2 पतरस 2:10 - लाहौली बाइबिल

¹⁰ परमेश्वर दुह हप्सी उपदेश का तिंङ पक्‍का सज़ा रमतो अंऊ एनोह मदम हिटी ओ दोरच़ी कम लहज़ातोर दंङ अंऊ एनोह टोईच़ी परमेश्वरो अधिकार बि इन्कार लहज़ातोर, दोरे ढीठ ए घमण्डी तोतोर। दोरे महिमामय स्वर्गीय जीवा तु पाहठी बुराई लहज़िमी रंङ साते माह बेवातोर।

2 पतरस 2:10 Iomraidhean Croise

लूको 11:25

दंङ यह्चीरंङ साते दोई दुह मीहू जीवन सल्ज़े, साफ सुथरा ए सजासी कमराओ ठ्रोह खोकसा।

लूको 19:14

“पर दुह साहुकारो इलाका ओ मीहरेर दोरंङ साते दुश्मनी तहच़ातेर, दंङ दोच़ी एनातु थोड़े अरे उजाब लहज़ातिंङ दुह साहुकारो थले चरच़ातेर कि ञेंहच़ी माहजुंज़ातंई कि दोई ञेंहतु टोईच़ी राज लोहतो।”

प्रेरित 23:5

पोलुसे कुई, हे न्वारे, गिह्बी पता माह तोहई कि दि यहुदी महापुरोहित शुह; छना कुचे पवित्र शास्त्रा रिंङ च़ेहसी तोह, केनातु मीहतु प्रधाना बि मदम था कुंई।

रोमियो 8:1

झांह लेह, एंतेग अंऊ यीशु मसीह रिंङ तोतोर, दोतु टोईच़ी सज़ाओ हुकुम माह। (छना कुचे दोरे फुको हिसाबे माह पर आत्माओ हिसाबे जोज़ातोर।)

1 कुरिन्थियों 6:9

केतिंङ पता तोह कि, अन्याय लहज़ा मीहरे बाह परमेश्वरो राजो वारिस माह शोर; अरिया धोखारिंङ केतिंङ दि सोचेकच़ी मज़बूर लहज़ी माह जूंस कि केरे मदम कम लेह तरपोंई तांला बाह परमेश्वरो मीहतु बिचंङ ज़ि इच्च़ा बणेंके बंङज़ुंई, धोखा रिंङ था बंङज़ुंई, छना कुचे माह कुकम लहज़ा, माह मुर्तिओ पूजा, माह ऊईतु मेच़िमी ऊ लालच, माह लुचपन, माह गंङमी-गंङमी रंङ साते कुकम लंहि।

2 कुरिन्थियों 10:3

छना कुचे अगर हेनर दि संसारारिंङ बंङज़ातंई, तांला हेनर हेंदु बैरी तंङ ध्वांए ठ्रोह तेंङज़ातंई माह छना दि संसारो मीहरे तेंङज़ातोर।

इफिसियों 4:19

दोरे हेंतेग मदम कम लहज़िमी थल्जी एनाबि दोषी माह चेहच़ातोर, झांह लेह दोच़ी एनाबि मदम कम लहज़िमी थल्जी रें च़रतिर। दोरे लगातार भत्ते पाहठी मदम कम लहज़ातोर, दंङ दोरे दुह भत्ते चीज़ा तु लालच लहज़ी अपेहल ला बंद माह लहज़ातोर।

इफिसियों 5:5

छना कुचे केहच़ी दि रूठे रंङ ञेंच़ातोंई कि अरिला कुकम लहज़ा, मदम कम लहज़ा, या लालची मीह, अंऊ मुर्ति पूजाऊ बराबर तोह, झांह ठ्रोह कम लहज़ा मीहरे अपेहल ला मसीह ए परमेश्वरो राजो हिस्सा माह बणेक्पोर।

कुलुस्सियों 3:5

झांह लेह केरे दुह मांजी कम लहच़ी बंद लेह केहनि अंऊ केहतु पापी स्वाभावारिंङ जुड़ेके तोह। छना कि कुकम, अशुद्धता, मांजी सेहम, मदम लालच लोभ अंऊ मुर्ति पूजा लहसी बराबर तोह।

1 थिस्सलुनीकियों 4:7

छना कुचे परमेश्वरे हेन्दिंङ अशुद्ध शुहबिमी थल्जी मशत, पर पवित्र ज़िंदगी श्रींङमी थल्जी बुलासी शुई।

2 तीमुथियुस 3:2

छना कुचे रें मतलबी, शेखीमार, घमण्डी, ऊईतु निन्दा लहज़ा, याह बाह ओ गप्पा माह मनेक्च़ा, धन्यवाद माह लहज़ा ए अपवित्र,

तीतुस 1:7

छना कुचे कलीसिया ओ मुख्या बि परमेश्वरो खज़ान्च़ीज़ि शुहबीरंङ साते बेकसूर शुहबी जूंस; माह ज़िद्दी, माह रोहष, माह पियक्कड़, माह मारपीठ लहज़ा, माह ढबाहो लालची शुहबी जूंस।

इब्रानियों 13:4

ब्याह भत्ते मीहच़ी आदरो गप्पा समझेक्सी जूंस, दंङ दि नातारिंङ मेच़ा-गगसा इदि-अई दिऊ थल्जी वफादार शुहबी जूंस। छना कुचे परमेश्वर, कुकम लहज़ा, ए ऊई मेच़िमी तंङ नाज़ायज़ नाता तहज़ा दोतु न्याय लोहतो।

2 पतरस 3:3

भत्ते बे तुहई खास गप्पा दिह तोह कि दंङ अन्तिम ध्याड़ा बे ठीक तुहई, रेह झांह ठ्रोह मीह तंङफोर अतु जीवन दोतु मदम हिटी ऊ वशारिंङ तोह। दोरे दोऊ कछंङ अपिमी विचारो मज़ाक लोहर।

यहूदा 1:10

पर दि मीहरे दुह गप्पातु खिलाप कुट्रातोर, अंऊ दोतिंङ दोरे माह समझेक्च़ातोर, दंङ अंऊ गप्पारे दोच़ी समझेक्च़ातोर। दंङ दुह गप्पा तिंङ मुर्खा तु लहज़ातोर, दंङ दि पापो कम लहज़िमी दोरच़ी दोरे एनाबि नाश लेह चरच़ातोर।

यहूदा 1:16

दिरे मीहरे हमेशा परमेश्वरो खिलाप कुट्रातोर दंङ ऊई मीहतु अंदरेग गलती पेट्रातोर। अंऊ दोतु सेहमे लहज़ी जुंज़ा। दोरे एनोह पाहठी घमण्डा रंङ साते दावा लहज़ातोर दंङ एनोह फायदा ओ थल्जी ऊई मीहतु चापलूसी लहज़ातोर।

यहूदा 1:18

दोच़ी केहतु हखा कुट्रातेर, कि “अन्तिम ध्याड़ारिंङ, झांह ठ्रोह मीहरे शोर अंऊ प्रभु ए दोऊ मीहतु मज़ाक उड़ाएपोर। दिरे दुह मीहरे शुरे अंऊ दोतु ज़िंदगी रिंङ दोतु मदम कमो हिटीऊ वशारिङ तोह।”

यहूदा 1:4

गेह केतिंङ चेहच़ातग, छना कुचे रें मीहरे अंऊ यीशु मसीहू टोईच़ी विशवास लहज़िमी दिखावा लहज़ातोर, दोरे केहतु बिचंङ शामिल शुहचे इलोर। दोच़ी परमेश्वरो आदर माह लहज़ातोर दंङ दोच़ी गलत शिक्षा रंड्रातोर कि परमेश्वर एनोह मोह्ड़े दाह ओ दोरच़ी हेंदु पाप माफ लेह च़रच़ा, झांह लेह हेनर मदम जीवन श्रींङमातंई। दोच़ी यीशु मसीह बि ग्रहण माह लहज़ातोर, अंऊ हेंदु इच्च़ा मालिक ए हेंदु प्रभु तोह। महस तुहई, पवित्रशास्त्रे कुट्रा, “कि परमेश्वर झांह ठ्रोह मीहतिंङ सज़ा रमतो।”