2 पतरस 2:15 - लाहौली बाइबिल

¹⁵ दोच़ी रूठे कम लेह बन्द लहज़ी केहषी तोह, दंङ दोच़ी ध्वांए ठ्रोह कम लहज़ी शुरू लेह केहषी तोह, अंऊ कि बओरो ओ योह बिलामे महसे तुहई लहसी तहरे। दोई गलत कम लहज़ी ढबाह कमाएच़िमी पसन्द लहरी।

2 पतरस 2:15 Iomraidhean Croise

मत्ती 26:9

दिह ता महस लसा रंङ लंङज़ा गरीबातिंङ रेह च़रतिगा।”

प्रेरित 1:18

छना कि केहच़ी ञेंहच़ातंई कि यहूदा रंङ साते छि शुह्ते। दोई यीशु बि च़ुमज़िमी थल्जी अंऊ धोखा ओ ढबाह यहुदी अगुवा तिंङ वापिस लहरी। दंङ दोई एनाबि फांसी लगाके च़रति दंङ पुन्ज़ो भारे धरतीऊ टोईच़ी दह्चे इलि दंङ दोऊ खोक ग्वाशे इलि, दंङ दोऊ भत्ते च़िरी हुंच़ा इलि। दोहथल यहुदी अगुवा ज़ि दुह धोखा ओ ढबाह इस्तेमाल लहरिर दंङ इच्च़ा रीह च़ुमरिर।

प्रेरित 13:10

“हे कपटी ए भत्ते चलाकी रंङ साते बिंङे शेतानो कपूता, भत्ते धर्मिकता ओ बेरी, छि केई प्रभु ऊ सीधा अम ढेहरे लेह ब्याड़ा माह लोहन आ?

2 पतरस 2:13

दोतु विनाश दुह नुकसानो प्रतिफल शुह अंऊ दोच़ी लहसी शुह। दोरे दिन दोहपर भोग-विलास रिंङ बंङज़ी रूठे चेहच़ातोर। दोरे केहतु बिचंङ इच्च़ा कलंक ए दाग तोतोर। धोखा रंड्री रंङ खुशी मनेक्च़ातेर, अपेहल कि दोरे केतंङ साते ज़ोवा-तुंङमातोर।

यहूदा 1:11

दोतु टोईच़ी हाय! कि दोच़ी आदमो योह कैनो ठ्रोह मदम व्यवहार लहरिर, अच़ि एनोह न्वा सचे च़रति। दोच़ी जल्दबाज़ी रिंङ दुह ए गलती लहरिर अंऊ बिलामे ऊई मीहतिंङ पापो हखा शिल्ज़िमी मुक्का लहरी ताकि ढबाह खोक्शे तरपोतो। छना मूसा ओ खिलाप विरोध लहज़ा कोहर वंशो नाश शुहचे इलि, ध्वांए ठ्रोह दिरे मीहरे ला नाश शुहचे योर छना कुचे दोरे ला प्रभु खिलाप विद्रोह लहज़ातोर।

प्रकाशित वाक्य 2:14

पर गिह्बी कनु पाहठी छा शिकायत तोह: छना कुचे केई दुह मीहतु विरोध माह लहज़ातन अंऊ कांह कलीसिया रिंङ हप्सी शिक्षा रंड्रातोर, छना ठ्रोह भविष्यवक्ता बिलामे तुहई कि टेमा रिंङ रंदे। बिलामे रज्ज़ा बालाका बि सिखाएक्तो कि इस्राएलो मीहतिंङ पाप लहज़िमी थल्जी उकसाएच़िमी थल्जी छि लहज़ी जूंशी तोह। दोई दोतिंङ मुर्ति बि चढ़ाएसी बलि ज़ेई ए बुराई रंङ साते श्रींङमी कंङातो।