2 कुरिन्थियों 9:2 - लाहौली बाइबिल

² छना कुचे गेह केहतु रंड्रीमी हिटी बि ञेंहगा, अतु वहज़ा ज़ि केहतु पाहठी मकिदुनिया इलाको कलीसिया ओ तुईज़ी घमण्ड लहज़ातग, कि अखाया प्रदेशो केरे मीहरे इच्च़ा साल बेहच़ी तेयार शुहबी लेहकी तोतोंई, दंङ केहतु खुशी रिंङ ऊई महस मीहतिंङ प्रेरणा खोकसिरी।

2 कुरिन्थियों 9:2 Iomraidhean Croise

प्रेरित 18:12

अपेहल गल्लियो अखाया प्रदेशो राज्यपाल तोहई दंङ यहुदी मीहरे ठ्रोहका शुहचे पोलुसो खिलाप खड़े शुहचे इलिर, दंङ दोबि कोर्टो तुहई ज़ि हंजे कुट्री लेहतिर,

प्रेरित 24:17

महस सालो थल गेह गरीब मीहतिंङ दान पिट्री, दंङ परमेश्वरा बि बलि चाढसी यरूशलेम शहर वापिस अतिगा।

रोमियो 15:26

छना कुचे मकिदुनिया ए अखाया प्रदेशो कलीसिया ओ मीहतिंङ दि रूठे चेहतिर, कि दोरे यरूशलेम शहरो मीहतिंङ अंऊ गरीब तोतोर, छा दान रमोर।

1 कुरिन्थियों 16:15

हे गिऊ प्यारे साथी विशवासी रे, केहच़ी स्तिफनुसो टबरातिंङ ञेंईनि आ, कि दोरे अखाया प्रदेशो मुण्डो तोईरे अच़ि मसीहू टोईच़ी विशवास लहरिर, दंङ परमेश्वरो मीहतु मदत लहज़िमी थल्जी तेयार बंङज़ातोर।

2 कुरिन्थियों 1:1

गेह, पोलुस दि डाक च़ेहच़ी लेहकी तोतोग। गेह परमेश्वरो हिटी रंङ यीशु मसीहू प्रेरित शुगाह। दंङ हेंदु साथी विशवासी तीमुथियुसो तरफे परमेश्वरो दू कलीसिया बि च़ेहच़ी लेहकी तोतोग अंऊ कुरिन्थुस नगरंङ तोह, दंङ परमेश्वरो भत्ते मीहतिंङ अंऊ अखाया ओ नगरंङ बंङज़ातोर।

2 कुरिन्थियों 7:14

छना कुचे अगर गेह दोऊ तुईज़ी केहतु पाहठी घमण्ड लहरिगा, दंङ दोऊ थल्जी गिह्बी षेह्पिमी माह पडे़क्ति। गेह केहतु हखा छिल्ला कुहतेग, दू भत्ते हेले तोहई। झांह लेह तीतुसो तुईज़ी गेह घमण्ड लहच़ी छि कुहतेग, दू हेले हुंच़िरी।

2 कुरिन्थियों 7:4

गेह केतंङ साते भत्ते भरोसा रंङ साते कुट्रातग दंङ गिह्बी केहतु टोईच़ी घमण्ड तोह, दिरिंङ गिह्बी महस तसल्ली खोकसा; दंङ घेंङौ भत्ते दुखारिंङ ला, गेह खुशी रंङ भरपूर बंङज़ातोग।

2 कुरिन्थियों 8:10

न्याकि साल केरे माह सिर्फ दान रंड्री पर झांह ठ्रोह लहज़िमी हिटीरिंङ ला भत्ते बे मुण्डा तोईनी। दि पाहठी केहतु थल्जी भत्ते बे रूठे छि तोह दोऊ पाहठी गिऊ सलाह दि तोह; हेंतेग केहच़ी छि शुरू लाहतंई दोबि पूरा लंहि। शायद केरे ला दिबी योहच़िमी थल्जी धोंण ए खुश तोतोंई अंयों कि केरे दिबी शुरू लहज़िमी थल्जी तोईनी।

2 कुरिन्थियों 8:19

दंङ धोंण ए मशत, पर दू विशवासी तु दोरच़ी ठहरासी ला तोह कि दि दानो कमो ओ थल्जी ञेंतंङ साते योतो दंङ ञेंहच़ी दि सेवा दिऊ थल्जी लहज़ातंई, कि प्रभु महिमा ए दि कंड्रिमी थल्जी कि ञेंरे यरूशलेमा रिंङ विशवासी तु मदत लहज़िमी थल्जी खुश तोतोंई।

2 कुरिन्थियों 8:24

झांह लेह एनोह दाह ए हेंदु घमण्ड अंऊ केहतु पाहठी तोह कलीसिया तु तुईज़ी सिद्ध लेह दोतिंङ कंड्रु।

2 कुरिन्थियों 8:8

गेह हुकुमो रीति ओ टोहकठे ता माह, पर ऊईतु खुशी रिंङ केहतु दाह ओ सच्चाई बि परखेक्च़िमी थल्जी कुट्रातग।

1 थिस्सलुनीकियों 1:7

अतु नतीज़ा दि शुई कि मकिदुनिया ए अखाया ओ प्रदेशो भत्ते विशवासी तु थल्जी केरे नमूना बणेंके इलांई।

इब्रानियों 10:24

अतंई हेनर इदि-अई दिरंङ साते दाह ए रूठे कमो दोरच़ी इदि-अईदि बि याहब रम्मा लोंहि।