2 कुरिन्थियों 8:2 - लाहौली बाइबिल

² कि अपेहल महस परेशानी रिंङ दोतु परीक्षा शुई, दंङ दोरे खुश शुहचे इलिर, हालांकि दोरे महसे गरीब तोईरे तांला दोच़ी ऊई विशवासी तु मदत लहज़िमी थल्जी खुशी रंङ ढबाह रांई।

2 कुरिन्थियों 8:2 Iomraidhean Croise

मत्ती 20:15

दंङ गिह्बी दि अधिकार तोह कि गेह घेंङौ ढबाह घेंङौ हिटी रंङ साते खर्च लोहग। कनिंङ जलन शुबी मेस छना कुचे गेह ऊईतु थल्जी रुठे तोतोग।

रोमियो 12:8

अतिंङ उत्साहित लहज़िमी वरदान खोकसा तोह ता, दू उत्साहित लोहवा लोह अगर ऊईतु ज़रूरत पूरा लहज़िमी वरदान खोकसा तोह ता दू दान बि ऊईतु मदतो थल्जी महस बे महस रम्मा लोह। अगर अगुवाई लहज़िमी वरदान तोह ता दोबि भत्ते खुशी रंङ साते लोह अंऊ दया लोहतो दू खुशी रंङ साते लोह।

रोमियो 2:4

छि कांह परमेश्वरो भलाई ए सहनशीलता, दंङ सब्ररूपी धन बि बेकार ञेंच़ातन? दंङ केई दि माह समझेक्च़ातन कि परमेश्वरो भलाई कनिंङ पश्चाताप काराच़ि सिखाएच़ा?

2 कुरिन्थियों 1:12

छना कुचे हेंदिंङ इच्च़ा गप्पो माह घमण्ड तोह, हेंदु अन्तरात्मा हेंदिंङ विशवास रंड्रा कि हेंज़ी मीहतंङ साते छि बर्ताब लहसी तातंई, दू संसारो मीहतु बुद्धिमानो हिसाबे मशत, पर दू सच्चाई ए ईमानदारीऊ हिसाबे तोहई अंऊ परमेश्वरो कृपा ओ वरदान तोहई।

2 कुरिन्थियों 2:9

छना कुचे गेह केतिंङ दिऊ थल्जी ला चेआतग, कि केतिंङ परखेकी च़रपोग, कि केरे गिऊ हुकुमो भाषे लहज़िमी थल्जी तेयार तोतोंई या माह तोंईया।

2 कुरिन्थियों 6:10

हेंदु कछंङ हेंदु टेम तोहई, पर हमेशा खुश बंङज़ातंई। हेनर कंगाल तोतोंई, पर महस मीहतिंङ आत्मिक तरीका रंङ साहुकार बणाके चरच़ातंई। हेनर झांह तोतोंई कि हेंदु कछंङ छल्ले माह, तांला हेंदु कछंङ भत्ते धिर तोह।

2 कुरिन्थियों 9:11

केरे भत्ते पाहठी आशीषित शोंई, दंङ झांह लेह केरे हमेशा सेहमे रंड्रीमी जोगे शोनि। दंङ अपेहल केहतु उदारता रंङ साते रांहषी दान बि ज़रूरतमंद मीहतिंङ रमोर, दंङ दोरे मीहरे परमेश्वरो धन्यवाद लोहर।

2 कुरिन्थियों 9:13

छना कुचे ऊईतु मदत लहज़िमी थल्जी ढबाह रंड्रीमी सेवा दि साबित लोहतो कि केरे सच्चा शुई। महस मीहरे परमेश्वरो महिमा प्रगट लहज़ातोर, कि अपेहल केहच़ी कुट्रातंई कि रूठे खबर हेले तोहई दंङ केरे दिबी मनेक्पोंई दंङ केहच़ी केनाच़ि केनातु शब्दा तु भाषे लहज़ातंई। दंङ गरीब विशवासी तु ए भत्ते तु मदत लहज़िमी उदारता प्रगट लोहवा लाहतंई।

1 थिस्सलुनीकियों 1:6

केहच़ी ञेंहतु ए प्रभु उदाहरण हिद लहरिन, अंऊ पवित्र आत्माओ दोरच़ी केतिंङ रांहषी तोहई, केहच़ी खुशी रंङ साते दू ग्रहण लहज़ातंई, दि तरीका रंङ केरे ला हेंदु ए प्रभु यीशु मसीहू शिष्य बणेंके इलांई।

1 थिस्सलुनीकियों 2:14

झांह लेह, हे गिऊ प्यारे साथी विशवासी रे, केहच़ी ध्वांए ठ्रोह दुख सहन लाहतंई छना परमेश्वरो कलीसिया ए सहन लहरी अंऊ यहूदिया प्रदेशा रिंङ मसीह यीशु रिंङ तोतोर। छना कुचे केहच़ी ला केनातु मीहतु दोरच़ी ध्वांए ए दुख खोकच़ातंई, छना दोच़ी यहुदी मीहतु दोरच़ी खोकषातेर।

याकूब 2:5

हे गिऊ प्यारे साथी विशवासी रे रेड्रुंई। छि परमेश्वरे दि संसारो गरीबातिंङ अंङे चरच़तो कि दोरे विशवासरिंङ साहुकार, दंङ दुह राज्यऊ अधिकारी शोर, अतु वाईदा परमेश्वरे दोतंङ साते लहसी ततो, अंऊ दोहरंङ साते दाह लहज़ा तोर?

प्रकाशित वाक्य 2:9

गेह ञेंहच़ातग कि कनिंङ तंगी तोह दंङ काह गरीब तोतोन। पर आत्मिक रूपारिंङ काह महस साहुकार तोतोन। गेह दुह यहुदी मीहतु पाहठी ञेंच़ातग अंऊ दोच़ी दावा लहज़ातोर कि दोरे परमेश्वरो अंङषी मीहरे शुरे, पर तोतोर माह। दोरे कनु पाहठी मदम गप्पा कुट्रातोर, पर हेले रिंङ दोरे दुह झुंडो मीहरे शुरे अंऊ शेतानो तोह।