2 पतरस 1:16 - लाहौली बाइबिल

¹⁶ अपेहल ञेंहच़ी प्रेरिता ज़ि केतिंङ हेंदु प्रभु यीशु मसीह सामर्थ ए वापिस अपिमी पाहठी कंङाते, दंङ ञेंरे केतिंङ चालाकी रंङ साते बणाशी दुह कथा माह कंड्रातंई। पर, ञेंहच़ी मसीहू महिमा हेंदु टिरे खांहषी तरेनि।

2 पतरस 1:16 Iomraidhean Croise

मत्ती 16:27

मीहू योह एनोह स्वर्गदूत तंङ साते एनोह बाहऊ महिमारंङ अपतो, दंङ दोई दोहथर भत्तेतिंङ दोतु काहमो हिसाबे फल रमोतो।

मत्ती 16:28

गेह केतंङ साते हेले कुट्रातग कि देर खड़े मीहतु बिचंङज़ि रेइरे झांह तोतोर दोच़ी अपेहल तचेक मीहू योह बि दोऊ राजंङ अपि माह तंङमोर धोंण तचेक सिओर माह।”

मत्ती 17:1

त्रुई ध्याड़ो थल यीशुज़ि पतरस, याकूब ए दोऊ न्वा यूहन्ना बि ऐनाहरंङ साते इच्च़ा रंङी गोह टोईच़ी रेन्ज़ा हति।

मत्ती 24:27

छना बिजली पूर्व दिशाज़ि हुंज़े पशिचम दिशा तचेक चमकेपी, ध्वांए गेह मीहू योह अपिला शोतो।

मत्ती 24:3

अपेहल यीशु जैतून मिंदंङ गोह टोहकठे तोहई, दंङ चेलाज़ि एकांत दोऊ कछंङ अंज़े दोबि कुह्तोर, “ञेंतिंङ कंड्रु कि दि गप्पारे अपेहल शोर? कांह अपिमी ए संसारो अंत ओ छि निशानी शोतो?”

मत्ती 28:18

यीशुज़ि दोतु कछंङ अंज़े कुंई, “स्वर्ग ए धरतीऊ भत्ते अधिकार गिह्बी रांहषी तोह।

मरकुसो 13:26

“दंङ मीहरे गेह मीहू योह बि मोढ़े सामर्थरंङ साते ए महिमा रंङ साते डू विचंङ अपि तंङफोर।

मरकुसो 14:62

यीशुज़ि कुहतो, “गेह शुगाह; दंङ केहच़ी खमोंई कि गेह मीहू योह, सर्वशक्तिमान परमेश्वरो सुचंङ हासी बंङज़ा राज लोहग, दंङ सर्गंङज़ि डुह बिचंङ अपोग।”

लूको 1:2

छना कि दोच़ी ठीक ध्वांए च़ेआतो अंऊ ञेंतिंङ दुह मीहतु दोरच़ी कांहषी तोहई, अच़ि दोबि यीशु सेवकाईओ शुरुवात बेहच़ी खांषी तातेर दंङ अंऊ थले परमेश्वरो बचनो सेवक बणेंक इलिर।

लूको 9:43

दंङ भत्ते मीहरेर परमेश्वरो महा सामर्थरंङ साते हेरान शुहचे इलिर। पर अपेहल भत्ते मीहरेर दुह भत्ते कम अंऊ दोई लह्ज़ते, हेरान तोहई, दोई एनोह चेला तंङ साते कुहतो,

यहून्नो 1:14

दंङ बचन इच्च़ा मीहू रुपंङ अति; दंङ मोह्ड़े दाह ए सच्चाईरङ परिपूर्ण शुहचे हेंदु बिचंङ डेरा लहरी, दंङ हेंज़ी दोऊ धिंङघा महिमा खंणी छना पिता (परमेश्वरो) इच्च़ा योह।

यहून्नो 17:2

छना कुचे केई दोबि भत्ते मीहतु टोहकठे राज लहज़िमी अधिकार रांहषी तातन, कि दोई दोतिंङ अनंत जीवन रमतो, अतिंङ केई दोऊ हवाले लहसी तातन।

रोमियो 1:4

दंङ पवित्र आत्माओ शाक्ति रंङ साते दुह सिमी दोरच़ी श्रींङे इबिमी सामर्थ रंङ साते परमेश्वरो योह साबित शुहचे इलि। दुह यीशु मसीह हेंदु प्रभु शुह।

1 कुरिन्थियों 1:17

छना कुचे मसीह गिह्बी बपतिस्मा रंड्रीमी थल्जी मशत, बल्कि रूठे खबर सुनाएच़िमी थल्जी चरच़ि शुगाह, दंङ अपेहल गेह रूठे खबरो प्रचार लहज़ातग दंङ गेह कुट्रीमी थल्जी संसारो गप्पो इस्तेमाल माह लहज़ातग माह ता मीहरे गिऊ टोईच़ी सिर्फ संसारिक ज्ञानो वहज़ा ज़ि विशवास लोहर, दंङ दोरे क्रूसो टोहकठे मसीहू मौतो सामर्थ माह ञेंहच़ार।

1 कुरिन्थियों 1:23

पर हेनर दि प्रचार लहज़ातंई कि मसीह हेंदिंङ हेंदु पापो दोरच़ी छुड़ाएच़िमी थल्जी क्रूसो टोईच़ी सिए इलि। अंऊ यहुदी तु कछंङ ठोकरो वहज़ा, दंङ ऊईजाति तु कछंङ मुर्खता तोह।

1 कुरिन्थियों 1:7

दिए वहज़ा तोह कि पवित्र आत्माज़ि केतिंङ दू भत्ते वरदान रांहषी ततो अतु केतिंङ ज़रूरत तोह, देर तचेक कि केरे हेंदु प्रभु यीशु मसीहू वापिस अपिमी थल्जी रूमज़ा तोतोंई।

1 कुरिन्थियों 2:1

हे गिऊ प्यारे साथी विशवासी रे, अपेहल गेह परमेश्वरो पाहठी रूठे खबर सुनाच़ी केहतु कछंङ अतिगा, गेह मोह्ड़े-मोह्ड़े शब्दा तु इस्तेमाल माह लहरिगा, दंङ गेह समझदार शुहबिमी कोशिश ला माह लहरिग।

1 कुरिन्थियों 2:4

दंङ गिऊ शिक्षा ए गिऊ प्रचार संसारिक ज्ञान ए लालचो गप्पा माह, पर पवित्र आत्माज़ि केतिंङ इच्च़ा सामर्थो शाक्ति रंङ साते कंङातो कि अंऊ खबर केतिंङ कंङातग दू हेले तोहई।

1 कुरिन्थियों 5:4

अपेहल केरे प्रभु यीशु मसीहू मिंदंङ साते ठ्रोहका शवातंई दंङ यीशु मसीहू सामर्थ रंङ साते आत्मा रि गेह केहतु बिचंङ तोतोग।

2 कुरिन्थियों 2:17

छना कुचे हेनर दू महसे तु बराबर माह तोंई, अंऊ परमेश्वरो बचन एनोह फायदा ओ थल्जी प्रचार लहज़ा; पर हेनर परमेश्वरो बचनो प्रचार सच्चाई ए मसीहू अधिकारारंङ साते लहज़ातंई, दि ञेंई कि परमेश्वर हेंदिंङ खंड्रा बंङज़ा तोह।

2 कुरिन्थियों 4:2

पर हेंज़ी षेह्द अपिमी जोगे ए गुप्तो कम छोड़ेके चरच़ातंई, दंङ माह ए चालाकी रंङ साते ज़ोवातंई, दंङ माह परमेश्वरो बचना रिंङ मिलावट लहज़ातंई, पर हेनर परमेश्वरो तुईज़ी सिर्फ हेले कंड्रातंई। परमेश्वरो तुईज़ी हर इच्च़ा गवाही रंड्री तरपोतो कि दि हेले तोह।

इफिसियों 4:14

हेंतेग बे हेंदिंङ कटुतु ठ्रोह व्यवहार लेह माह जूंस। झांह लेह हेंदिंङ अपेहल ला धोखेबाज़ मीहतु हप्सी शिक्षा रिंङ माह फसेफी जूंस, अंऊ हेले च़ेहसा। छना कुचे हेनर दू किशतीऊ ठ्रोह माह तोंई अतिंङ छ्वली देखा-नोखा लहज़ा दंङ लन्न ज़ि देखा-नोखा किरज़ी लहज़ा।

फिलिपियों 3:21

दुह एनोह शक्तिऊ दुह प्रभावो हिसाबे अतु दोरच़ी दोरे भत्ते चीज़ा तु एनोह काबूरिंङ लेह तरच़ा, हेंदु संसारो फुको ओ रूप लेहक्सा, एनोह महिमाऊ फुको ठ्रोह बणाके च़रपोतो।

1 थिस्सलुनीकियों 2:19

ञेंहतु उम्मीद, ए महस खुशी ए षटणो मुकुट अरि शुह? दि केरे ए शोंई अपेहल हेंदु प्रभु यीशु मसीह यह्च़ा वापिस अपतो, दोऊ तुईज़ी केरे माह शोंई?

2 थिस्सलुनीकियों 2:9

दुह मदम मीह शेतानो शाक्ति रंङ साते अपा। दोई भत्ते पाहठी ऊ हप्सी चमत्कार, चिन्ह ए अद्धभुत कम लोहतो अतंङ मीहरे दि सोचेकपोर कि दि कम परमेश्वर लहज़ी लेहकी तोह।

1 तीमुथियुस 4:7

पर दुह बनावटी कथारिंङ केनातु टेम बरबाद थालंही, अंऊ दोरच़ी परमेश्वराबि आदर माह खोकसा। बल्कि हेंदिंङ लगातार सिखासी जूंस, कि हेंदु जीवनो दोरच़ी परमेश्वराबि छना आदर रमोंई।

तीतुस 1:14

यहुदी तु बनावटी कथा ए सच्चाई ओ दोरच़ी शत्‌ह शुहचे मीहतु हुकुमो हखा ध्यान थारांई।

2 पतरस 2:3

दि उपदेश रंड्रा दिरे लालची शोर, दंङ दोरे बणाएषी ठ्रोह कथा कुचे केतिंङ धोखा रमोर ताकि केहतु दोरच़ी ढबाह कमाके तरपोर। परमेश्वरे महसे टेम तुहई ए दि फेंसला लेह चरच़ाते कि दुह दोतिंङ सज़ा रमतो दंङ दुह झांह लहज़िमी थल्जी तेयार तोह। दुह हेले रिंङ दोतिंङ नाश लेह च़रपोतो।

1 यूहन्ना 4:14

दंङ ञेंहच़ी योह बि तंङातेंई दंङ गवाही लाह रंड्रातंई कि बाह परमेश्वरे एनोह योह बि संसारो मीहतु पापो उद्धार लहच़िमी थल्जी च़रति।

यहूदा 1:14

हनोके ला अंऊ आदम बे निह्ज पीढ़ी रिंङ जेह्की तोहई, दि मीहतु पाहठी भविष्य वाणी लहसी तते, कि “खंई, प्रभु पक्‍का रूपा रिंङ एनोह महसे पवित्र स्वर्गदूता तंङ साते अपतो,

प्रकाशित वाक्य 1:7

रेड्रुं, दुह डुह रंङ साते अपिमी तोह; दंङ हर इच्च़ा मीह दोबि खमतो, देर तचेक कि अंऊ मीहरे दोऊ मौतो ज़िमेवार तोईरे, दोरे ला दोबि अपि खमोर। धरतीऊ भत्ते मीहरे जोरे-जोरे क्रपोर अपेहल दोरे दोबि खमोर। वोई झांह शोतो! अमीन।