2 कुरिन्थियों 8:7 - लाहौली बाइबिल

⁷ पर छना भत्ते गप्पारिंङ मतलब विशवास, बचनो प्रचार लहज़िमी थल्जी, ज्ञान ए भत्ते पाहठी ओ कोशिशो थल्जी, दंङ दू दाह रिंङ, अंऊ हेंदंङ साते तहज़ातंई, बढ़ेक्पा लाहतंई, ध्वांए गरीब विशवासी ओ थल्जी दि दानो कम रिंङ बढ़ेक्पा लंहि।

2 कुरिन्थियों 8:7 Iomraidhean Croise

मत्ती 25:22

दंङ अच़ि झुह्ट तोड़ा खोकसी तहरे दोईला अंज़े कुहतो, हे मालिका, केई गिह्बी झुह्ट तोड़ा रन्देन, खंणु गेह झुह्ट ऊहई तोड़ारे कमाकातग।

रोमियो 15:14

हे गिऊ प्यारे साथी विशवासी रे, गिह्बी पूरा विशवास तोह कि, केरे भलाई रंङ साते पिंङे तोंई दंङ केहच़ी दि रूठे रंङ ञेंच़ातंई कि केतिंङ छि लेह जूंशी तोह। दंङ इदि-अईदि बि सिखाएच़ा लोह।

1 कुरिन्थियों 1:5

मतलब दि कि केहतु मसीह रंङ साते इच्च़ा शुहबिमी वहज़ा ज़ि परमेश्वरे केतिंङ दू भत्ते महसे रंङ साते रांहषी ततो अतु केतिंङ ज़रूरत तोह। खास लहज़ी, दोई केतिंङ परमेश्वरो खबर ए एनोह बचनो ज्ञान ऊईतिंङ कंड्रिमी थल्जी महस पाहठी आत्मिक वरदान रांहषी ततो।

1 कुरिन्थियों 12:13

छना कुचे हेंज़ी भत्ते ज़ि चाहे दू यहुदी शुह, चाहे ऊई जाति, या चाहे परगर शुह, चाहे आज़ाद, इच्च़ा ए आत्माओ दोरच़ी इच्च़ा फुक शुहबिमी थल्जी बपतिस्मा लेहपच़ातंई, दंङ हेंज़ी भत्ते ज़ि दू ए आत्मा खोकसी तातंई छना ठ्रोह हेंज़ी भत्ते ज़ि इच्च़ा कोलीऊ दोरच़ी तुंङमातंई।

1 कुरिन्थियों 12:8

छना कुचे परमेश्वरो आत्मा इच्च़ा मीह बि बुद्धिऊ गप्पारे कुट्रीमी वरदान रंड्रा, दंङ दू ए आत्मा ऊईतिंङ ज्ञानो गप्पा कुट्रीमी वरदान रंड्रा।

1 कुरिन्थियों 13:2

दंङ अगर गेह भविष्यवाणी लेह तरपोग, दंङ भत्ते भेद ए भत्ते पाहठी ज्ञान समझेक्पोग, देर तचेक कि अगर गिह्बी परमेश्वरो टोईच़ी पूरा विशवास तोह कि गेह गोह बि थलका लेह तरपोग, दंङ ऊईतिंङ साते दाह माह तहज़ातग, दंङ गेह छल्ले माह शुगाह।

1 कुरिन्थियों 13:8

दू टेम अपतो अपेहल मीहरे परमेश्वरो खबरो प्रचार माह लोहर, या ऊई पाहठी भाषा माह कोहर, दंङ परमेश्वरो पाहठी डुह्गे ज्ञानो वरदान ए परमेश्वरो रूठे खबरो प्रचार लहज़िमी काबिलियत अधूरे तोह।

1 कुरिन्थियों 14:12

झांह लेह केरे ला अपेहल आत्मिक वरदान खोकसिमी हिटी तहज़ातंई, अंऊ पवित्र आत्मा केतिंङ रंड्रा, दंङ दू वरदानो इस्तेमाल लहज़िमी थल्जी झांह ठ्रोह कोशिश लोहवा लंहि कि दू वरदानो दोरच़ी कलीसिया भत्ते तरीका रंङ विशवासारिंङ पक्‍का शुहचे योतो।

1 कुरिन्थियों 4:7

अच़िला केतिंङ ऊईदि बे खास बणाषी माह! छिल्ला धिर केहतु कछंङ तोह दू केतिंङ परमेश्वरो दोरच़ी खोकसा तोह। दंङ केतिंङ घमण्ड लहज़िमी छल्ले अधिकार माह।

2 कुरिन्थियों 7:7

दंङ माह सिर्फ दोऊ अपिमी बे पर दोऊ दू दुह शान्तिरंङ साते ला, अंऊ तीतुसा बि केहतु दोरच़ी खोकसा तोहई; दंङ दोई केहतु हिटी, ए केहतु दुख ए गिह्बी केतंङ साते दोईमी खुशी ओ पाहठी कंङाते, अंऊ दोरच़ी गिह्बी महस खुशी शुई।

2 कुरिन्थियों 8:6

झांह लेह ञेंहच़ी तीतुसा बि समझाएक्तेंई, कि छना दोई तुहई ला शुरू लाहते, ध्वांए केहतु बिचंङ ला दि दानो कम पूरा लेह च़रपोतो।

2 कुरिन्थियों 9:14

दोरे केहतु थल्जी परमेश्वरो हखा प्रार्थना लोहवा लोहर। दोरे केतिंङ दाह लहज़ातोर। छना कुचे दोच़ी ञेंहच़ातोर कि परमेश्वरे केहतु टोईच़ी अंयों मोह्ड़े दाह लहसी ततो।

2 कुरिन्थियों 9:8

परमेश्वरो भत्ते धिरो मोह्ड़े दाह केतिंङ केहतु ज़रूरत बे महस रें तरपोतो। अंऊ दोरच़ी भत्ते गप्पा रिंङ ए भत्ते टेमारिंङ, भत्ते धिर, अंऊ केतिंङ जूंशी तोह केहतु कछंङ बंङज़ोतो, ताकि केहतु कछंङ रूठे कम लहज़िमी थल्जी ज़रूरत बे महस शोतो।

इफिसियों 4:29

अंऊ ला झखंजी गप्पा केहतु आहच़ि हुंच़ी मेस, पर दू गप्पारे कुंई अंऊ मीहतु थल्जी ज़रूरी तोह, अंऊ कि दोतिंङ विशवास रिंङ पक्‍का लहज़िमी थल्जी मदत लोहतो। दू मुक्का छिल्ला केहच़ी कुंई दू केहतु रेड्रा दोतु थल्जी रूठे शोतो।

फिलिपियों 1:11

छना इच्च़ा बुट फल पैदा लहज़ा ध्वांए केहच़ी धर्मिकताऊ कम लोहवा लंहि अंऊ प्रभु यीशु मसीहू दोरच़ी शवाह दोरंङ साते भरपूर शुचे इलेंई अतु दोरच़ी यीशु मसीहू महिमा ए षटणा शुहबी जूंस।

फिलिपियों 1:9

दंङ गेह दि प्रार्थना लहज़ातग, कि इदि-अई दिऊ थल्जी केहतु दाह, सच्चाई ओ ज्ञान ए दंङ भत्ते पाहठी विचार ऊई ला बेहसा लोहतो,

2 थिस्सलुनीकियों 1:3

हे गिऊ प्यारे साथी विशवासी रे, केहतु पाहठी ञेंतिंङ लगातार परमेश्वरो धन्यवाद लहच़ी जूंशी तोह, झांह लेह ञेंहतु थल्जी ठीक ला तोह, छना कुचे प्रभु यीशु मसीहरिंङ केहतु विशवास लगातार बड़ेक्पी लेहकी तोह, दंङ इदि अई दिऊ थल्जी केहतु दाह ला महस बड़ेक्पी लेहकी तोह।

2 तीमुथियुस 2:1

झांह लेह हे गिऊ योह तीमुथियुस, कांह दुह मोह्ड़े दाह रंङ साते अंऊ यीशु मसीह रंड्रा, बलबंत शुहचे ईल,

इब्रानियों 12:28

हेंदिंङ अंऊ राज खोकसा तोह, दू त्रुलज़िमी जोगे माह, झांह लेह हेनर परमेश्वरा बि धन्यवाद रम्मा लोहनि, दंङ दोऊ हिटी ओ हिसाबे भक्ति ए अराधना लोहनि, अंऊ दिरंङ दू खुश शवाह।

1 पतरस 1:22

छना कुचे हेले ओ भाषे लहज़िमी रंङ साते केतिंङ पापो दोरच़ी शुद्ध लेह चरच़ातंई, हेंतेग केतिंङ केनातु साथी विशवासी तंङ निष्कपट दाह लेह जूंशी तोह। इदि-अई दिरंङ साते महसे ए भत्ते सेहमे दाह लेह जारी तंही।

2 पतरस 3:18

पर केतिंङ हेंदु प्रभु ए उद्धारकर्ता यीशु मसीहू मोह्ड़े दाह बि ऊई महसे बे महसे महसूस लेह जूंशी तोह, दंङ दोऊ थल्जी हेंदु समझा रिंङ बढ़ेक्पि जूंशी तोह। दोऊ महिमा हेंतेग हमेशा थल्जी शुहबी जूंस। अमीन।

प्रकाशित वाक्य 3:17

केई चेहच़ातन कि काह साहुकार तोतोन दंङ कांह कछंङ दुह भत्ते तोह अतु कनिंङ ज़रूरत तोह, पर हेले दि तोह कि काह कांणे तु ठ्रोह तोतोन, केई माह ञेंच़ातन कि काह हेले रिंङ छना ठ्रोह तोतोन। कनु टोईच़ी तरस अपि जूंस छना कुचे काह गरीब तोतोन, दिऊ मतलब दि तोह कि कनु अंदरेग विशवासो कमी तोह। काह दुह मीहतु ठ्रोह तोतोन अतु दोर खमज़ेर माह तोतोर।