2 कुरिन्थियों 8:3 - लाहौली बाइबिल

³ दंङ दोतु पाहठी गिऊ दि गवाही तोह, कि माह दोच़ी धोंण ए रेंईर, अंऊ दोतु थल्जी जूंशी तोहई पर दोबि महस! दि दोच़ी एनोह हिटी रंङ साते रेंईर।

2 कुरिन्थियों 8:3 Iomraidhean Croise

मरकुसो 14:8

दि मेच़िमी छि भलाई लहज़िमी तोहई दुह लहच़ी च़रति। दोई गिऊ फुकारिंङ इत्र केहच़ी टाईम बे तुहई पथेक्च़िमी थल्जी तेयारी लेह चरच़तो दिबे तुई कि गेह सिए योग।

प्रेरित 11:29

दोथर अन्ताकिया ओ विशवासी ज़ि एनोह-एनोह टंगा-ढबाहो हिसाबे यहुदिया प्रदेशंङ बंङज़ा विशवासी तु मदत लहज़िमी फेंसला लहरिर।

रोमियो 10:2

छना कुचे गेह दोतु पाहठी गवाही रंड्रातग, कि दोरे परमेश्वरो थल्जी उत्साहित ता तोतोर, पर परमेश्वरो सेवा छना लहज़ी, दि पाहठी दोतु समझ गलत तोह।

1 कुरिन्थियों 16:2

हप्ता ओ पहला ध्याड़ारिंङ केहतु बिचंङ हर इच्च़ा एनोह आमदनीऊ हिसाबे थोड़े अरे ढबाह शत्‌ह तोह कि गिऊ दोर अपिमी मुक्का केतिंङ ढबाह ठ्रोहका लेह पड़ेक्पोतो माह

1 कुरिन्थियों 9:17

अगर गेह दि कम घेंङौ हिटी रंङ साते लहज़ातग, दंङ गिह्बी ईनाम खोकसोतो। पर अगर परमेश्वरे गिह्बी दि ज़िम्मेवारी रांहषी तो ता, दंङ गेह इनामो छि उम्मीद लोहग? गेह छिला इनामो उम्मीद माह लहज़ातग।

गलातियों 4:15

दू मुक्का केरे महस खुश तोतोंई! केहतु दू खुशी हेंतेग अंऊर तोह? गेह हेले रिंङ दि कुट्री तरपोग कि केरे गिऊ थल्जी छिल्ला लहज़िमी थल्जी तेयार तोईनि; अगर शुहचे तरपो ता केहच़ी केनातु टिरा ला हुंच़े गिह्बी रें च़रपोंई।

फिलिपियों 2:13

छना कुचे परमेश्वर ए तोह, अच़ि केहतु अंदरेग कम लहज़ा दंङ दोई ए केतिंङ कम लहज़िमी हिटी ए शाक्ति रंड्रा अंऊ दोई दोबि खुश लहज़ा।

कुलुस्सियों 4:13

गेह दोऊ गवाह शुगाह, कि दोई केहतु थल्जी ए लौदीकिया ए हियारापुलिस शहरो मीहतु थल्जी सेहमारंङ प्रार्थना लहज़ा।

1 थिस्सलुनीकियों 2:8

ञेंरे केतंङ साते धोंण दाह लहज़ातंई कि सिर्फ परमेश्वरो रूठे खबर सुनाएच़िमी थल्जी ए मशत पर केहतु थल्जी हेंदु जाहन ला रंड्रीमी थल्जी तेयार तोईनी, झांह लेह कि ञेंरे केतंङ साते महस दाह लहज़ातंई।

फिलेमोंन 1:14

पर गेह कनु हिटी मेह छिल्ल लेह मरतिगा, कि कनु दि श्रर्ण (उपकार) दबाबारंङ साते माशुह पर खुशी रंङ साते शुहबी जूंस।

1 पतरस 4:11

अगर केहतु कछंङ प्रचार लहज़िमी वरदान तोह, दंङ केतिंङ परमेश्वरो बचनो प्रचार लहज़ी जूंशी तोह। अगर केहतु कछंङ ऊईतु मदत लहज़िमी वरदान तोह, दंङ दू, दू सामर्थ रंङ साते लंहि अंऊ परमेश्वर केतिंङ रंड्रा। तांला छिल्ला धिर केहच़ी लोहनि दू यीशु मसीहू दोरच़ी परमेश्वरा बि महिमा रमतो। भत्ते महिमा ए सामर्थ हमेशा-हमेशा ओ थल्जी दोऊ शुह। अमीन।

1 पतरस 5:2

कि विशवासी तु दू झुंडो रखवाली लंहि अंऊ परमेश्वरो तोह, दंङ अपि केतिंङ देखभाल लहज़िमी थल्जी रांहषी तोह। खुशी रंङ साते दोतु देखभाल लंहि, दिऊ थल्जी मशत कि केरे मज़बूर तोतोंई। दिए परमेश्वरे जुंज़ा कि केहच़ी लंहि। सिर्फ ढबाहो थल्जी विशवासी तु देखभाल था लंहि, पर दिऊ थल्जी कि केरे हेले रिंङ दोतु मदत लहज़ी जुंज़ातंई।