2 कुरिन्थियों 7:3 - लाहौली बाइबिल

³ गेह केतिंङ दोषी ठहराच़िमी थल्जी माह कुट्रातग। छना कुचे गेह तुहई ए कुहषी ताहरेग, कि ञेंरे हेंदु भत्ते सेहमे दाह लहज़ातंई “ञेंरे केतंङ साते दाह लहज़ातंई दंङ लोहवा लोहनि, चाहे छिल्ला शुहचे योतो।”

2 कुरिन्थियों 7:3 Iomraidhean Croise

2 कुरिन्थियों 11:11

गेह केहतु ढबाह छिल्ले माह लेहपच़ातग? छि गेह दि दिऊ थल्जी लहरिगा छना कुचे गेह केतंङ साते दाह माह लहज़ातग? परमेश्वरे दि ञेंहच़ा कि गेह केतंङ साते दाह लहज़ातग।

2 कुरिन्थियों 12:15

छिल्ला धिर गिऊ कछंङ तोह दू भत्ते धिरो ओ इस्तेमाल गेह केहतु थल्जी लेह च़रपोग ताकि पवित्र आत्माओ थले जोज़िमी थल्जी केहतु मदत लेह तरपोग। गेह केतंङ साते महस दाह लहज़ातग, पर झांह च़ेहसा कि केरे गेरंङ साते थोड़े दाह लहज़ातंई।

2 कुरिन्थियों 13:10

झांह लेह गेह केतिंङ दि गप्पा चेहच़ातग, दिबे तुहई कि गेह केहतु कछंङ अपोग ताकि गिह्बी केतिंङ सज़ा रें घेंङौ अधिकारो इस्तेमाल लहज़िमी ज़रूरत माह पढ़ेक्पोतो अंऊ प्रभु ज़ि गिह्बी रांहषी ततो। छना कुचे गेह केहतु अधिकारो इस्तेमाल केहतु विशवास पक्‍का लहज़िमी थल्जी लहज़ातग माह कि नाश शुहबिमी थल्जी।

2 कुरिन्थियों 3:2

केरे केनार ए इच्च़ा डाको ठ्रोह तोतोंई अंऊ भत्ते तु तुईज़ी परमेश्वरो थल्जी गिऊ कमो सिफारिश लहज़ा, अंऊ हेंदु सेहमरिंङ च़ेहसी तोह, दंङ केहतु लेहक्सी जीवन केहतु बिचंङ हेंदु कमो वहज़ा ज़ि तोह, अंऊ इच्च़ा डाको ठ्रोह तोह अतिंङ हर इच्च़ा पढेक्पि तरपोतो ए सेहषी तरपोतो।

2 कुरिन्थियों 7:12

हालांकि गेह दि गंभीर डाक माह ता केतिंङ दिऊ थल्जी चेआतेग कि गिह्बी दोऊ चिंद तोहई, अच़ि अन्याय लाहते, दंङ माह ए दोऊ वहज़ा ज़ि अतु टोईच़ी अन्याय लहसी तातंई, पर दिऊ थल्जी कि परमेश्वरो तुईज़ी केरे दि ञेंई च़रतेंई कि केरे ञेंहतु थल्जी अंयों सच्चा तोतोंई।

फिलिपियों 1:7

चाहे गेह जेलारिंङ तोतोग या गेह दि साबित लहज़ातग कि रूठे खबर हेले शुह। ठीक तोह कि गेह केहतु थल्जी झांह ठ्रोह विचार लोहग, छना कुचे गेह केतंङ साते महस दाह लहज़ातग चाहे गेह जेलारिंङ तोतोग या गेह रूठे खबरो बचाब लहज़ी लेहकी तोतोग दि साबित लहज़िमी थल्जी कि रूठे खबर हेले शुह, झांह लेह केरे भत्तेर गेरंङ साते परमेश्वरो मोह्ड़े दाह रिंङ सहभागी शोंई।

1 थिस्सलुनीकियों 2:8

ञेंरे केतंङ साते धोंण दाह लहज़ातंई कि सिर्फ परमेश्वरो रूठे खबर सुनाएच़िमी थल्जी ए मशत पर केहतु थल्जी हेंदु जाहन ला रंड्रीमी थल्जी तेयार तोईनी, झांह लेह कि ञेंरे केतंङ साते महस दाह लहज़ातंई।