2 यूहन्ना 1:2 - लाहौली बाइबिल

² ञेंरे केतंङ साते दाह लहज़ातंई छना कुचे हेनर सच्चाई शिक्षा ओ टोहकठे विशवास लहज़ातंई, दंङ दुह शिक्षा हमेशा बणेंके बंङज़ोतो।

2 यूहन्ना 1:2 Iomraidhean Croise

यहून्नो 14:16

दंङ गेह पिता परमेश्वरारंङ साते बिनती लोहग, दंङ दोई केहतु थल्जी हमेशा साते बंङज़ा इच्च़ा मदतगार बि रमतो।

यहून्नो 15:7

अगर केहरे गेरंङ बणेंके बंङज़ोन, दंङ गिऊ शिक्षा केतंङ शोतो ता छिला धिर पेट्रोंई ता गेह दुह लोहग।

1 कुरिन्थियों 9:23

दंङ गेह भत्ते धिर मसीहू पाहठी रूठे खबर प्रचार लहज़िमी थल्जी लहज़ातग, ताकि दू आशीष तु हिस्सा गिह्बी ला खोकसा इबि जूंस, अतु वाईदा रूठे खबरारिंङ लहसी तोह।

2 कुरिन्थियों 4:5

छना कुचे हेनर हेंदिंङ मशत, पर यीशु मसीह बि प्रचार लहज़ातंई, कि यीशु मसीह ए प्रभु शुह; दंङ हेंदु पाहठी दि कुट्रातंई कि ञेंरे यीशु वहज़ा ज़ि केहतु सेवक शुई।

कुलुस्सियों 3:16

मसीहू बचन रे केनातु सेहमरिंङ महसे बसेकपि रांई, दंङ सिद्ध ज्ञाना रंङ साते इदि अईदि बि सिखाएतुंई दंङ सलाह रांई, दंङ केनातु सेहमरिंङ धन्यवाद रंङ साते परमेश्वरो थल्जी भजन ए स्तुतिगान दंङ आत्मिक गीत कुंई।

2 तीमुथियुस 1:5

गिह्बी कनु याह यूनिस ओ सच्चा विशवास हिद तोह। दंङ कनु नानी लोइस ओ विशवास ला ध्वांए तोह, दंङ गिह्बी विशवास तोह कि कांह ला दिए विशवास तोह।

2 पतरस 1:12

हालांकि केहच़ी तुहई बेहच़ी ए दि गप्पारे ञेंहच़ातंई, दंङ दुह हेले ज्ञानो टोईच़ी विशवास लहज़ातंई, अंऊ मीहच़ी केतिंङ रांहषी तातोर, गेह केतिंङ दोतु पाहठी लगातार हिद रम्मा लोहग।

1 यूहन्ना 1:8

अगर ञेंहच़ी कुंई कि हेंदिंङ छिल्ला पाप माह लंई दंङ घेंङाबि धोखा रंड्रातंई, दंङ ञेंहच़ी कांह सच्चाई टोहकठे विशवास माह लहज़ा तंई अंऊ परमेश्वरे कुट्रा।

1 यूहन्ना 2:14

हे सेंहणा रे, गेह केतिंङ दिऊ थल्जी चेहच़ातग, कि अंऊ शुरूआत बेहच़ी तोह केहच़ी दुह सेहच़ी चरच़ातंई। हे जवान रे, गेह केतिंङ झांह लेह च़ेहसी तरेग, कि बलवन्त शुहचे तोहई, दंङ परमेश्वरो बचन केतंङ साते बणेंके बंङज़ोतो, दंङ केहच़ी दुह मांजी शेतानो टोहकठे जय खोकच़ातंई।

1 यूहन्ना 2:17

संसार ए दोऊ हिटी झुल्ला योह्सा योतो, पर अंऊ परमेश्वरो हिटी टोहकठे ज़ोज़ा दुह हमेशा बणेंके बंङज़ोतो।