2 कुरिन्थियों 7:5 - लाहौली बाइबिल

⁵ छना कुचे त्रोआस शहर छोड़ेके मकिदुनिया प्रदेशो हखा अंजा मुक्का ञेंहतिंङ फुको हिसाबे आराम माह खोकसिरी। पर दोऊ बहज़ा ञेंरे भत्ते पाहठी परेशानी उठाएच़ातेंई। भत्ते ठहरि झगड़ा तोहई, ञेंहतु सेहमा रिंङ बेह्द तोहई।

2 कुरिन्थियों 7:5 Iomraidhean Croise

प्रेरित 20:1

इफिसुसो मीहतु दि दंगा बंद शुहबिमी थल, पोलुसे चेला तिंङ बुलाके दोतिंङ याहब रेंई, दोऊ थल दोई दोतिंङ बिदा लहरी दंङ मकिदुनिया प्रदेशो हखा इबिमी थल्जी दोतु दोरच़ी हुंच़ा इलि।

रोमियो 15:26

छना कुचे मकिदुनिया ए अखाया प्रदेशो कलीसिया ओ मीहतिंङ दि रूठे चेहतिर, कि दोरे यरूशलेम शहरो मीहतिंङ अंऊ गरीब तोतोर, छा दान रमोर।

1 कुरिन्थियों 15:31

हे गिऊ प्यारे साथी विशवासी रे, गेह रोज मोतो सामना लहज़ातग गेह छि कुट्रातग दि हेले रिंङ सच्चाई शुह छना कि दि ला सच्चाई शुह कि गेह हेले रिंङ खुश तोतोग छना कुचे केरे ञेंह्तु प्रभु यीशु मसीहू टोईच़ी विशवास लहज़ातंई।

1 कुरिन्थियों 16:5

अगर दि प्रभु हिटी तोह ता गेह केतंङ साते महस ध्याड़ा तचेक बंङज़ी तातग। झांह लेह गेह थोड़े टेमो थल्जी केहतु कछंङ माह रूहमज़ोग, अपेहल कि गेह मकिदुनिया प्रदेशो हखा इबि लेहकी तोतोग। दोर इलजी थल गेह केहतु कछंङ अपोग। दोहथल गेह थोड़े ध्याड़ो थल्जी या सोह्ईऊ ध्याड़ो मुक्का केतंङ साते बंङज़ोग। दोऊ थल, केरे गिऊ अई यात्राऊ थल्जी गिऊ ज़रूरत पूरा लोहनि, चाहे दुह अंऊर ला शुह।

2 कुरिन्थियों 2:13

गेह घेंङौ विशवासी न्वा तीतुसा बि केहतु तरफे खबर हपि माह तंङरिगा, झांह लेह त्रोआस शहरो विशवासी तु दोरच़ी विदा शुहचे गेह घेंङौ विशवासी न्वा तीतुस बि पेट्रीमी थल्जी मकिदुनिया शहरो हखा वापिस अतिगा।

2 कुरिन्थियों 2:3

दंङ गेह दि गप्पा केतिंङ झांह लेह चेहरिगा, कि झांह शुहबी मेस, कि गिऊ अपिमी मुका, अतु दोरच़ी गिह्बी खुशी खोकसी जूंस, गेह दोतंङ साते दुखी शोहग; छना कुचे गिह्बी केहतु भत्ते तु टोईच़ी दि गप्पाऊ विशवास तोह, कि अंऊ गिऊ खुशी तोह, दुह ए केहतु भत्ते तु ला तोह।

2 कुरिन्थियों 2:9

छना कुचे गेह केतिंङ दिऊ थल्जी ला चेआतग, कि केतिंङ परखेकी च़रपोग, कि केरे गिऊ हुकुमो भाषे लहज़िमी थल्जी तेयार तोतोंई या माह तोंईया।

गलातियों 4:11

छिल्ला धिर केहच़ी लहज़ातंई दोऊ वहज़ा ज़ि गिह्बी बेह्द तोह, कि झांह शुहबी मेस कि अंऊ मेहनत गेह केहतु थल्जी लहसी शुह दुह शुह्के शुचि योतो।

1 थिस्सलुनीकियों 3:5

झांह लेह अपेहल गेह ऊई ज़हके मरतिगा, दंङ केहतु विशवासो हाल ञेंच़िमी थल्जी तीमुथियुसा बि च़रचातेग, छना कुचे ञेंरे बेवातेंई कि, परीक्षा लहज़ा शेताने केहतु परीक्षा लोहतो, दंङ ञेंहतु मेहनत बेकार शुचे योतो।