2 कुरिन्थियों 8:5 - लाहौली बाइबिल

⁵ ञेंहच़ी दि माह सोचेक्तंई कि दोरे झांह ठ्रोह रें तरपोर। दोच़ी एनाबि तुहई प्रभु बि दंङ दोऊ थल हेंदिंङ रें च़रतिर, ठीक ध्वांए छना कि परमेश्वरे जुंज़ाते कि दोच़ी लोहर।

2 कुरिन्थियों 8:5 Iomraidhean Croise

रोमियो 12:1

झांह लेह हे गिऊ प्यारे साथी विशवासी रे, गेह केतंङ साते परमेश्वरो दया हिद रंड्रा बिनती लहज़ातग कि केनोह जीवन बि श्रींङे, पवित्र, परमेश्वराबि रूठे च़ेहसा बलिदान ठ्रोह चढ़ाएतु। दिए परमेश्वरो सेवा लहज़िमी सही तरीका तोह।

रोमियो 6:13

दंङ माह ए फुको अंङा रे मदम हिटी थल्जी इस्तेमाल लंहि, पर केनातिंङ सिऊ दोरच़ी श्रींङे ञेंए केनातु जीवन परमेश्वराबि रें च़रतुंई, दंङ केनातु फुको अंङर सही कम लहज़िमी थल्जी परमेश्वरो हवाले लेह च़रतुंई।

1 कुरिन्थियों 1:1

गेह, पोलुस दि डाक च़ेहसी लेहकी तोतोग। गेह परमेश्वरो हिटी रंङ साते यीशु मसीहू प्रेरित शुहबी थल्जी अंङषी शुगाह। गेह देर हेंदु साथी विशवासी सोस्थिनेस रंङ साते तोतोग।

2 कुरिन्थियों 4:5

छना कुचे हेनर हेंदिंङ मशत, पर यीशु मसीह बि प्रचार लहज़ातंई, कि यीशु मसीह ए प्रभु शुह; दंङ हेंदु पाहठी दि कुट्रातंई कि ञेंरे यीशु वहज़ा ज़ि केहतु सेवक शुई।

2 कुरिन्थियों 8:1

हेंतेग हे गिऊ प्यारे साथी विशवासी रे, ञेंरे केतिंङ परमेश्वरो दू मोह्ड़े दाह ओ रूठे खबर रंड्रातंई, अंऊ परमेश्वरे मकिदुनिया प्रदेशो विशवासी तु मंडली बि रांहषी तहरे।