2 कुरिन्थियों 7:4 - लाहौली बाइबिल

⁴ गेह केतंङ साते भत्ते भरोसा रंङ साते कुट्रातग दंङ गिह्बी केहतु टोईच़ी घमण्ड तोह, दिरिंङ गिह्बी महस तसल्ली खोकसा; दंङ घेंङौ भत्ते दुखारिंङ ला, गेह खुशी रंङ भरपूर बंङज़ातोग।

2 कुरिन्थियों 7:4 Iomraidhean Croise

प्रेरित 5:41

दंङ दोरे यहुदी सभा ओ तुईज़ी हुंच़ा इलिर। दंङ छना दोरे वापिस यवातेर दोरे दि गप्पा रंङ खुश शुचे तोईरे कि ञेंरे यीशु थल्जी निरादर शुहबिमी जोगे शुईरे।

रोमियो 5:3

सिर्फ दि माह, पर हेनरे दुखारि ला खुशी मनेक्पोंई, दि ञेंए कि दुखा रिंङ ए धीरज़,

1 कुरिन्थियों 1:4

गेह केहतु पाहठी घेंङौ परमेश्वरो धन्यवाद हमेशा लहज़ातग, छना कुचे दोई केतिंङ यीशु मसीह रंङ साते केहतु एकता ओ वहज़ा ज़ि महस आशीष रांहषी ततो।

2 कुरिन्थियों 1:4

परमेश्वर हेंदिंङ हेंदु भत्ते मुसीबता रिंङ तसल्ली रंड्रा। हेनर ऊईतिंङ ध्वांए ठ्रोह तसल्ली रें तरपोंई छना परमेश्वरे हेंदिंङ तसल्ली रंड्रा।

2 कुरिन्थियों 10:8

छना कुचे अगर गेह दू अधिकारो पाहठी ऊई ला महस घमण्ड लोहग, अंऊ प्रभु ज़ि केहतु विशवास नाश लहज़िमी थल्जी मशत पर केहतु विशवास बढ़ाएच़िमी थल्जी मदत लहज़िमी थल्जी हेंदिंङ रांहषी तोह, दंङ गेह षेहपोग माह।

2 कुरिन्थियों 11:21

दंङ केतिंङ छि च़ेहसा कि गिह्बी षेह्द अपि जूंस छना कुचे गेह झांह माहलग? केहच़ी दि गिऊ नादानी चेहतेंई पर अंऊ गप्पातु पाहठी दोरे मीहरे मोह्ड़े गप्पा लहज़ातोर, गेह ला दू गप्पातु पाहठी दू ए लेह तरपोग।

2 कुरिन्थियों 2:14

दंङ परमेश्वरो धन्यवाद शोतो, अंऊ मसीह रंङ साते हेंदु संबधो वहज़ा ज़ि, हेंदिंङ हमेशा ऐनाहरंङ साते चलाच़ा। दिऊ मतलब दि तोह कि हेनर अंऊर ला य्वातंई, हेनर रूठे खबर सुनाच़ातंई ताकि भत्ते मीहरे परमेश्वरो बि ञेंओर ए रेड्रोर।

2 कुरिन्थियों 3:12

झांह लेह दिए उम्मीदा रंङ साते हेनर याहब रंङ साते कुट्रातंई।

2 कुरिन्थियों 7:14

छना कुचे अगर गेह दोऊ तुईज़ी केहतु पाहठी घमण्ड लहरिगा, दंङ दोऊ थल्जी गिह्बी षेह्पिमी माह पडे़क्ति। गेह केहतु हखा छिल्ला कुहतेग, दू भत्ते हेले तोहई। झांह लेह तीतुसो तुईज़ी गेह घमण्ड लहच़ी छि कुहतेग, दू हेले हुंच़िरी।

2 कुरिन्थियों 8:24

झांह लेह एनोह दाह ए हेंदु घमण्ड अंऊ केहतु पाहठी तोह कलीसिया तु तुईज़ी सिद्ध लेह दोतिंङ कंड्रु।

फिलिपियों 1:14

दंङ प्रभुरिंङ अंऊ विशवासी न्वारे तोतोर, दोतु बिचंङ महस गिऊ कैदरिंङ शुहबी वहज़ा ज़ि, खुशी रंङ साते परमेश्वरो वचन बेधड़क शुचे सुनाएच़िमी थल्जी ऊई ला याहब लहज़ातोर।

फिलिपियों 1:20

गिऊ सेहमो हिटी ए उम्मीद दि तोह, कि गेह अंऊ लाह गप्पा रिंङ शर्मिन्दा माह शुगाह, पर गिह्बी मसीहू पाहठी कुट्री हिम्मत शवाह छना कि गेह बितेगी टेमारिंङ कुहतेग। चाहे गेह श्रींङी बंङज़ोग या सिए योग, गेह घेंङौ भत्ते ज़िंदगी ऊ दोरच़ी मसीह बि आदर रम्मा लोहग।

फिलिपियों 1:26

ताकि अपेहल गेह केतंङ साते बंङज़ोग दंङ केरे गिऊ वहज़ा ज़ि मसीह यीशु पाहठी ऊई लाह घमण्ड लेह तरपोंई।

फिलिपियों 2:17

प्रभु रिंङ केहतु विशवास ए केहतु सेवा परमेश्वर बि चढ़ासी बलिदानो ठ्रोह तोह। अगर दोच़ी गेह सच़ी च़रपोर, तांला गेह खुश तोतोग दंङ केरे भत्ते तंङ साते खुशी मानाएक्च़ातग।

कुलुस्सियों 1:24

दंङ हेंतेग गेह केहतु थल्जी अंऊ दुख सहन लहज़ातग दोऊ वहज़ा ज़ि खुश तोतोग। दंङ गेह लगातार घेंङौ फुको दुख सहन लहज़ातग, छना मसीह सहन लाहते, दंङ दि दुख गेह मसीहू कलीसियाओ थल्जी सहन लहज़ातग अंऊ मसीहू फुक शुह।

1 थिस्सलुनीकियों 2:19

ञेंहतु उम्मीद, ए महस खुशी ए षटणो मुकुट अरि शुह? दि केरे ए शोंई अपेहल हेंदु प्रभु यीशु मसीह यह्च़ा वापिस अपतो, दोऊ तुईज़ी केरे माह शोंई?

1 थिस्सलुनीकियों 2:2

केहच़ी केनाच़ि ए ञेंच़ातंई, कि केहतु कछंङ अपिमी तुहई ञेंहच़ी फिलिप्पी शहरारिंङ अंयों दुख उठाकतेंई। तांला परमेश्वरे ञेंतिंङ धोंण हिम्मत रांहषी ततो, कि केहतु शहरो मीहतु दोरच़ी ञेंहतु महस विरोध शुहचे थल ञेंहच़ी परमेश्वरो रूठे खबर सुनाएक्तंई।

2 थिस्सलुनीकियों 1:4

झांह लेह ञेंरे परमेश्वरो कलीसिया ओ बिचंङ केहतु पाहठी घमण्ड लहज़ातंई, छना कुचे केरे धीरज़ ए विशवासारंङ साते भत्ते पाहठी मुसीबत सहन लहज़ातंई दंङ केरे हेंतेग ला यीशु मसीहू टोहकठे विशवास लहज़ातंई।

फिलेमोंन 1:7

छना कुचे हे प्यारे विशवासी न्वा, गेह ऊईतु थल्जी कांह दाह खंऐ महस खुशी ए शांति खोकच़ातग, कि कनु दोरच़ी परमेश्वरो मीहरे खुश शुहचे इलोर।

याकूब 1:2

हे गिऊ प्यारे साथी विशवासी रे, अपेहल केहतु टोहकठे महसे पाहठी मुसीबत अपतो, दोहपल दिबी महसे खुशी ओ गप्पा समझेक्तुंई।