2 पतरस 1:1 - लाहौली बाइबिल

¹ गेह, शमौन पतरस, अंऊ यीशु मसीहऊ दास ए प्रेरित शुगाह, केतिंङ चेहच़ातग। गेह केहतु भत्ते तु थल्जी चेहच़ातग। अंऊ दुह बहुमूल्य विशवास बि ठ्रोहका लहज़ातंई अंऊ हेंदु परमेश्वर ए उद्धार लहज़ा यीशु मसीहू दोरच़ी हेंदिंङ रांहषी तोह, अंऊ हेंदिंङ परमेश्वरा रंङ साते धर्मी ठहराच़ा।

2 पतरस 1:1 Iomraidhean Croise

मत्ती 10:2

दुह सनी प्रेरितातु मिन दिह तोहई; पहला शमौन, अतिंङ पतरस लाह कुट्री, दोऊ न्वा अन्द्रियास, जब्दीऊ योह याकूब ए यूहन्ना।

मत्ती 4:18

गलीलो झीलो मुखंङ जोतर दोई झुह्ट न्वाकु यानि शमौनाबि अरी पतरस कहलाच़ा, दंङ दोऊ न्वा अन्द्रियासबि झीलंङ जाल केहट्री तंङाहते; छना कुचे दोरे म्हच चुमज़ारे तोईरे।

लूको 1:47

दंङ गिऊ आत्मा गिऊ उद्धार लहज़ा परमेश्वरो दोरच़ी खुश शुहचे इलि।

लूको 11:49

झांह लेह परमेश्वरो समझे ला दिह कुंई कि, ‘गेह दोतु कछंङ भविष्यवक्तातिंङ ए प्रेरिता तिंङ च़रपोग, दंङ दोच़ी दोतु बिचंङज़ि रेह दोतिंङ सचे च़रपोर दंङ रेह दोतिंङ परेशान लोहर।’

यहून्नो 1:42

अन्द्रियासे शमौना बि यीशु कछंङ हति यीशु ज़ि दुह खांई कुहतो, “कांह यूहन्ना ओ योह शमौन शुनाह, कांह कैफा मतलब पतरस कहलाएपोन।”

यहून्नो 12:26

अगर अच़िया गिऊ सेवा लोहतो, ता दोरे गिऊ चेलार बणेक्तुंई; दंङ अंऊर गेह बंङज़ोग दोर्तिंङ गिऊ सेवा लहज़ा ला शोतो; अगर अच़िया गिऊ सेवा लोहतो, ता पिता परमेश्वरे दोऊ आदर लोहतो।

यहून्नो 20:21

यीशु ज़ि यच़ाह दोतंङ साते कुंई, “केतिंङ शांति खोकसी जूंस; छना ठ्रोह गिऊ पिता परमेश्वरे गिह्बी संसारारंङ च़रसी तोह, ध्वांए गेह ला केतिंङ संसारारंङ च़रच़ातोग।”

प्रेरित 15:14

शमौन पतरसे समझाएकाते, कि परमेश्वरे मुन्डा रिंङ छना साबित लहरी कि दुह ऊईजाति तु ख्याल तहज़ा, दंङ दोतु बिचंङ ज़ि रेह मीहतिंङ एनोह मीहरे शुहबिमी थल्जी अंङे च़रति।

रोमियो 1:1

गेह पोलुस दि डाक च़ेहसी लेहकी तोतोग, अंऊ यीशु मसीहू परगर शुगाह, परमेश्वरे गेह प्रेरित शुहबिमी थल्जी अंङषी शुगाह, दंङ परमेश्वरो तरफे दुह रूठे खबरो प्रचार लहज़िमी थल्जी शत्‌ह लेह च़रति।

रोमियो 1:12

गिऊ कुट्रिमी दि मतलब तोह कि अपेहल गेह केहतु कछंङ अपोग, दंङ गेह ए कांह हेंदु बिचंङ इदि-अई दिऊ विशवासो दोरच़ी उत्साहित शुहचे योंई।

रोमियो 1:17

छना कुचे रूठे खबरा रिंङ परमेश्वरे दि प्रगट लाह कि दुह मीहतङ भत्ते रिति रंङ धर्मी घोषित लहज़िमी जोगे तोह, अंऊ दू शुरूआत बेहच़ी थल मुखंङ तचेक विशवासा रिंङ टिकेकी तोह छना पवित्र शारत्ररिंङ च़ेहसी तोह, “विशवासो दोरच़ी धर्मी मीह श्रींङे बंङज़ोतो।”

1 कुरिन्थियों 1:30

पर परमेश्वरे केतिंङ यीशु मसीह रंङ साते इच्च़ा लेह च़रति, दंङ यीशु मसीहू दोरच़ी दोई हेंदिंङ एनोह ज्ञान रंड्रा। परमेश्वर हेंदिंङ एनोह नज़रारिंङ धर्मी ला साबित लहज़ा। यीशु मसीहू दोरच़ी हेनर पवित्र शुहचे तोंहि, दंङ दोई हेंदिंङ पापो दोरच़ी आज़ाद लेह च़रच़ा।

1 कुरिन्थियों 15:9

छना कुचे गेह प्रेरिता तु बिचंङ भत्ते बे कम खास शुगाह, हेले कोहग ता गेह प्रेरित कुट्रीमी जोगे ला माह शुगाह, छना कुचे गेह परमेश्वरो टोईच़ी विशवास लहज़ा मीहतिंङ तंग लहज़ातेग।

1 कुरिन्थियों 9:1

छिल्ला धिर गेह लहज़ी जुंज़ातग, दुह लहज़िमी थल्जी गेह आज़ाद तोतोग, गेह प्रेरित शुगाह, गेह हेंदु प्रभु यीशु बि तंङातेग, केरे प्रभु रिंङ लहसी गिऊ सेवा ऊ नतीज़ा शुईं।

2 कुरिन्थियों 4:13

पर हेनर प्रचार लहज़ी जारी तच़ातंई छना कुचे हेंदिंङ ध्वांए विशवास तोह, छना भजनकार बि तोहई, अंऊ पवित्र शास्त्रारिंङ च़ेहसी तोह, “गेह परमेश्वरो टोहकठे विशवास लहरिगा, झांह लेह गेह कुईगा।” हेंज़ी ला विशवास लहज़ातंई, झांह लेह हेंज़ी कुट्रातंई।

2 कुरिन्थियों 5:21

मसीह, अंऊ पापो दोरच़ी अंजान तोहई, परमेश्वरे हेंदु पापो थल्जी मसीह बि पापो दोष लगाएती ठहराति, ताकि हेनर परमेश्वरो नज़रा रिंङ धर्मी शुहचे योंई छना कुचे मसीह ज़ि हेंदु पापो सज़ा एनोह टोहकठे लेहपच़े च़रति।

गलातियों 2:8

छना कुचे अंऊ परमेश्वरे पतरसा बि यहुदी तु प्रेरित बणाके दोऊ दोरच़ी सेवा कम लहरी, दोई ए गिह्बी ऊईजाति तु प्रेरित बणाके गिऊ दोरच़ी सेवा ओ कम लहरी।

इफिसियों 3:5

दि गुप्त भेद तुहई कि पीढ़ी तु मीहतिंङ कांहषी माह, हेंतेग पवित्र आत्माज़ि एनोह पवित्र प्रेरित ए परमेश्वरो खबर रंड्रा मीहतु टोहकठे प्रगट लहसी ततो।

इफिसियों 4:11

दि मसीह तोहई अच़ि दि ज़िम्मेवारी कलीसिया बि रेंई: दोई रेह तिंङ प्रेरित शुहबिमी थल्जी अंङे च़रति दंङ रेह तिंङ भविष्यवक्ता बणेषिमी थल्जी, दंङ रेह तिंङ रूठे खबर सुनाएच़िमी थल्जी, दंङ रेह तिंङ रखवाली लहज़िमी थल्जी दंङ रेह तिंङ सिखाच़िमी थल्जी अंङे च़रतिर।

इफिसियों 4:5

हेंदु भत्ते तु इच्च़ा ए प्रभु तोह, अतु टोहकठे हेंज़ी विशवास लहज़ातंई, दंङ सिर्फ मसीहू मिंदंङ ए हेंदिंङ बपतिस्मा खोकसा तोह।

फिलिपियों 1:1

गेह पोलुस ए तीमुथियुस अंऊ यीशु मसीहू सेवक शुई, ञेंहतु तरफे केरे परमेश्वरो मीहतिंङ दंङ मुख्या तिंङ ए सेवका तिंङ दि डाक चेहच़ातग। अंऊ यीशु मसीह रिंङ शुहचे फिलिप्पी शहरारिंङ बंङज़ातोर।

फिलिपियों 1:29

छना कुचे मसीह वहज़ा ज़ि केहतु टोईच़ी दि मोह्ड़े दाह शुई, कि माह सिर्फ दोऊ टोईच़ी विशवास लंहि पर दोऊ थल्जी दुख लाह उठाकतेंई।

फिलिपियों 3:9

ताकि गेह मसीह रंङ साते एकता रिंङ बणेंके बंङज़ोग, माह कि घेंङौ दुह धर्मिकता रंङ साते, अंऊ मूसा ओ कानूनरंङ साते तोह, पर मसीहू टोहकठे विशवास लहच़िमी रंङ साते अंऊ परमेश्वरो दोरच़ी विशवास लहच़िमी रंङ साते खोकसा।

2 तीमुथियुस 1:5

गिह्बी कनु याह यूनिस ओ सच्चा विशवास हिद तोह। दंङ कनु नानी लोइस ओ विशवास ला ध्वांए तोह, दंङ गिह्बी विशवास तोह कि कांह ला दिए विशवास तोह।

तीतुस 1:1

गेह पोलुस अंऊ परमेश्वरो दास ए यीशु मसीहू प्रेरित शुगाह, केतिंङ दि डाक चेहच़ातग। गेह परमेश्वरो अंङषी मीहतिंङ पक्‍का लहज़ी ए दुह सच्चाईऊ शिक्षा समझेक्सिमी थल्जी अंङषी शुई, ताकि दोरे झांह ठ्रोह जीवन श्रींङमोंई अंऊ परमेश्वराबि खुश लहज़ा।

तीतुस 1:4

गेह दि डाक तीतुस बि चेहच़ातग। अंऊ गिऊ थल्जी इच्च़ा योह ठ्रोह तोह छना कुचे कांह ला मसीहू टोहकठे विशवास लहज़ा छना गेह लहज़ातग गेह प्रार्थना लहज़ातग कि बाह परमेश्वर ए हेंदु उद्धार लहज़ा प्रभु यीशु मसीह केतिंङ मोह्ड़े दाह ए शांति रम्मा लोहतो।

तीतुस 2:13

हेनर झांह ठ्रोह व्यवहार लोंहि कि अपेहल हेनर उम्मीदा रंङ साते दुह अद्धभुत ध्याड़ा बि रुमज़ा तोंई, अपेहल यीशु मसीह अंऊ हेंदु मोह्ड़े परमेश्वर ए उद्धारकर्ता शुह, एनोह भत्ते महिमा रंङ साते धरती ऊ टोहकठे प्रगट शोतो।

याकूब 1:1

गेह याकूब अंऊ परमेश्वर ए प्रभु यीशु मसीहऊ दास शुगाह, इस्राएलो अंऊ सनी गोत्र अंऊ संसारो शत्‌ह-शत्‌ह ठहरि बंङज़ा तोरे केतिंङ दि डाक चेहच़ातग केतिंङ भत्तेतिंङ गिऊ नमस्ते।

1 पतरस 1:1

गेह, पतरस अंऊ यीशु मसीहू प्रेरित शुगाह, दि डाक चेहच़ातग। गेह दि डाक परमेश्वरो अंङषी दू मीहतिंङ चेहच़ातग, अंऊ कि पुन्तुस, गलातिया, कपुदूकिया, आसिया, ए बितुनिया प्रदेशो शत्‌ह-शत्‌ह शहरा रिंङ परदेशी तु ठ्रोह बंङज़ातेर।

1 पतरस 1:7

दि मुसीबतो मकसद दि कंड्री तोह छि केरे हेले रिंङ परमेश्वरो टोईच़ी विशवास लहज़ातंई। यीशु मसीह रिंङ केहतु विशवास ज़ंङ बे महस कीमती तोह। छना नाशवान शुहच़ा ज़ंङ मेहू बिचंङ परखेक्च़िमी थल्जी दंङ शुद्ध लेह, ध्वांए ठ्रोह अगर केहतु विशवास परखकेक्सी रंङ साते विशवास पक्‍का शुहवा, दंङ दू ध्याड़ा महस षटणा ए मोह्ड़े दाह ए आदर रमतो अपेहल यीशु मसीह यह्च़ा अपतो।

1 पतरस 2:7

दि रह्घ केहतु थल्जी महस कीमती तोह अंऊ यीशु मसीह टोईच़ी विशवास लहज़ातंई। पर अंऊ मीहरे दोऊ टोईच़ी विशवास माह लहज़ातोर दोतु पाहठी पवित्र शास्त्रे कुट्रा कि, “राजमिस्त्रिज़ि अंऊ रह्घ तु इस्तेमाल लहज़िमी थल्जी इन्कार लेह च़रतिर, दू चुंङी मुयांदो थल्जी भत्ते बे खास रह्घ बणेंके इलि।”

1 पतरस 5:1

रें झांह ठ्रोह गप्पा तोह अंऊ गेह दोरकी सेंहणा तंङ साते कुट्री तातग छना कुचे गेह ला केहतु ठ्रोह इच्च़ा सेंहणा शुगाह। गेह घेंङौ दू दुखा बि तंङातेग अंऊ महसे तुहई मसीह ज़ि सहन लहरी। अपेहल दू यह्च़ा वापिस अपतो, दंङ गेह ला दोऊ महिमा रिंङ सहभागी शोहग दंङ गेह केतंङ साते विनती लहज़ातग,

2 पतरस 1:4

दि भत्ते धिरो दोरच़ी परमेश्वरे हेंदिंङ महसे महान ए अनमोल वरदान रांहषी ततो अतु दोई वाईदा लहसी तते। ताकि दि वरदाना तु इस्तेमाल लहज़ी हेनर संसारो दुह मदम हिटी ओ दोरच़ी बचेके तरपोंई अंऊ मीहतिंङ नाश लहज़ा, दंङ परमेश्वरो व्यवहार सहभागी शुहचे योंई।

यहूदा 1:1

गेह, यहूदा, अंऊ यीशु मसीहू इच्च़ा सेवक ए याकूबो कवचि न्वा शुगाह, केतिंङ दि डाक चेहच़ातग, अंऊ दोतिंङ परमेश्वरे एनोह टोईच़ी विशवास लहज़िमी थल्जी बुलासी ततो। हेंदु परमेश्वर बाह केतंङ साते दाह लहज़ा दंङ केतिंङ यीशु मसीह रिंङ बचाके तहज़ा।