2 पतरस 1:20 - लाहौली बाइबिल

²⁰ भत्ते बे ज़रूरी गप्पा दि तोह कि केहच़ी चेहच़ातंई कि अरिला एनोह शाक्ति ऊ दोरच़ी परमेश्वरो भविष्यवाणी समझेक्सिमी जोगे माह अंऊ पवित्र शास्त्रा रिंङ रांहषी तोह।

2 पतरस 1:20 Iomraidhean Croise

रोमियो 12:6

दंङ अपेहल कि दू मोह्ड़े दाह ओ हिसाबे अंऊ परमेश्वरे हेंदिंङ रांहषी ततो, हेंदिंङ पाहठी-पाहठी वरदान खोकसा तोह। अपि भविष्यवाणी वरदान खोकसा तोह, दोबि दू गप्पारे कुट्री जूंस अंऊ दोऊ टोईच़ी दोई विशवास लहज़ा कि परमेश्वरे दोबि कंङातो।

रोमियो 13:11

हेंदु बिचंङ हर इच्च़ा बि इदि-अई दिरंङ साते दाह लेह जूंशी तोह छना कुचे दू टेम कछंङ तोह अपेहल परमेश्वर हेंदिंङ दि बुराई दोरच़ी छुड़ाके च़रपोतो। अपेहल हेनर मुण्डारिंङ मसीहू टोहकठे विशवास लाहतेंई, दू टेमो हिसाबे एंतेग मसीह हेंदिंङ बचाएच़िमी थल्जी वापिस अपिमी ध्याड़ा कछंङ तोह। दि ञेंई, केतिंङ ईमो दोरच़ी चेहके इबि जूंस दंङ खबरदार बंङज़ी जूंशी तोह।

रोमियो 6:6

ञेंहच़ी ञेंहच़ातोंई कि ञेंहतु युई पापो स्वाभाव यीशु मसीह रंङ साते क्रूसो टोईच़ी चढ़ाके च़रतिर ताकि हेंदु फुका रिंङ पापो स्वाभाव नाश शुहचे योतो, दंङ हेनर तुंखा पापो गुलामीरिंङ माह बंङज़ोंई।

1 तीमुथियुस 1:9

ञेंहच़ी ञेंहच़ातोंई कि कानून धर्मी मीहतु थल्जी मशत पर दोतु थल्जी शुह अंऊ दोच़ी परमेश्वरो कानूनो अनदेखा लहज़ातोर दंङ दोऊ भाषे माह लहज़ातोर, दंङ लगातार पाप लहज़ातोर दंङ अंऊ मीहरे अपवित्र तोतोर, दंङ परमेश्वरो आदर माह लहज़ातोर, दोरे मीहरे अंऊ एनोह याह-बाह ए ऊई मीहतु हत्या लहज़ातोर,

2 तीमुथियुस 3:16

भत्ते पवित्रशास्त्रो वचन दुह शुह अंऊ दोबि परमेश्वरे मीहतु विचारारंङ केई च़रति अंऊ दोच़ी दुह च़ेहसी शुह। दि मीहतिंङ सिखाच़िमी थल्जी ए, दोतिंङ कंड्रिमी थल्जी कि छिल्ला धिर दोच़ी लहसी शुह, दुह गलत शुह, दोतु गलती ठीक लहज़ी दंङ अंऊ सही तोह दोबि लहज़िमी थल्जी दोतिंङ हुकुम रंड्रीमी थल्जी फायदेमंद तोह।

याकूब 1:3

छना कुचे केहच़ी ञेंहच़ातंई कि केहतु विशवास परखेक्सा योतो, दोहपल केहतु धीरज़ बणेक्पोतो।

2 पतरस 3:3

भत्ते बे तुहई खास गप्पा दिह तोह कि दंङ अन्तिम ध्याड़ा बे ठीक तुहई, रेह झांह ठ्रोह मीह तंङफोर अतु जीवन दोतु मदम हिटी ऊ वशारिंङ तोह। दोरे दोऊ कछंङ अपिमी विचारो मज़ाक लोहर।