2 कुरिन्थियों 7:7 - लाहौली बाइबिल

⁷ दंङ माह सिर्फ दोऊ अपिमी बे पर दोऊ दू दुह शान्तिरंङ साते ला, अंऊ तीतुसा बि केहतु दोरच़ी खोकसा तोहई; दंङ दोई केहतु हिटी, ए केहतु दुख ए गिह्बी केतंङ साते दोईमी खुशी ओ पाहठी कंङाते, अंऊ दोरच़ी गिह्बी महस खुशी शुई।

2 कुरिन्थियों 7:7 Iomraidhean Croise

मत्ती 26:75

दंङ पतरसबि यीशु कुट्री गप्पा हिद अति; “कुकड़ो झुह्ट फेरा हाऊष रंड्री बे तुई केई षुमु फेरा गिऊ इन्कार लोहुन।” दंङ धह्तेका इलजे हुक्शा, हुक्शा क्रप्चाते।

मत्ती 5:4

धन्य शुहरे दोरे, अच़ि शोक लाह्तोर, छना कुचे परमेश्वर दोतिंङ शांति रमोतो।

लूको 22:44

यीशु दुखा रंङ शुहचे सेहमा रिंङ प्रार्थना लहज़ी लेहती; दोऊ त्रुहस शुईऊ ठ्रोह मोह्ड़े, मोह्ड़े छिटीरंङ षोड़िंङ दह्पी लेहकी तोहई।

प्रेरित 11:23

अपेहल बरनबास दोर्तिंङ पिचे इलि, दंङ दोई ञेंई च़रति कि परमेश्वरे दाह रंङ अन्ताकिया ओ विशवासी तंङ साते व्यवहार लहसी ततो दंङ दुह दि खांई खुश शुचि इलि; दंङ भत्ते तिंङ शिक्षा रेंई कि ध्यान मन रंङ साते प्रभु रिंङ पक्‍का तोंई।

रोमियो 1:12

गिऊ कुट्रिमी दि मतलब तोह कि अपेहल गेह केहतु कछंङ अपोग, दंङ गेह ए कांह हेंदु बिचंङ इदि-अई दिऊ विशवासो दोरच़ी उत्साहित शुहचे योंई।

1 कुरिन्थियों 5:2

केतिंङ दुह मीहु दि कुकमो वहज़ा ज़ि दुखी शुहबी जुंशी तोहई। झांह ठ्रोह मीहबी केनातु बिचंङ ज़ि हुंच़ि च़रच़ी जुंशी तोह। पर दिऊ बहज़ा केहच़ी दिऊ टोईच़ी घमण्ड लहज़ातंई।

2 कुरिन्थियों 1:4

परमेश्वर हेंदिंङ हेंदु भत्ते मुसीबता रिंङ तसल्ली रंड्रा। हेनर ऊईतिंङ ध्वांए ठ्रोह तसल्ली रें तरपोंई छना परमेश्वरे हेंदिंङ तसल्ली रंड्रा।

2 कुरिन्थियों 2:9

छना कुचे गेह केतिंङ दिऊ थल्जी ला चेआतग, कि केतिंङ परखेकी च़रपोग, कि केरे गिऊ हुकुमो भाषे लहज़िमी थल्जी तेयार तोतोंई या माह तोंईया।

2 कुरिन्थियों 5:2

दि इच्च़ा सच्चाई तोह कि अपेहल हेनर दि धरती ऊ टोईच़ी तोतोंई, दंङ हेनर दि फुकारिंङ क्रिम्बातंई दंङ मोह्ड़े हिटी लांहज़तंई कि, हेंदिंङ इच्च़ा झांह ठ्रोह फुक खोकसा, अंऊ हेंदु स्वर्गो चुंङो ठ्रोह शोतो।

2 कुरिन्थियों 7:6

तांला दुखी मीहतिंङ शांति रंड्रा परमेश्वरे तीतुसा बि देर चरच़े ञेंतिंङ याहब रेंई।

2 कुरिन्थियों 7:8

गेह दि गप्पो दोरच़ी पछताप माह लहज़ातग कि गेह केतिंङ डाक चेआतेग, चाहे दोई केतिंङ दुखी लहरी, हालांकि तुहई गिह्बी पछताप शुह्ते अपेहल गेह खंदेग कि दि केरे थोड़े टेमो थल्जी दुखी लहज़ी चरच़तो।

2 कुरिन्थियों 8:16

परमेश्वरो धन्यवाद शुहबी जूंस, अच़ि केहतु थल्जी दू ए खुशी तीतुसो सेहमरिंङ केहच़ी केई, अंऊ चिंद गिह्बी केहतु थल्जी तोहई।

फिलिपियों 1:20

गिऊ सेहमो हिटी ए उम्मीद दि तोह, कि गेह अंऊ लाह गप्पा रिंङ शर्मिन्दा माह शुगाह, पर गिह्बी मसीहू पाहठी कुट्री हिम्मत शवाह छना कि गेह बितेगी टेमारिंङ कुहतेग। चाहे गेह श्रींङी बंङज़ोग या सिए योग, गेह घेंङौ भत्ते ज़िंदगी ऊ दोरच़ी मसीह बि आदर रम्मा लोहग।

कुलुस्सियों 2:5

छना कुचे गेह केतंङ साते मातोग, तांला केहतु पाहठी सोचेक्सी लेहकी तोतोग, गेह खुश तोतोग कि केरे ध्वांए ठ्रोह श्रींङमी लेहकी तोतोंई छना केतिंङ श्रींङमी जूंस। दंङ मसीह रिंङ केहतु विशवास पक्‍का तोह।

1 थिस्सलुनीकियों 3:6

दंङ हेंतेग तीमुथियुस अंऊ केहतु कछंङ ज़ि ञेंहतु दोहर अंज़े केहतु विशवास ए दाह ओ रूठे खबर सुनाके च़रति दंङ दि गप्पा ला सुनाके च़रति कि केहच़ी हमेशा दाह रंङ साते ञेंतिंङ हिद लहज़ातंई, दंङ ञेंतिंङ खंड्रिमी हिटी शवात, ध्वांए ञेंरे ला केतिंङ खंड्रिमी थल्जी लालसा शवात।

1 थिस्सलुनीकियों 3:8

दि ञेंई कि केरे प्रभु टोहकठे पक्‍का विशवास लहज़ातंई दंङ दि हेंदु थल्जी खरकोई जीवनो ठ्रोह तोह छना कुचे हेंतेग केरे प्रभुरिंङ खड़े बंङज़ोंई ता दि हेंदु ज़िंदगी श्रींङमी बि (याहब रंड्रा) जोगे बणाके केट्रा।

इब्रानियों 2:1

झांह लेह हेंदिंङ अंऊ खबर खोकसते, दोऊ टोईच़ी रूठे रंङ ध्यान रंड्री जूंशी तोह। झांह शुहबी मेस कि हेनर सच्चाई ओ दोरच़ी भटकेगी योंई।

याकूब 5:17

एलियाह भविष्यवक्ता लाह हेंदु बराबर दुख-सुख भोगी मीह तोहई; दंङ दोई क्रपचि-क्रपचि प्रार्थना लहरी; कि संदाण शुहबी मेस; दंङ साढ़े षुमु साल तचेक धरतीरिंङ संदाण मा अति।

2 यूहन्ना 1:4

गेह महस खुश शुईगा, अपेहल गेह दिह रेड्रा कि कांह थोड़े कटुरे दुह हेले ऊ पालन लहज़ा षिङे बंङज़ा तोर, अंऊ हेन्दिंङ परमेश्वर बाह ज़ि लहज़िमी थल्जी कुहषी ततो।

यहूदा 1:3

हे गिऊ प्यारे साथी विशवासी रे, हालांकि गेह केतिंङ परमेश्वरो पाहठी छा चेहच़ातग, अंऊ दोरिंङ हेनर भत्तेर सहभागी तोतोंई गेह दि दबाब महसूस लहज़ातग कि केतिंङ उत्साहित लहज़िमी थल्जी च़ेओग कि हेले ओ शिक्षा ओ थल्जी संघर्ष लंहि। परमेश्वरे एनोह मीहतिंङ दि हेले इच्च़ा फेरा हमेशा ओ थल्जी रें चरच़तो अंऊ अपेहल ला माह लेहक्सतो।