2 पतरस 1:12 - लाहौली बाइबिल

¹² हालांकि केहच़ी तुहई बेहच़ी ए दि गप्पारे ञेंहच़ातंई, दंङ दुह हेले ज्ञानो टोईच़ी विशवास लहज़ातंई, अंऊ मीहच़ी केतिंङ रांहषी तातोर, गेह केतिंङ दोतु पाहठी लगातार हिद रम्मा लोहग।

2 पतरस 1:12 Iomraidhean Croise

प्रेरित 16:5

झांह लेह कलीसिया रे विशवास रंङ पक्‍का शुहबी लेहती दंङ गिनती रिंङ बड़ेक्च़ी लेहती।

फिलिपियों 3:1

झांह लेह गिऊ प्यारे साथी विशवासी रे, प्रभुरिंङ खुश बंङज़ोंई। दुह ए गप्पारे केतिंङ घड़ी-घड़ी च़ेहच़ी गिह्बी ता छिल्ला कष्ट माह शवाह, पर दि गप्पा केतिंङ हप्सी शिक्षा ओ दोरच़ी ला बचाएपोतो।

कुलुस्सियों 1:5

केहच़ी दिह झांह लेह लहज़ातंई छना कुचे विशवास ए दाह ओ मुयांद दुह उम्मीद तोह अंऊ केहतु थल्जी स्वर्ग रिंङ तहसी तोह, अतु पाहठी केहच़ी दुह रूठे खबर ओ सत्य बचनरिंङ रेड्री चरच़ातंई, अंऊ केहतु कछंङ पिचे तोह।

कुलुस्सियों 2:7

दंङ दोरिंङ ए जड़ चुमज़ा ए तुंखा शुहवा लंहि; दंङ छना केतिंङ सिखासी तरेह ध्वांए विशवास रिंङ पक्‍का शुवाह लंहि, दंङ महसे धन्यवाद लोहवा लंहि।

1 तीमुथियुस 4:6

अगर कांह भत्ते विशवासीतिंङ लगातार दि हिद गप्पा सिखाएपोंई कि अतु गेह कनिंङ सिखाएकातग, दंङ कांह विशवासो खबरो दोरच़ी ए रूठे शिक्षाओ दोरच़ी पक्‍का लेह केहनि, अतिंङ केई मनेक्च़ातंई, दंङ कांह यीशु मसीहू इच्च़ा रूठे सेवक शुनाह।

2 तीमुथियुस 1:6

झांह लेह गेह कनिंङ हिद रंड्रातग कि परमेश्वरो दुह वरदाना तिंङ यह्च़ा इस्तेमाल लोह, अपि परमेश्वरे केतिंङ रांहषी तते अपेहल गेह कांह पुंज़ा रिंङ घेंङौ गुह्ट्र केहतेग।

इब्रानियों 10:32

पर केहच़ी दू शुरूआतो ध्याड़ो पाहठी सोचेक्तुंई अपेहल केहच़ी पहली बार मसीहू पाहठी ञेंईनि। केहच़ी महस दुखारंङ साते खरे कष्ट लाहतंई, पर केरे विशवासा रिंङ पक्‍का बणेंके तोईनी।

इब्रानियों 13:9

छना कुचे यीशु मसीह अपेहल ला माह लेहक्सा, झांह लेह केतिंङ दि भत्ते खरकोई ए शत्‌ह-शत्‌ह शिक्षाओ भाषे लहज़ी जूंशी तोह अंऊ केतिंङ गलत अमरिंङ रैंज़ा शिलज़ा। छना कुचे केहतु सेहमो थल्जी दि रूठे तोह कि परमेश्वरो मोह्ड़े दाह ओ दोरच़ी पक्‍का शुहचे इलेंई, माह कि दू कानून मनेक्च़िमी रंङ साते अंऊ ज़ेइमी पाहठी तोह, ज़ेइमी-तुंङमिमी रिति रिवाज़ो अतु ला भला माह शुई।

1 पतरस 5:10

हेंतेग परमेश्वर अंऊ भत्ते तरीका रंङ मोह्ड़े दाह ए पिंङषा तोह, दोई हेंदिंङ यीशु मसीह रंङ साते हेंदु नाता ओ थल्जी स्वर्गा रिंङ दोऊ अनंत महिमा ओ थल्जी सहभागी शुहबिमी थल्जी हेनर अंङे च़रति। केहतु थोड़े टेमो दुख सहन लहज़िमी थल, परमेश्वर केतिंङ रूठे बणाके च़रपोतो ताकि केहतु अंदरेग ला छल्ले शुहबी मेस दंङ परमेश्वर केतिंङ पक्‍का लोहतो ताकि केहतु विशवास पक्‍का शोतो।

1 पतरस 5:12

गेह दि कवचि डाक सिलवानुसो मदते चेहच़ातग दंङ केतिंङ चरच़ातग। गेह दोबि मसीह रिंङ इच्च़ा विशवासो जोगे साथी मनेक्च़ातेग। गिऊ दि डाक चेहच़िमी खास वहज़ा केतिंङ उत्साहित लहज़ी ए केतिंङ भरोसा रंड्रीमी तोहई, कि छिल्ला धिर केहच़ी महसूस लहज़ातंई दू हेले रिंङ केहतु थल्जी परमेश्वरो मोह्ड़े दाह ऊ हिस्सा शुह। दि मोह्ड़े दाह रिंङ खड़े बंङज़ुंई।

2 पतरस 1:13

हेंदु प्रभु यीशु मसीह ज़ि गिह्बी साफ लेह चरच़तो कि गेह युरनाह सिए योग। झांह लेह गिह्बी च़ेहसी लेहकी तोह कि गिऊ थल्जी दि ठीक तोह कि अपेहल तचेक गेह श्रींङी तोतोग दंङ गेह धोंण तचेक केतिंङ दुह चीज़ तु पाहठी हिद रम्मा लोहग।

2 पतरस 1:15

झांह लेह गेह दुह गप्पा तिंङ हेंतेग चेहच़िमी दोरच़ी महस मेहनत लहज़ातग, ताकि गेह सिमी थल केरे भत्ते टेम दोतिंङ हिद लेह तरपोंई।

2 पतरस 3:1

हे गिऊ प्यारे साथी विशवासी रे, एंतेग गेह केतिंङ दि दूसरी पत्री चेहच़ातग, गेह केतिंङ दि झुल्ला पत्री दिऊ थल्जी च़ेहसी तातग कि ताकि अंऊ गप्पारे केहच़ी तुहई बेहच़ी ञेंच़ातंई कि, दोतु पाहठी केतिंङ हिद दिलाएच़िमी दोरच़ी गेह केहतु सेहमरिंङ शुद्ध विचार पैदा लेह तरपोग।

2 पतरस 3:17

झांह लेह हे गिऊ प्यारे साथी विशवासी रे, केहच़ी तुहई बेहच़ी ञेंच़ातंई कि दि गप्पारे शोर। झांह लेह, खबरदार बंङज़ुंई ताकि अंऊ मीहरे नियम माह मनेक्च़ातेर दोरे केतंङ साते हप्सी कुचे केतिंङ भटकागी च़रपोर दंङ केरे हेले गप्पा रिंङ विशवास लेह बन्द लेह च़रपोंई अंऊ दोऊ टोईच़ी केहच़ी इच्च़ा टेम पक्‍का रंङ विशवास लहज़ातंई।

1 यूहन्ना 2:21

गेह दिह दिऊ थल्जी माह चेहच़ातग, कि केहच़ी सच्ची शिक्षा माह ञेंच़ातंई, दंङ दिऊ थल्जी कि अंऊ ला हप्सी, सच्चाई दोरच़ी माह।

2 यूहन्ना 1:2

ञेंरे केतंङ साते दाह लहज़ातंई छना कुचे हेनर सच्चाई शिक्षा ओ टोहकठे विशवास लहज़ातंई, दंङ दुह शिक्षा हमेशा बणेंके बंङज़ोतो।

यहूदा 1:17

पर हे गिऊ प्यारे साथी विशवासी रे, केहच़ी दुह गप्पा हिद तंही; अंऊ हेंदु प्रभु यीशु मसीहू प्रेरित महस तुहई कुहषी तातोर।

यहूदा 1:3

हे गिऊ प्यारे साथी विशवासी रे, हालांकि गेह केतिंङ परमेश्वरो पाहठी छा चेहच़ातग, अंऊ दोरिंङ हेनर भत्तेर सहभागी तोतोंई गेह दि दबाब महसूस लहज़ातग कि केतिंङ उत्साहित लहज़िमी थल्जी च़ेओग कि हेले ओ शिक्षा ओ थल्जी संघर्ष लंहि। परमेश्वरे एनोह मीहतिंङ दि हेले इच्च़ा फेरा हमेशा ओ थल्जी रें चरच़तो अंऊ अपेहल ला माह लेहक्सतो।

यहूदा 1:5

हालांकि केरे भत्ते गप्पा इच्च़ा फेरा ञेंई चरच़ातंई, तांला गेह केतिंङ दि गप्पा हिद दिलाएच़ातग, कि परमेश्वरे इस्राएली तिंङ गुलामी दोरच़ी आज़ाद लहरी दंङ दोतिंङ मिस्त्र देशो धकतेखा हति, पर थले दोई दुह भत्ते तिंङ सचे च़रति, अंऊ दोच़ी सुनसान ठहरि दोऊ टोईच़ी भरोसा माह लहरिर।