2 कुरिन्थियों 8:9 - लाहौली बाइबिल

⁹ केहच़ी ञेंहतु प्रभु यीशु मसीहू मोह्ड़े दाह ञेंच़ातंई, कि दू साहुकार शुहचे ला केहतु थल्जी गरीब शुहचे इलि ताकि दोऊ गरीब शुहबी रंङ साते केरे साहुकार शुहचे ईलांई।

2 कुरिन्थियों 8:9 Iomraidhean Croise

मत्ती 17:27

तांला दिऊ थल्जी कि हेंज़ी दोतिंङ ठोकर मराहई केई झीलो कछंङ इलजे जाल केहऊ दंङ अंऊ मह्छ़ तुहई हुंज़तो दुह लेहप्तु दोऊ आह अल्ज़े कनिंङ इच्च़ा सिक्का खोकसोतो, दुए गिऊ ए केनोह तरफे दोतिंङ रेह च़रतु।”

मत्ती 20:28

छना कि गेह मीहू योह; दिऊ थल्जी अंज़े मशुह कि गिऊ सेवा टहल शुहबी जूंस, पर दिऊ थल्जी अंज़े शुह कि सेवा टहल लोहग, दंङ महसतिङ बचाएच़िमी थल्जी घेंङौ जान रमोग।”

मत्ती 8:20

यीशु ज़ि दोरंङ साते कुतोह, “गव्वा तु गुफा ए प्यारेतु बंङज़िमी थल्जी बंङ शुहबी पर गेह मीहू योह बि बंङज़िमी थल्जी घरबार ला माह।”

मरकुसो 6:3

दि ता मिस्त्रीऊ, ए मरियमो योह शुह, दंङ याकूब, योसेस, यहूदा, दंङ शमौनो मोह्ड़े न्वा शुह। दिऊ रिङरेह ला ञेंहतु बिचङ बंङज़ातोर, दोच़ी दोबि ठुकराके केई।” झांह लेह दुह मीहतिंङ दोऊ टोहकठे शक शुहचे इलि दंङ दोच़ी दोऊ टोहकठे विशवास माह लहरिरे।

लूको 16:11

दिऊ थल्जी अगर केहरे संसारो ढबाहरिंङ सच्चे माह केहषी ता स्वर्गीय ढबाह केतिंङ अच़ि रमोतो?

लूको 8:3

दंङ रज्ज़ा हेरोदेसो भंडारीऊ मेच़ा योअन्ना ए सुस्न्ना, दंङ ऊई ला मेच़मी। दिहरे एनोह टंगा-ढबाहो दोरच़ी द्वारा यीशु ए दोऊ चेला तु सेवा लह्ज़तेर।

लूको 9:58

यीशु ज़ि दोरंङ साते कुतोह, “गव्वा तु गुफा ए प्यारेतु बंङज़िमी थल्जी बंङ शुहबी, पर गेह मीहू योहू कछंङ इम लहज़िमी थल्जी ला घेंङौ घरबार माह।”

यहून्नो 1:10

दुह संसारारंङ तोहई, दंङ संसार दोऊ दोरच़ी बणाएषी तोहई, दंङ संसारो मीहज़ी दुह सेहच़ी मरतिरे।

यहून्नो 1:14

दंङ बचन इच्च़ा मीहू रुपंङ अति; दंङ मोह्ड़े दाह ए सच्चाईरङ परिपूर्ण शुहचे हेंदु बिचंङ डेरा लहरी, दंङ हेंज़ी दोऊ धिंङघा महिमा खंणी छना पिता (परमेश्वरो) इच्च़ा योह।

यहून्नो 1:17

दिऊ थल्जी कि कानून ता मूसा ओ दोरच़ी रांहषी शुह, पर परमेश्वरे मोह्ड़े दाह ए सच्चाई यीशु मसीहू दोरच़ी कंङातो।

यहून्नो 12:30

दिरंङ यीशु ज़ि कुंई, “दिह सग केहतु फायदा ओ थल्जी तोहई शब्द गिऊ थल्जी मशत्त गिऊ थल्जी मशत।

यहून्नो 16:15

छिला धिर पिता परमेश्वरो तोह, दुह भत्ते धिर गिऊ शुह; दिऊ थल्जी गेह केतंङ साते कुहतग, कि दोई गिऊ गप्पातु दोरच़ी केतिंङ कंबतो।

यहून्नो 17:19

दंङ दोतु फायदा ओ थल्जी गेह घेंङा बि पवित्र लहज़ातग कि दोरे ला सच्चाई ऊ दोरच़ी पवित्र लेह जूंस।

रोमियो 11:12

झांह लेह अगर इस्राएलो मीहतु अविश्वास ऊईजाति तु मीहतु भलाई वहज़ा बणेक्पा, दंङ इस्राएलो मीहतु परमेश्वरो कछंङ यहच़िमी थल्जी ऊई जाति ओ दोतिंङ महस रूठे शुचि शोतो।”

रोमियो 15:3

छना कुचे मसीह एनाबि खुश माह लहरी, पर छना पवित्रशास्त्रारिंङ च़ेहसी तोह, “कनु निंदा लहज़ा ज़ि गिऊ निंदा लाहतोर।”

रोमियो 5:8

पर परमेश्वरे हेंदु टोईच़ी एनोह दाह ओ भलाई दि रीति रंङ प्रगट लहज़ा, कि अपेहल हेनर पापी ए तोहनि दोहथर मसीह हेंदु थल्जी सिए इलि।

रोमियो 8:32

परमेश्वरे एनोह योह एनोह थल्जी माह, पर दोबि हेंदु थल्जी एनोह बैरीतु हवाले लेह च़रति, दोई हेंदिंङ दू भत्ते धिर रमोतो अतिंङ दोई हेंदिंङ रंड्रीमी वाईदा लहसी ततो।

1 कुरिन्थियों 1:4

गेह केहतु पाहठी घेंङौ परमेश्वरो धन्यवाद हमेशा लहज़ातग, छना कुचे दोई केतिंङ यीशु मसीह रंङ साते केहतु एकता ओ वहज़ा ज़ि महस आशीष रांहषी ततो।

1 कुरिन्थियों 15:47

मुण्डो मीह अंऊ आदम तोहई धरतीऊ दोरच़ी मतलब श्रोह रें बणाषी तोहई मसीह अंऊ कि दूसरा मीह शुह, स्वर्गंङ ज़ि अंज़े शुह।

2 कुरिन्थियों 13:14

गेह प्रार्थना लहज़ातग कि प्रभु यीशु मसीहू मोह्ड़े दाह ए परमेश्वरो दाह ए पवित्र आत्माओ सहभगिता केतंङ भत्ते तंङ साते शुहवा लोहतो। अमीन।

2 कुरिन्थियों 6:10

हेंदु कछंङ हेंदु टेम तोहई, पर हमेशा खुश बंङज़ातंई। हेनर कंगाल तोतोंई, पर महस मीहतिंङ आत्मिक तरीका रंङ साहुकार बणाके चरच़ातंई। हेनर झांह तोतोंई कि हेंदु कछंङ छल्ले माह, तांला हेंदु कछंङ भत्ते धिर तोह।

इफिसियों 2:7

परमेश्वर झांह दिऊ थल्जी लहरी ताकि अंजा ध्याड़ा रिंङ दू संसारो मीहतिंङ कंङे तरपोतो कि दोऊ मोह्ड़े दाह अंयों महान तोह। छिल्ला धिर दोई ञेंहतु थल्जी लहरी ञेंतिंङ दि मोह्ड़े दाह कंङातो अंऊ मसीह यीशु ऊ एकता रिंङ तोतोर।

इफिसियों 3:19

गेह प्रार्थना लहज़ातग कि, केरे मसीहू दि दाह ञेंए तरपोंई, अंऊ मीहु समझ बे धकते तोह, ताकि केहतु स्वाभाव परमेश्वरो स्वाभावो ठ्रोह शुहचे योतो।

इफिसियों 3:8

गेह परमेश्वरो भत्ते मीहतु बिचंङ कवचि शुगाह, पर परमेश्वरो मोह्ड़े दाह गिऊ टोहकठे शुई, कि गेह ऊईजाति मीहतिंङ मसीहू महसे आशीषो पाहठी रूठे खबर सुनाएपोग। दि आशीष अंऊ मसीहू दोरच़ी खोकसा, दुह मीहतु समझ बे धकते तोह।

कुलुस्सियों 1:24

दंङ हेंतेग गेह केहतु थल्जी अंऊ दुख सहन लहज़ातग दोऊ वहज़ा ज़ि खुश तोतोग। दंङ गेह लगातार घेंङौ फुको दुख सहन लहज़ातग, छना मसीह सहन लाहते, दंङ दि दुख गेह मसीहू कलीसियाओ थल्जी सहन लहज़ातग अंऊ मसीहू फुक शुह।

1 तीमुथियुस 6:18

दोतिंङ भलाई ऊ कम लहज़िमी थल्जी कुह, दंङ ऊईतु थल्जी छिल्ला ज़रूरत तोह दोबि महस खुले सेहमे दान रम्मा लंहि।

इब्रानियों 1:2

पर दि अन्तिम ध्याड़ारिंङ ञेंहच़ी हेंदु योह दोरच़ी गप्पा लहरिन। परमेश्वरे एनोह योह दोरच़ी भत्ते संसारो रचना लहरी दंङ दोबि भत्ते चीज़ा तु वारिस बणाके च़रति।

याकूब 2:5

हे गिऊ प्यारे साथी विशवासी रे रेड्रुंई। छि परमेश्वरे दि संसारो गरीबातिंङ अंङे चरच़तो कि दोरे विशवासरिंङ साहुकार, दंङ दुह राज्यऊ अधिकारी शोर, अतु वाईदा परमेश्वरे दोतंङ साते लहसी ततो, अंऊ दोहरंङ साते दाह लहज़ा तोर?

प्रकाशित वाक्य 2:9

गेह ञेंहच़ातग कि कनिंङ तंगी तोह दंङ काह गरीब तोतोन। पर आत्मिक रूपारिंङ काह महस साहुकार तोतोन। गेह दुह यहुदी मीहतु पाहठी ञेंच़ातग अंऊ दोच़ी दावा लहज़ातोर कि दोरे परमेश्वरो अंङषी मीहरे शुरे, पर तोतोर माह। दोरे कनु पाहठी मदम गप्पा कुट्रातोर, पर हेले रिंङ दोरे दुह झुंडो मीहरे शुरे अंऊ शेतानो तोह।

प्रकाशित वाक्य 21:7

अंऊ जय खोकपोरे, दोरे गिऊ दोरच़ी दि भत्ते आशीष खोकपोरे; दंङ गेह दोतु परमेश्वर शोहग, दंङ दुह गिऊ योह शोतो।

प्रकाशित वाक्य 3:18

झांह लेह गेह कनिंङ खबरदार लहज़ातग कि कनिंङ गिऊ दोरच़ी रूठे ज़ंङ च़ुमसी लेह्पोतो ताकि काह हेले रिंङ साहुकार बणेंके तरपोन। कनिंङ गिऊ दोरच़ी लेहच़िमी थल्जी छंङसी खमज़ेर ला च़ुमज़ि जूंशी तोह ताकि कनु फुक कपषा बंङज़तो दंङ काह शर्मिन्दा शुहबी मेस। दंङ कनिंङ केनोह टिरो इलाज लहज़िमी थल्जी गिऊ दोरच़ी अव्षत ला च़ुमज़ि जूंशी तोह ताकि केई खंड्री तरपोन।