2 पतरस 1:4 - लाहौली बाइबिल

⁴ दि भत्ते धिरो दोरच़ी परमेश्वरे हेंदिंङ महसे महान ए अनमोल वरदान रांहषी ततो अतु दोई वाईदा लहसी तते। ताकि दि वरदाना तु इस्तेमाल लहज़ी हेनर संसारो दुह मदम हिटी ओ दोरच़ी बचेके तरपोंई अंऊ मीहतिंङ नाश लहज़ा, दंङ परमेश्वरो व्यवहार सहभागी शुहचे योंई।

2 पतरस 1:4 Iomraidhean Croise

रोमियो 9:4

दोरे इस्राएली मीहरे तोतोर, दोतिंङ परमेश्वरे गोद लेहपच़ी एनोह कटुतु रूपा रिंङ अंङे च़रति। दोतु थल्जी परमेश्वरे एनोह महिमा प्रकट लहसी ततो; दोतंङ साते एनोह वाईदा लहरी दंङ दोतिंङ कानून रांई; दोरे सच्चा तरीका रंङ परमेश्वरो अराधना लहज़ातोर दोच़ी परमेश्वरो वाईदा खोक्शातोर।

2 कुरिन्थियों 1:20

परमेश्वरो भत्ते वाईदा मसीह रिंङ “वोई” रंङ साते तोह। दंङ झांह लेह हेंज़ी “अमीन” कुट्रातंई कि, ताकि हेंदु दोरच़ी परमेश्वरो महिमा शोतो।

2 कुरिन्थियों 3:18

हेनर भत्तेर इच्च़ा अर्शिऊ ठ्रोह तोतोंई, अंऊ परमेश्वरो तेज झांह ठ्रोह मोह्दु खंड्रातंई अंऊ दोतु टोहकठे परदा पड़ेके तोह, दंङ परमेश्वर हेंदिंङ लगातार बढाईक्च़ा तेज रिंङ महस बे महस एनोह ठ्रोह बणाएच़ा। दि तेज प्रभु दोरच़ी खोकसा, अंऊ पवित्र आत्मा तोह।

2 कुरिन्थियों 6:17

झांह लेह प्रभु हेंदंङ साते पवित्र शास्त्रो दोरच़ी दि कुट्रा, दू मीहतंङ साते शत्‌ह शुहचे इलांई अंऊ परमेश्वरो थलेच़ि माह जोज़ातोर। दंङ अपवित्र चीज़ा तु दोरच़ी शत्‌ह बंङज़ुंई, दंङ गेह केतिंङ ग्रहण लोहग

गलातियों 3:16

ध्वांए ठ्रोह परमेश्वरे एनोह वाईदा अब्राहम ए दोऊ खानदाना बि रेंई। पवित्र शास्त्र दि माह कुट्रा कि, “कांह खानदाना बि,” छना महसे तु पाहठी कुहषी तोह, पर दि इच्च़ा मीहू पाहठी गप्पा लहज़ा कि, “कांह खानदान,” दंङ दू मीह मसीह तोह।

गलातियों 6:8

छना कुचे अंऊ मीह दू ए लहज़ा अंऊ दोऊ पापी स्वाभाव जुंज़ा, दंङ दोई खमतो कि दि दोऊ थल्जी मौत रेंज़ा हपतो। पर अंऊ मीह परमेश्वरो आत्माओ हिटी पूरा लहज़ा दोई खमतो कि आत्मा दोबि अनंत जीवन रमतो।

इफिसियों 4:13

दि दोहपल तचेक जारी बंङज़ोतो अपेहल तचेक कि हेनर हेंदु विशवास ए परमेश्वरो योह पाहठी हेंदु समझरिंङ इच्च़ा शुहचे माह योंई। दंङ हेनर सिद्ध शुहचे योंई, छना मसीह शुहचे तोह, दंङ हेनर भत्ते पाहठी दोऊ ठ्रोह शुहचे योंई।

कुलुस्सियों 3:10

दंङ हेंतेग केहच़ी खरकोई स्वाभाव धारण लेह केहतंई, दिह खरकोई स्वाभाव महसे बे महसे एनोह सिरजनहारो ठ्रोह शुहबी लेहकी तोह दंङ दोबि रूठे रंङ समझेक्पोतो।

इब्रानियों 12:10

हेंदु संसारिक बाह छना दोबि महस रूठे अति, हेंदिंङ थोड़े टेमो थल्जी रैहच़ते कि हेनर दोऊ पवित्रता रिंङ भागीदार शुहचे योंई।

इब्रानियों 9:15

झांह लेह मसीह मीहतंङ साते इच्च़ा खरकोई वाईदा लहज़ा, ताकि दोरे मीहरे अंऊ परमेश्वरो तरफे बुलासी तातोर, दोरे दू अनंत आशीष खोकपोरे अतु वाईदा परमेश्वरे लहसी ततो झांह दिऊ थल्जी शुहबी तरपोतो छना कुचे मसीह दोतिंङ दू पापो सज़ाओ दोरच़ी आज़ाद लेह च़रच़िमी थल्जी सिए इलि अंऊ दोच़ी तुहई कि वाईदा ओ अधीन बंङज़ा ते लाहतेर।

याकूब 1:27

हेंदु बाह परमेश्वरो कछंङ रूठे ए निर्मल भक्ति दि तोह, कि याह मेह बाह मेह ए रंणीतु झगड़ारिंङ दोतु सुधि लेहप्तुंई, दंङ केनातिंङ संसारो दोरच़ी निष्कलंक तंही।

2 पतरस 1:1

गेह, शमौन पतरस, अंऊ यीशु मसीहऊ दास ए प्रेरित शुगाह, केतिंङ चेहच़ातग। गेह केहतु भत्ते तु थल्जी चेहच़ातग। अंऊ दुह बहुमूल्य विशवास बि ठ्रोहका लहज़ातंई अंऊ हेंदु परमेश्वर ए उद्धार लहज़ा यीशु मसीहू दोरच़ी हेंदिंङ रांहषी तोह, अंऊ हेंदिंङ परमेश्वरा रंङ साते धर्मी ठहराच़ा।

2 पतरस 3:13

पर ञेंहच़ी उम्मीद लहज़ातंई कि परमेश्वर इच्च़ा खरकोई सर्ग ए खरकोई धरती बणाएपोतो छना दोई वाईदा लहसी तते। दोर सिर्फ धर्मी मीहरे ए बंङज़ोर।

2 पतरस 3:9

रें मीहच़ी चेहच़ातोर कि प्रभु एनोह यह्च़ा वापिस अपिमी वाईदा ओ पाहठी ख्राह लहज़ी लेहकी तोह, बल्कि, दुह केतंङ साते धीरज़ तहज़ा तोह। छना कुचे दुह अतिंङ ला नाश लेह माह जुंज़ा। पर प्रभु ज़ि जुंज़ा कि हर इच्च़ा एनोह सेहम किरज़ु दंङ गलत कम लेह बन्द लेह केहतो दंङ दोऊ कछंङ अच़ा अपतो।

1 यूहन्ना 2:25

परमेश्वरे हेन्दंङ साते वाईदा लाहरी कि दोई हेन्दिंङ अनंत जीवन रमतो।

1 यूहन्ना 3:2

हे गिऊ प्यारे साथी विशवासी रे, हेंतेग हेनर परमेश्वरो कटुरे शुहचे तोनि, दंङ हेंतेग तचेक दिह प्रगट शुहचे माह कि हेनर छना शोंई! ञेंहच़ी दिह ञेंच़ातंई कि अपेहल यीशु मसीह प्रगट शोतो ता हेनर लाह दोऊ ठ्रोह शुहचे योंई, छना कुचे हेंज़ी दुह ध्वांए ए खमोंई छना दुह तोह।