2 यूहन्ना 1:6 - लाहौली बाइबिल

⁶ परमेश्वरा रंङ साते दाह लहज़िमी दि तरीका तोत कि हेनर ध्वांए श्रींङमोंई छना परमेश्वरे कुट्रा कि ञेंतिंङ श्रींङमी जूंशी तोह। दिह दुह ए हुकुम शुह, अंऊ केहच़ी शुरूआत बे रैहशी तातंई, कि केतिंङ हमेशा केनातु बिचंङ दाह लहज़ी जूंशी तोह।

2 यूहन्ना 1:6 Iomraidhean Croise

यहून्नो 14:15

“अगर केहच़ी गेरंङ दाह लोहनी, ता गिऊ हुकुम मनेक्पोंई।

यहून्नो 14:21

अतु कछंङ गिऊ हुकुम तोह, दंङ दोई दुह मनेक्च़ा, दोई ए गेरंङ साते दाह लहज़ा, दंङ अच़ि गेरंङ साते दाह लाह, दोरंङ साते गिऊ पिता परमेश्वरे दाह लोहतो, दंङ गेह दोरंङ साते दाह लोहग, दंङ घेंङा बि दोऊ टोईच़ी प्रगट लोहग।”

यहून्नो 14:23

यीशु ज़ि दोबि जुबाब रेंई, “गेह घेंङा बि झांह ठ्रोह मीहतिंङ कमोग अच़ि गेरंङ साते दाह लहज़ातोर दंङ अच़ि गिऊ शिक्षा ओ भाषे लहज़ातोर। दुह गिऊ पिता परमेश्वरो प्यारे मीह शोतो दंङ हेनर दोऊ कछंङ अंज़े दोरंङ साते बंङज़ोई।”

यहून्नो 15:10

अगर केहच़ी गिऊ हुकुम मनेक्फोई, ता गिऊ दाह रिंङ बणेंके बंङज़ोन; छना कि गेह घेंङौ पिता परमेश्वरो हुकुम मनेक्च़ातेग, दंङ दोऊ दाह रिंङ बणेंक बंङज़ातग।

यहून्नो 15:14

छिला धिरो हुकुम गेह केतिंङ रंड्रातग, अगर दुह लोहनी, ता केहरे गिऊ मित्र शुई।

1 यूहन्ना 2:24

ध्यान तंही; अपेहल केहच़ी मसीहू टोहकठे विशवास लहज़ातंई दंङ अंऊ सच्चाई ऊ बचन केहच़ी रैहशी तातंई, अगर दुह केतिंङ बणेंके बंङज़ोतो, दंङ केरे लाह योह रंङ साते, दंङ बाह परमेश्वर रंङ साते बणेंके बंङज़ोंई।

1 यूहन्ना 2:5

पर अच़िला परमेश्वरो बचनो पालन लहज़ा, दोरिंङ हेले परमेश्वरो दाह सिद्ध शुहचे तोह, हेंदिंङ दिरंङ ए पता लेहकी यवात कि हेनर परमेश्वरा रंङ साते बणेंके तोतोंई।

1 यूहन्ना 2:7

हे प्यारे, गेह केतिंङ अंऊ ला खरकोई हुकुम माह चेहच़ातग, पर दुह ए पुराना हुकुम अंऊ शुरूआत बे केतिंङ खोकसा तोह; दिह पुराना हुकुम दुह वचन शुह अंऊ दुह केहच़ी रैहशी तातंई, अपेहल केहच़ी यीशु मसीहू टोहकठे विशवास लहज़ातंई।

1 यूहन्ना 5:15

दंङ अपेहल हेंज़ी ञेंच़ातंई, कि छिल्ल धिर हेंज़ी परमेश्वरो दोरच़ी पेट्रातंई, दंङ दिला ञेंच़ातंई कि छिल्ला धिर हेंज़ी दोऊ दोरच़ी पेट्रातंई, दुह खोकशातंई।

1 यूहन्ना 5:3

परमेश्वरारंङ साते दाह लहज़िमी मतलब तोह, दोऊ हुकुम मनेक्च़ी: दंङ दोऊ हुकुम मनेक्च़ी खरे माह।

2 यूहन्ना 1:5

दा हे न्वाशा, गेह करंङ साते विनती लहज़ातग कि ञेंतिंङ इदि-ऊईदि रंङ साते दाह लहच़ी जूंशी तोह। दिह छल्ले खरकोई हुकुम माशुह पर दुह ए आज्ञा शुह अंऊ हेंज़ी दुह टेम बेहच़ी ञेंहच़ातोंई अपेहल ञेंहच़ी मसीहू थल्जी जोज़ी शुरू लहतंई।