2 पतरस 1:11 - लाहौली बाइबिल

¹¹ पर परमेश्वर केहतु दुह राज्य रिंङ रूठे रंङ स्वागत लोहतो अंऊर यीशु मसीह तोह, अंऊ हेंदु प्रभु ए हेंदु उद्धारकर्ता तोह, अंऊ हमेशा ओ थल्जी रज्ज़ा ओ रूपा रिंङ राज लोहतो।

2 पतरस 1:11 Iomraidhean Croise

मत्ती 25:34

दंङ गेह रज्ज़ा घेंङौ सुचंङ हासी दोतंङ कोहग, हे गिऊ स्वर्गीय बाहऊ धन्य मीहरे, अतंई, दुह राज्यो हकदार शुहचे ईलांई, अंऊ संसारो शुरुआतबे केहतु थल्जी त्याहर लहसी तोह।

यहून्नो 10:10

चोर ऊई कमो थल्जी माह पर सिर्फ चोरी लहज़ी ए हत्या लेही दंङ नाश लहज़िमी थल्जी अपि। गेह दिऊ थल्जी अंज़े शुगाह कि दोतिंङ जीवन रमोग।

रोमियो 2:4

छि कांह परमेश्वरो भलाई ए सहनशीलता, दंङ सब्ररूपी धन बि बेकार ञेंच़ातन? दंङ केई दि माह समझेक्च़ातन कि परमेश्वरो भलाई कनिंङ पश्चाताप काराच़ि सिखाएच़ा?

1 कुरिन्थियों 15:24

दंङ, अपेहल मसीह, परमेश्वरो विरोध लहज़ा भत्ते मदम शाक्ति तु नाश लेह च़रपोतो, दोऊ थल संसारो अंत शुहचे योतो। दोहपल मसीह एनोह बाह परमेश्वरा बि एनोह राज रें च़रपोतो कि दुह, दोऊ टोईच़ी पूरे तरह ठ्रोह राज लोहतो।

2 कुरिन्थियों 5:1

छना कुचे हेंज़ी ञेंच़ातंई, कि देर धरतीऊ टोईच़ी हेंदु फुक इच्च़ा तम्बू ठ्रोह तोह अंऊर हेनर बंङज़ातंई। अगर दू नाश शुहचे यवाह दंङ हेंदिंङ परमेश्वरो तरफे स्वर्गंङ इच्च़ा झांह ठ्रोह फुक खोकसोतो, अंऊ गुह्ट्रे बणाषी माह पर हमेशा तचेक बणेंके बंङज़ोतो।

इफिसियों 3:20

परमेश्वरो महिमा शुहबी जूंस! दुह झांह ठ्रोह सामर्थी परमेश्वर तोह, अंऊ हेंदु बिनती ए सोचेक्सी ए समझेक्सी बे ला महस लेह तरच़ा। दोई एनोह सामर्थ हेंदु अंदरेग कम लहज़ा। दोऊ महिमा विशवासी तु झुण्डा रिंङ ए मसीह यीशु पीढ़ी बे पीढ़ी तचेक हमेशा-हमेशा शुहवा लोहतो। अमीन।

1 तीमुथियुस 6:17

दि संसारो साहुकारातिंङ हुकुम रांई कि दोरे घमण्डी थाशुंई दंङ एनोह ढबोह टोहकठे विशवास तंही अंऊ कि महस टेम तचेक माह बंङज़ोतो, पर परमेश्वरो टोईच़ी विशवास लोह, अंऊ हेंदु सुखो थल्जी भत्ते धिर महस रंड्रा।

2 तीमुथियुस 4:18

प्रभु गिह्बी हर इच्च़ा मदम कमो दोरच़ी बचाएपोतो अंऊ गिऊ नुकसान लहज़ा, दंङ दोई गेह एनोह स्वर्ग राजारिंङ सही-सलामत रैंज़ा शोतो। दोऊ महिमा हमेशा शुहवा लोहतो। अमीन।

2 तीमुथियुस 4:8

दंङ हेंतेग जीतो दुह मुकुट गिऊ थल्जी रुमज़ा, छना कुचे गेह घेंङौ जीवनो दोरच़ी परमेश्वराबि खुश लहतेग। प्रभु अंऊ धर्मिकताओ कम रंङ साते भत्ते मीहतु न्याय लहज़ा दुह, दुह ध्याड़ा गिह्बी दुह मुकुट रमतो अपेहल न्याय लहज़िमी थल्जी दोबारा अपतो पर दुह गिह्बी ए मशत पर दोतिंङ भत्ते दि ईनाम रमतो अंऊ दोऊ यह्च़ा अपिमी थल्जी रुमज़ा तोतोर।

इब्रानियों 6:17

झांह लेह परमेश्वरे ला इच्च़ा कसम लहरी। दिऊ दोरच़ी दोई दू मीहतिंङ अंऊ दोतंङ वाईदा लहसी तोह दि कंड्री तते कि दोई दोबि पूरा लोहतो अतु दोई वाईदा लहसी ततो।

2 पतरस 1:1

गेह, शमौन पतरस, अंऊ यीशु मसीहऊ दास ए प्रेरित शुगाह, केतिंङ चेहच़ातग। गेह केहतु भत्ते तु थल्जी चेहच़ातग। अंऊ दुह बहुमूल्य विशवास बि ठ्रोहका लहज़ातंई अंऊ हेंदु परमेश्वर ए उद्धार लहज़ा यीशु मसीहू दोरच़ी हेंदिंङ रांहषी तोह, अंऊ हेंदिंङ परमेश्वरा रंङ साते धर्मी ठहराच़ा।

2 पतरस 1:5

दंङ झांह लेह पक्‍का लंहि कि केरे माह सिर्फ मसीहू टोईच़ी विशवास लहज़ातंई, बल्कि दि ला कि केरे हेले रिंङ रूठे जीवन श्रींङमातंई, दंङ केतिंङ माह सिर्फ दुह लेह जूंशी तोह अंऊ रूठे तोह, बल्कि केतिंङ झांह ठ्रोह मीहरे ला बणेक्पि जूंशी तोह अंऊ समझदारी रंङ साते व्यवहार लेह ञेंच़ातोर,

2 पतरस 2:20

मीहरे संसारो बुराई दोरच़ी हुंच़ा इलिर अपेहल दोच़ी यीशु मसीह बि एनोह प्रभु ए उद्धारकर्ता ओ रूपा रिंङ ग्रहण लहरिर। पर हेंतेग यह्च़ा इच्च़ा फेरा बुराई रिंङ शुरू शुहचे इलजी तोतोर दंङ मदम कम दोतिंङ एनोह हिसाबे लेह चरच़तो, झांह लेह हेंतेग मसीह बि अस्वीकार लहज़िमी थल दोतु अंतिम दशा दोतु विशवासी शुहबी रंङ साते बे तुहई कि दशा बेहच़ी खराब शुहचे इलि।

2 पतरस 3:18

पर केतिंङ हेंदु प्रभु ए उद्धारकर्ता यीशु मसीहू मोह्ड़े दाह बि ऊई महसे बे महसे महसूस लेह जूंशी तोह, दंङ दोऊ थल्जी हेंदु समझा रिंङ बढ़ेक्पि जूंशी तोह। दोऊ महिमा हेंतेग हमेशा थल्जी शुहबी जूंस। अमीन।

प्रकाशित वाक्य 3:21

अंऊ दोई जय खोकपोतो, गेह दोबि घेंङारंङ साते सिंहासनो टोईच़ी बंङज़ी लोहग, छना गेह ला जय खोकशी ते घेंङौ बाह रंङ साते दोऊ सिंहासनो टोईच़ी बंङज़ा इलिगा।

प्रकाशित वाक्य 5:10

“दंङ दोतिंङ हेंदु परमेश्वरो थल्जी केई झांह ठ्रोह मीह बणाके चरच़ातन अंऊ दोतु टोईच़ी हेंदु परमेश्वरे राज लहज़ा, दंङ झांह ठ्रोह पुरोहित बणाएक्ते अंऊ दोऊ सेवा लहज़ातोर, दंङ दोरे धरतीऊ टोईच़ी राज लोहरे।”