2 पतरस 1:9 - लाहौली बाइबिल

⁹ पर अतु अंदरेग दि गुण माह दुह, दू मीहू ठ्रोह तोह अतु नज़र धोंण कमज़ोर तोह कि दोई खंड्री मरच़ा, दंङ पेहषा इलजी तोह कि परमेश्वरे दोबि दोऊ पुराना पापो दोरच़ी माफ लेह चरच़तो।

2 पतरस 1:9 Iomraidhean Croise

मरकुसो 10:21

दंङ यीशुज़ि दुह मीह ऊ हखा महस दाह रंङ साते खांई दंङ दोऊ हखा कुहतो, “कनु थल्जी इच्च़ा कम तोह अंऊ कनिंङ लहच़िमी तोह छि केई तातन दोबि लंङहे च़रतु दंङ अंऊ टंगा-ढबाह तातन दुह गरीबातिंङ रें च़रतु। दंङ दोऊ थल अंज़े का गिऊ चेला बणेकतु। दंङ कनिंङ स्वर्गंङ असली धन खोकसोतो।”

लूको 18:22

दिह रेड्रीरंङ यीशुज़ि कुहतो, “कांह अंद्रेग अयता ला इच्च़ा गप्पो, कमी तोह केनोह भत्ते धिर लंङहे च़रतु दंङ अंऊ टंगा-ढबाह तातन दुह गरीबातिंङ रें च़रतु। दंङ दोऊ थल अंज़े का गिऊ चेला बणेकतु। दंङ कनिंङ स्वर्गंङ असली धन खोकसोतो।”

रोमियो 6:11

केहच़ी ला ध्यांए ञेंए च़रतेंई कि पापो वशारिंङ सिए दोतु ठ्रोह, पर परमेश्वरा बि आदर रंड्रीमी थल्जी श्रींङी तोतोंई।

गलातियों 5:13

हे गिऊ प्यारे साथी विशवासी रे, केतिंङ परमेश्वरो केतिंङ आज़ाद शुहबिमी अंङे चरच़ाते, झांह लेह केतिंङ मूसा ओ कानूनो भाषे लहज़िमी ज़रूरत माह। केनोह दि आज़ादी बि केनोह फुको हिटी पूरा लहज़िमी ज़रिया थाबणेएक्तुं, पर इदि-अई दिरंङ साते दाह लंहि दंङ इदि-अई दिऊ सेवा लंहि।

गलातियों 5:6

अगर हेनर यीशु मसीहू टोईच़ी विशवास लहज़ातंई दंङ खतना शुहबी ए खतना माह शुहबिमी छल्ले फायदा माह। पर ज़रूरी गप्पा दि तोह कि हेनर मसीहू टोहकठे विशवास लहज़ातंई दंङ परमेश्वर ए ऊई मीहतु थल्जी दाह तहच़ातंई।

इफिसियों 5:26

ताकि दोरे कलीसिया बि परमेश्वरो बचनो ति रंङ च़िए शुद्ध लेह पवित्र बणाके तरपोर।

तीतुस 2:14

यीशु मसीह हेंदु थल्जी सिए इलि ताकि हेंदिंङ भत्ते पाहठी पापो दोरच़ी आज़ाद लोहतो दंङ हेंदिंङ शुद्ध लेह तरपोतो ताकि हेनर दोऊ खास मीहरे बणेंके योंई। अंऊ रूठे कम लहज़िमी थल्जी भत्ते तरफे समर्पित शोतो

इब्रानियों 9:14

दंङ सोचेक्तुंई कि मसीहू शुहई हेंदु सेहमा बि दू कमो दोरच़ी अंयों शुद्ध लोहतो अंऊ मौतो हखा शिलज़ातोर, ताकि हेनर श्रींङे परमेश्वरो सेवा लोहनि। छना कुचे अनंत आत्माओ सामर्थो दोरच़ी, मसीह ज़ि हेंदु पापो थल्जी एनाबि बलिदान लेह परमेश्वर बि भेंटो रूपारिंङ रें च़रति।

1 पतरस 3:21

तुहई कि टेमारिंङ दोतु उद्धार हेंतेग हेंदु उद्धारो इच्च़ा उदाहरण तोह अपेहल हेनर बपतिस्मा लेहपच़ातंई, दोई हेंदु फुको दोरच़ी क्रि शत्‌ह माह लहज़ा, पर दि इच्च़ा चिन्ह शुह कि हेंज़ी परमेश्वरो दोरच़ी माफी पेट्रातंई ताकि तुंखा हेंदु सेहम परेशान माह बंङज़ोतो। हेंदिंङ माफी खोकसोतो छना कुचे यीशु मसीह सिमी थल यह्च़ा श्रींङे इलज़ा।

1 यूहन्ना 1:7

अगर हेनर सही तरीका रंङ जीवन श्रींङमोंई, छना परमेश्वर सिद्ध रूपा रिंङ हेले तोह ध्वांए हेनर ला हेलेरिंङ श्रींङमोंई, दंङ इदि-अईदिरंङ साते संगति तहज़ातंई। दंङ परमेश्वरो योह यीशु मसीहू शुहई हेन्दिंङ भत्ते पापो दोरच़ी शुद्ध लहज़ा।

प्रकाशित वाक्य 3:17

केई चेहच़ातन कि काह साहुकार तोतोन दंङ कांह कछंङ दुह भत्ते तोह अतु कनिंङ ज़रूरत तोह, पर हेले दि तोह कि काह कांणे तु ठ्रोह तोतोन, केई माह ञेंच़ातन कि काह हेले रिंङ छना ठ्रोह तोतोन। कनु टोईच़ी तरस अपि जूंस छना कुचे काह गरीब तोतोन, दिऊ मतलब दि तोह कि कनु अंदरेग विशवासो कमी तोह। काह दुह मीहतु ठ्रोह तोतोन अतु दोर खमज़ेर माह तोतोर।