2 पतरस 1:17 - लाहौली बाइबिल

^17-18 अपेहल हेनर दुह पवित्र गोह टोईच़ी दोरंङ साते तोहनी दोहथर परमेश्वरे बाह ज़ि दोबि आदर रांही दंङ परमेश्वरो मोह्ड़े महिमा ए दुह कपची च़रति। दंङ हेंज़ी परमेश्वरो मोह्ड़े महिमा मतलब परमेश्वरो सग दोरंङ साते दि कुट्री रेड्रीन, कि “दि गिऊ प्यारे योह शुह, अतंङ साते गेह दाह लहज़ातग। गेह दिरंङ महस खुश तोतोग।”

2 पतरस 1:17 Iomraidhean Croise

मत्ती 12:18

“खांई, दिह गिऊ परगर शुह, अरी गेह अंङषी शुगाह; गिऊ प्यारे, अतु दोरच़ी गिऊ सेहम राजी शुहचे तोह; गेह घेंङौ आत्मा दोऊ टोईच़ी केओग; दंङ दोरे ऊईजाति तु न्यायो खबर रमोतो।

मत्ती 17:3

दंङ मूसा ए एलियाह भविष्यवक्ता दोरंङ साते गप्पा लहज़ी तंङफातेर।

मत्ती 17:5

पतरस अईता कुट्री ए लेहकी तोहई इच्च़ा छंङसे डुह दोतु टोईच़ी अच्च़ा अति, दुह डुए दोरे कपची च़रति दंङ दोतु हखा डुह बिचंङज़ि परमेश्वरे कुंहई, “दिह गिऊ प्यारे योह शुह अतंङ साते गेह राजी तोतोग; दिऊ रेड्रुंई।”

मत्ती 28:19

दिऊ थल्जी केहरे ईलांई, दंङ भत्ते जातिऊ मीहतिंङ चेला बणाक्तुंई; दंङ दोतिंङ बाह ए, योह ए, पवित्र आत्मो मिन्ज़ी बपतिस्मा रांई,

मत्ती 3:17

दंङ स्वर्गंङज़ि परमेश्वरो सग अति: “दिह गिऊ प्यारे योह शुह अतंङ साते गेह महस खुश तोतोग।”

मरकुसो 1:11

दंङ सर्गंङज़ि परमेश्वरो सग अति कि, “का गिऊ प्यारे योह शुनाह। दंङ गेह करंङ साते खुश तोतोग।”

मरकुसो 9:7

दंङ इच्च़ा मोह्ड़े डुए दोरे कपची च़रति दंङ दोच़ी हखा डुह बिचंङज़ि परमेश्वरे कुंहई, “दि गिऊ प्यारे योह शुह, दिऊ रेहड्रोंई।”

लूको 10:22

“गिऊ बाहे गिह्बी भत्तेधिर रांहषी ततो, सिर्फ बाह ए तोह अंऊ दोई योह बि सेहचा, सिर्फ इच्च़ाए योह तोह अंऊ दोई हेले बाहबि सेहचा, दंङ अंऊ मीहतिंङ गेह योह, अंङषातोग दोरे मीहरे बाहबि सेहपोर।”

लूको 3:22

दंङ पवित्र आत्मा कबूतरो ठ्रोह दोऊ टोईच़ी अति, दंङ स्वर्गंङज़ि परमेश्वरो सग अति कि, “का गिऊ प्यारे योह शुनाह। दंङ गेह करंङ साते खुश तोतोग।”

यहून्नो 10:15

छना पिता परमेश्वरे ए गिह्बी सेहच़ा दंङ गेह पिता परमेश्वर बि सेहचातग। दंङ गेह दोतु थल्जी सीमी ला तेयार तोतग।

यहून्नो 14:11

गिऊ ए विशवास लांही, कि पिता परमेश्वरारंङ साते गिऊ पक्‍का नाता तोह; दंङ पिता परमेश्वरो गेरंङ साते; माह ता अंऊ चिन्ह चमत्कार गेह लहसी तातग दोऊ टोहकठे विशवास लांही।”

यहून्नो 14:6

यीशु ज़ि दोरंङ साते कुंई, “अम, सच्चाई दंङ अनंत जीवन गेह ए शुगाह; गेह मेह अरीला पिता परमेश्वरो कछंङ पिचे मरपोतो।

यहून्नो 17:21

कि दोरे भत्तेर इच्च़ा शुहबी जूंस; छना हे पिता परमेश्वर कांह गेरंङ तोतोन, दंङ गेह करंङ, ध्वांए दोरे ला हेन्दंङ शोहर, दिऊ थल्जी कि संसारो मीहरे विशवास लोहर कि केई ए गेह च़रसी शुगाह।

यहून्नो 20:17

यीशु ज़ि दोबि कुहतो, “गिऊ कोन्ज़ा रिंङ ज़िल्ज़ाते गिह्बी था चऊ, छना कुचे अईता गेह पिता परमेश्वरो कछंङ इल्जी माह तोग, गिऊ चेला तु कछंङ इलजे दोतंङ साते कुडू, कि गेह घेंङौ पिता परमेश्वर ए केहतु पिता परमेश्वर दंङ घेंङौ परमेश्वर ए केहतु परमेश्वरो कछंङ य्वातग।”

यहून्नो 3:35

पिता परमेश्वरो योह रंङ साते दाह लहज़ा, दंङ दोई भत्ते चीज़र दोऊ गुहड़िंङ रें च़रति।

यहून्नो 5:20

झांह लेह पिता परमेश्वर गेरंङ साते दाह लहज़ा, दंङ अंऊ-अंऊ कम दोई एनेह ला दुह भत्ते गिह्बी कंड्रा; दंङ दोई दिहबे ला मोह्ड़े कम गिह्बी कंबतो, ताकि केहरे खांई हेरान शुबी जूंस।

यहून्नो 5:26

छना कुचे अंऊ रीतिरंङ पिता परमेश्वरे ऐनाह जीवन तहच़ा, ध्वांए दोई गिह्बी ला दिह अधिकार रांहषी ततो कि गेह घेंङा ए जीवन तोईग;

यहून्नो 6:27

दुह बगतो थल्जी मेहनत थाह लांही अंऊ नाशवान तोह पर दुह बगतो थल्जी लांही अंऊ अनंत जीवन तचेक बंङज़ा, मतलब गेह मीहू योह दिह बगत रमोग, छना कुचे पिता परमेश्वरे गिह्बी झांह लहज़िमी अधिकार रांहषी ततो।”

यहून्नो 6:37

अंऊ धिर ला पिता परमेश्वरे गिह्बी रंड्रा दुह भत्ते धिर गिऊ कछंङ अपतो, दंङ अंऊला गिऊ कछंङ अपतो दोबि गेह अपेहल ला माह हुंपोग।

यहून्नो 6:39

दंङ गिह्बी च़रच़ा ओ हिटी दिह तोह कि अंऊ ला धिर दोई गिह्बी रांहषी ततो दोतु बिचंङ च़ि गेह छिला माह योंहपोग पर अंतिम ध्याड़ा रिंङ दुह यच़ाह श्रींङमी लोहग।

रोमियो 15:6

ताकि केरे भत्तेर इच्च़ा साते बंङज़ा ए इच्च़ा सग रिंङ परमेश्वर, हेंदु प्रभु यीशु मसीहू बाह परमेश्वरो स्तुति लंहि।

2 कुरिन्थियों 1:3

हेंदु प्रभु यीशु मसीहू बाह परमेश्वरो स्तुति शुहबी जूंस, अंऊ दयाऊ बाह, दंङ हेंदिंङ हमेशा तसल्ली रंड्रा।

2 कुरिन्थियों 11:31

परमेश्वर, हेंदु प्रभु यीशु मसीहू बाह अंऊ हमेशा धन्य तोह, ञेंहच़ा, कि गेह हप्सी माह कुट्रातग।

इब्रानियों 1:3

दू योह ए परमेश्वरो महिमा ओ छंङी दंङ हर तरफे परमेश्वरो ठ्रोह तोह। दंङ भत्ते संसारा बि दंङ एनोह शाक्तिशाली बचनो दोरच़ी, भत्ते संसारा बि खड़े लहज़ी तहज़ा। दोई मीहतिंङ दोतु पापो दोरच़ी शुद्ध लेह च़रति, दंङ दोऊ थल स्वर्गारिंङ महिमामय परमेश्वरो सुचंङ हासी विराजमान शुहचे इलि।

2 यूहन्ना 1:3

परमेश्वर बाह, ए दोऊ योह यीशु मसीहू दोरच़ी मोह्ड़े दाह, ए शांति हेंदंङ साते सच्चाई ए दाह रंङ साते बणेंके बंङज़ोतो।

यहूदा 1:1

गेह, यहूदा, अंऊ यीशु मसीहू इच्च़ा सेवक ए याकूबो कवचि न्वा शुगाह, केतिंङ दि डाक चेहच़ातग, अंऊ दोतिंङ परमेश्वरे एनोह टोईच़ी विशवास लहज़िमी थल्जी बुलासी ततो। हेंदु परमेश्वर बाह केतंङ साते दाह लहज़ा दंङ केतिंङ यीशु मसीह रिंङ बचाके तहज़ा।