इलाकंङ इच्च़ा गंङमी तोहई अतु मिन शमौन तोहई अंऊ महस साल बे टंणा-मंणा लेह मीहतिंङ हेरान लहज़ाते दंङ एनाबि इच्च़ा मोह्ड़े गंङमी कंड्राते।

रोमियो 13:13

अतंई हेनर हेंदु स्वाभाव ठीक लहज़िमी कोशिश लोहनि, दू मीहतु ठ्रोह अंऊ छंङीरिंङ बंङज़ातोर दंङ हंञारारिंङ माह हेनर मांजी कम ए नशाबाज़ी, कुकम ए भोगविलास, झगड़ा ए जलनो दोरच़ी शत्‌ह बंङज़ोंई।

इफिसियों 4:17

झांह लेह दू अधिकार रंङ साते अंऊ प्रभु ज़ि गिह्बी रांहषी तोह, गेह केतिंङ दि कुट्रातग कि केरे अविशवासी मीहतु ठ्रोह बेकार विचारा रंङ साते केनातु जीवन बरबाद था लंहि।

2 थिस्सलुनीकियों 2:4

दुह परमेश्वरो ए दुह भत्ते हप्सी भगवानो ए ऊई ला महस चीज़ा तु विरोध लोहतो अंऊ दोतु मीहच़ी अराधना लहज़ातोर, दंङ दोई एनाबि दुह भत्ते तिंङ बे मोह्ड़े शोतो। देर तचेक कि दुह मदम मीह एनाबि परमेश्वरो मंदिरंङ बंङज़ा एनाबि परमेश्वर शुहबिमी दावा लोहतो।

याकूब 5:5

दंङ केरे धरतीऊ टोहकठे भोग-विलासरिंङ लेहकी बंङज़ुंई दंङ मोह्ड़े सुख भोगेकतंई; केरे सिर्फ केनातु ऐश-आरामो थल्जी श्रींङमातंई, दंङ झांह लेह, केहच़ी केनाज़ि परमेश्वरो दोरच़ी रंड्रा भयानक सज़ाओ थल्जी तेयार लेह चरच़ातंई।

2 पतरस 1:4

दि भत्ते धिरो दोरच़ी परमेश्वरे हेंदिंङ महसे महान ए अनमोल वरदान रांहषी ततो अतु दोई वाईदा लहसी तते। ताकि दि वरदाना तु इस्तेमाल लहज़ी हेनर संसारो दुह मदम हिटी ओ दोरच़ी बचेके तरपोंई अंऊ मीहतिंङ नाश लहज़ा, दंङ परमेश्वरो व्यवहार सहभागी शुहचे योंई।

2 पतरस 2:14

दोरे हर इच्च़ा मेच़िमी रंङ साते कुकम लेह जुंज़ातोर, अतिंङ दोच़ी खंड्रातोर। दोरे पाप लहज़िमी मुक्का अपेहल ला माह छोड़ेक्च़ातोर। दोरे दुह मीहतिंङ धोखा रंड्रातोर अंऊ मसीहू टोईच़ी पक्‍का रंङ विशवास माह लहज़ातोर, दंङ दोरे दोतिंङ पापो हखा रैंज़ा शिलज़ातोर। दोतु महस बे महस चीज़ारे खोकच़िमी थल्जी हमेशा बढेक्च़ा लालचो वहज़ा ज़ि परमेश्वर दोतिंङ सज़ा रमतो।

2 पतरस 2:2

परमेश्वरो महसे मीहरे दि उपदेशका तु मदम कमो नकल लोहर, दंङ छिल्ला दोच़ी लहज़ातोर दोऊ वहज़ा ज़ि मीहरे सच्चाई अमो पाहठी मदम-मदम गप्पा लोहर।

2 पतरस 2:20

मीहरे संसारो बुराई दोरच़ी हुंच़ा इलिर अपेहल दोच़ी यीशु मसीह बि एनोह प्रभु ए उद्धारकर्ता ओ रूपा रिंङ ग्रहण लहरिर। पर हेंतेग यह्च़ा इच्च़ा फेरा बुराई रिंङ शुरू शुहचे इलजी तोतोर दंङ मदम कम दोतिंङ एनोह हिसाबे लेह चरच़तो, झांह लेह हेंतेग मसीह बि अस्वीकार लहज़िमी थल दोतु अंतिम दशा दोतु विशवासी शुहबी रंङ साते बे तुहई कि दशा बेहच़ी खराब शुहचे इलि।

2 पतरस 2:7

पर सदोम ओ विनाश लहज़िमी बे तुहई, परमेश्वरे लूता बि अंऊ इच्च़ा धर्मी मीह तोहई, शहरो दोरच़ी हुंच़ी च़रति दंङ झांह ठ्रोह दोबि बचाके च़रति। लूत महस परेशान तोहई छना कुचे सदोमो मीहरे अंऊ ला कानूनो भाषे माह लहज़ातेर दंङ षेह्द अपिमी जोगे कम लहज़ातेर।

2 पतरस 3:17

झांह लेह हे गिऊ प्यारे साथी विशवासी रे, केहच़ी तुहई बेहच़ी ञेंच़ातंई कि दि गप्पारे शोर। झांह लेह, खबरदार बंङज़ुंई ताकि अंऊ मीहरे नियम माह मनेक्च़ातेर दोरे केतंङ साते हप्सी कुचे केतिंङ भटकागी च़रपोर दंङ केरे हेले गप्पा रिंङ विशवास लेह बन्द लेह च़रपोंई अंऊ दोऊ टोईच़ी केहच़ी इच्च़ा टेम पक्‍का रंङ विशवास लहज़ातंई।

यहूदा 1:13

छना समुंद्रो प्रचंड छ्वली झखंजी षुफ हुंच़ा, ध्वांए दिरे मीहरे षेह्द अपिमी जोगे कम लहज़ातोर। दोरे रेह करज़े तु ठ्रोह तोतोर अंऊ इच्च़ा ए अमरिंङ माह जोज़ातोर, दोच़ी ठीक अम माह खंड्रातोर। प्रभु दोतु थल्जी इच्च़ा ठहरि केट्रा अंऊ पूरे ठ्रोह हंयार तोह अंऊर दोतिंङ हमेशा ओ थल्जी बंङज़ी लेह्पोतो।

प्रकाशित वाक्य 13:11

दंङ गेह यह्च़ा अई इच्च़ा घ्वंण बि धरतीऊ दोरच़ी हुंज़ी खंईगा, दोऊ झुह्ट डे तोईरे छना कुरच़ो शवाहतोर। पर अपेहल दोई कुट्री लेहती दंङ दि अजगरो ठ्रोह कुट्री लेहती।