2 कुरिन्थियों 8:1 - लाहौली बाइबिल

¹ हेंतेग हे गिऊ प्यारे साथी विशवासी रे, ञेंरे केतिंङ परमेश्वरो दू मोह्ड़े दाह ओ रूठे खबर रंड्रातंई, अंऊ परमेश्वरे मकिदुनिया प्रदेशो विशवासी तु मंडली बि रांहषी तहरे।

2 कुरिन्थियों 8:1 Iomraidhean Croise

मत्ती 25:22

दंङ अच़ि झुह्ट तोड़ा खोकसी तहरे दोईला अंज़े कुहतो, हे मालिका, केई गिह्बी झुह्ट तोड़ा रन्देन, खंणु गेह झुह्ट ऊहई तोड़ारे कमाकातग।

प्रेरित 11:23

अपेहल बरनबास दोर्तिंङ पिचे इलि, दंङ दोई ञेंई च़रति कि परमेश्वरे दाह रंङ अन्ताकिया ओ विशवासी तंङ साते व्यवहार लहसी ततो दंङ दुह दि खांई खुश शुचि इलि; दंङ भत्ते तिंङ शिक्षा रेंई कि ध्यान मन रंङ साते प्रभु रिंङ पक्‍का तोंई।

प्रेरित 16:9

दोहर पोलुसे रातारिंङ इच्च़ा दर्शन खंणी कि मकिदुनिया प्रदेशो इच्च़ा मीह दोहर खड़े तोहई, दंङ दोतंङ साते विनती लहज़ी कुट्री लेहती, “मकिदुनिया प्रदेशो हखा जहाज़ंङ अतंई दंङ ञेंहतु मदत लोहू।”

प्रेरित 24:17

महस सालो थल गेह गरीब मीहतिंङ दान पिट्री, दंङ परमेश्वरा बि बलि चाढसी यरूशलेम शहर वापिस अतिगा।

रोमियो 15:26

छना कुचे मकिदुनिया ए अखाया प्रदेशो कलीसिया ओ मीहतिंङ दि रूठे चेहतिर, कि दोरे यरूशलेम शहरो मीहतिंङ अंऊ गरीब तोतोर, छा दान रमोर।

1 कुरिन्थियों 15:10

पर अगर तोग गेह प्रेरित शुगाह दंङ दुह परमेश्वरो मोह्ड़े दाह शुह। दंङ दोऊ मोह्ड़े दाह अंऊ गिऊ टोईच़ी शुई, दुह शुह्के माह शुई पर गेह ऊई अरिला प्रेरित बे महस मेहनत ला लहरिगा ता दि गिऊ दोरच़ी मशत पर परमेश्वरो मोह्ड़े दाह गिऊ दोरच़ी कम लहज़ाते।

2 कुरिन्थियों 11:9

दंङ अंऊ मुक्का गेह केतंङ साते तोईग, दंङ गिह्बी ढबाहो कमी शुई, दंङ गेह अतुला टोईच़ी भार माह केईगा छना कुचे विशवासी न्वारे ज़ि, मकिदुनिया नगरंङ अंज़े गिऊ कमी पूरा लहरिर; दंङ गेह छना ठ्रोह ला केहतु थल्जी छना ठ्रोह ला परेशानी बढ़ेक्पिमी दोरच़ी बचेके इलिगा, दंङ अंजा टेमारिंङ ला केहतु टोईच़ी बोझ माह बणेक्पोग।

2 कुरिन्थियों 9:12

छना कुचे दि सेवा पूरा लहज़िमी रंङ, माह सिर्फ पवित्र मीहतु कमी पूरा शवाह, पर मीहतु तरफे परमेश्वरो महस धन्यवाद शवाह।

2 कुरिन्थियों 9:2

छना कुचे गेह केहतु रंड्रीमी हिटी बि ञेंहगा, अतु वहज़ा ज़ि केहतु पाहठी मकिदुनिया इलाको कलीसिया ओ तुईज़ी घमण्ड लहज़ातग, कि अखाया प्रदेशो केरे मीहरे इच्च़ा साल बेहच़ी तेयार शुहबी लेहकी तोतोंई, दंङ केहतु खुशी रिंङ ऊई महस मीहतिंङ प्रेरणा खोकसिरी।

2 कुरिन्थियों 9:4

झांह शुहबी मेस, कि अगर अपेहला मकिदुनिया नगरो रें विशवासी गेरंङ साते अपोर, दंङ केहतु धन तेयार माह शोतो, दंङ शुहबी तरपोतो कि, ञेंरे केहतु टोहकठे हेंदु विशवासो पाहठी शर्मिन्दा शोनि, पर केरे ऊई ला महस शर्मिन्दा शोनि।

इफिसियों 3:8

गेह परमेश्वरो भत्ते मीहतु बिचंङ कवचि शुगाह, पर परमेश्वरो मोह्ड़े दाह गिऊ टोहकठे शुई, कि गेह ऊईजाति मीहतिंङ मसीहू महसे आशीषो पाहठी रूठे खबर सुनाएपोग। दि आशीष अंऊ मसीहू दोरच़ी खोकसा, दुह मीहतु समझ बे धकते तोह।

कुलुस्सियों 1:29

झांह लेह दिबी पूरा लहच़िमी थल्जी गेह महस मेहनत लहज़ातग, दुह मोह्ड़े सामर्थो इस्तेमाल लहज़ा ते अंऊ मसीह रंड्रा दंङ अच़ि गिऊ अन्द्रेग कम लहज़ा।

1 थिस्सलुनीकियों 4:10

दंङ मकिदुनिया प्रदेशो भत्ते विशवासी न्वा तंङ साते दाह लहज़ातंई। पर हे गिऊ प्यारे साथी विशवासी रे, ञेंहच़ी केतंङ साते विनती लहज़ातंई, कि दिरंङ ऊई ला बड़ेकी इलांई,